ਪੂਰੇ ਆਈ.ਪੀ.ਐੱਲ ਸੀਜ਼ਨ ‘ਚ 6 ਵਾਰ 200 ਦੌੜਾਂ ਦੇ ਸਕੋਰ ਨੂੰ ਪਾਰ ਕਰਨ ਵਾਲੀ ਹੈਦਰਾਬਾਦ ਦੀ ਟੀਮ ਫਾਈਨਲ ‘ਚ 113 ਦੌੜਾਂ ‘ਤੇ ਆਲ ਆਊਟ ਹੋ ਗਈ। ਚੇਨਈ ਦੇ ਚੇਪੌਕ ਸਟੇਡੀਅਮ ‘ਚ ਐਤਵਾਰ ਨੂੰ ਕੋਲਕਾਤਾ ਨੂੰ 114 ਦੌੜਾਂ ਦਾ ਆਸਾਨ ਟੀਚਾ ਮਿਲਿਆ। ਆਈਪੀਐਲ ਫਾਈਨਲ ਵਿੱਚ ਇਹ ਸਭ ਤੋਂ ਘੱਟ ਸਕੋਰ ਹੈ, ਇਸ ਤੋਂ ਪਹਿਲਾਂ 2017 ਸੀਜ਼ਨ ਵਿੱਚ ਮੁੰਬਈ ਨੇ ਰਾਈਜ਼ਿੰਗ ਪੁਣੇ ਸੁਪਰ ਜਾਇੰਟਸ ਦੇ ਖਿਲਾਫ ਪਹਿਲੀ ਪਾਰੀ ਵਿੱਚ 129 ਦੌੜਾਂ ਬਣਾਈਆਂ ਸਨ।

ਹੈਦਰਾਬਾਦ ਨੇ ਕੋਲਕਾਤਾ ਖਿਲਾਫ ਟੌਸ ਜਿੱਤ ਕੇ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਕੁਆਲੀਫਾਇਰ-1 ਦੀ ਤਰ੍ਹਾਂ ਕੋਲਕਾਤਾ ਦੇ ਤੇਜ਼ ਗੇਂਦਬਾਜ਼ਾਂ ਨੇ ਹੈਦਰਾਬਾਦ ਦੇ ਬੱਲੇਬਾਜ਼ਾਂ ਨੂੰ ਸ਼ੁਰੂਆਤ ‘ਚ ਬੈਕਫੁੱਟ ‘ਤੇ ਪਾ ਦਿੱਤਾ।

ਸਟਾਰਕ (2 ਵਿਕਟਾਂ) ਨੇ ਪਹਿਲੇ ਓਵਰ ਤੋਂ ਹੀ ਬ੍ਰੇਕ ਦਿਵਾਈ। ਕੋਲਕਾਤਾ ਨੇ 6 ਗੇਂਦਬਾਜ਼ਾਂ ਦਾ ਇਸਤੇਮਾਲ ਕੀਤਾ ਅਤੇ 5 ਵਿਕਟਾਂ ਲਈਆਂ। ਆਂਦਰੇ ਰਸੇਲ ਨੇ 3 ਵਿਕਟਾਂ ਲਈਆਂ। ਹੈਦਰਾਬਾਦ ਲਈ ਏਡਨ ਮਾਰਕਰਮ (20 ਦੌੜਾਂ) ਨੇ ਸਭ ਤੋਂ ਵੱਧ ਦੌੜਾਂ ਬਣਾਈਆਂ।