ਮੂਸੇਵਾਲੇ ਦਾ ਹੋਲੋਗ੍ਰਾਮ ਟੂਰ ਅੱਜ 9 ਅਕਤੂਬਰ ਤੋਂ ਸ਼ੁਰੂ ਹੋ ਰਿਹਾ ਹੈ। ‘Signed To God World Tour’ ਦੀ ਸ਼ੁਰੂਆਤ ਟੋਰਾਂਟੋ ਤੋਂ ਹੋਵੇਗੀ। ਇਹ ਟੋਰਾਂਟੋ ‘ਚ ਸਿੱਧੂ ਦੇ ਹੋਲੋਗ੍ਰਾਮ ਦਾ ਪਹਿਲਾ ਸ਼ੋਅ ਹੋਵੇਗਾ। ਮੂਸੇਵਾਲ ਦੀ ਅਸਲੀ ਆਵਾਜ਼ ਤੇ 3D ਤਕਨੀਕ ਨਾਲ ਸਟੇਜ ਪਰਫਾਰਮੈਂਸ ਹੋਵੇਗੀ। ਇਹ ਸ਼ੋਅ 2 ਘੰਟੇ ਦਾ ਹੋਵੇਗਾ ਤੇ ਇਸ ਵਿਚ ਸਿੱਧੂ ਦਾ ਸਟਾਈਲ ਦੇਖਣ ਨੂੰ ਮਿਲੇਗਾ। ਪਾਕਿ ਸਣੇ 8 ਦੇਸ਼ਾਂ ‘ਚ ਇਹ ਟੂਰ ਕਰਵਾਇਆ ਜਾਵੇਗਾ।
ਦੱਸ ਦੇਈਏ ਕਿ ਸਿੱਧੂ ਦੇ ਪਿਤਾ ਬਲਕੌਰ ਸਿੰਘ ਨੇ ਪਹਿਲਾਂ ਹੀ ਸਪੱਸ਼ਟ ਕੀਤਾ ਸੀ ਕਿ ਇਹ ਸਿਰਫ ਇਕ ਹੋਲੋਗ੍ਰਾਮ ਸ਼ੋਅ ਨਹੀਂ ਹੋਵੇਗਾ ਸਗੋਂ ਵਿਚ ਕਈ ਨਾਮੀ ਕਲਾਕਾਰ ਵੀ ਸ਼ਾਮਲ ਹੋਣਗੇ ਤੇ ਆਪਣੀ ਪੇਸ਼ਕਸ਼ ਦੇਣਗੇ। ਇਸ ਸ਼ੋਅ ਵਿਚ ਉਹ ਖੁਦ ਆਪਣੇ ਪੂਰੇ ਪਰਿਵਾਰ ਨਾਲ ਮੌਜੂਦ ਰਹਿਣਗੇ। ਇਸ ਦੌਰਾਨ ਉਹ ਸਿੱਧੂ ਦੇ ਜੀਵਨ, ਉਨ੍ਹਾਂ ਦੀ ਬਾਇਓਗ੍ਰਾਫੀ ਤੇ ਯਾਦਾਂ ਨਾਲ ਜੁੜੀਆਂ ਕਈ ਖਾਸ ਗੱਲਾਂ ਵੀ ਪ੍ਰਸ਼ੰਸਕਾਂ ਦੇ ਨਾਲ ਸਾਂਝੀਆਂ ਕਰਨਗੇ।
ਜ਼ਿਕਰਯੋਗ ਹੈ ਕਿ ਮੌਤ ਦੇ ਬਾਅਦ ਕਿਸੇ ਪਹਿਲੇ ਪੰਜਾਬੀ ਕਲਾਕਾਰ ਦਾ ਇਹ ਪਹਿਲਾ ਹੋਲੋਗ੍ਰਾਮ ਸ਼ੋਅ ਹੋਵੇਗਾ। ਸਿੱਧੂ ਮੂਸੇਵਾਲਾ ਦੇ ਪਾਕਿਸਤਾਨ ਵਿਚ ਲੱਖਾਂ ਫੈਨਸ ਹਨ। ਸਿੱਧੂ ਨੇ ਇਕ ਪ੍ਰੋਗਰਾਮ ਵਿਚ ਪਾਕਿਸਤਾਨ ਵਿਚ ਸ਼ੋਅ ਕਰਨ ਦਾ ਵਾਅਦਾ ਕੀਤਾ ਸੀ ਜਿਸ ਨੂੰ ਹੁਣ ਸਿੱਧੂ ਦੇ ਪਿਤਾ ਬਲਕੌਰ ਸਿੰਘ ਪੂਰਾ ਕਰਨ ਜਾ ਰਹੇ ਹਨ।
