ਜਦੋਂ 25 ਜੂਨ, 1983 ਨੂੰ ਲੌਰਡਜ਼ ਦੇ ਮੈਦਾਨ ਵਿਚਾਲੇ ਕਪਿਲ ਦੇਵ, ਨਿਖੰਜ ਅਤੇ ਮਦਨਲਾਲ ਵਿਚਾਲੇ ਗੱਲਬਾਤ ਹੋਈ, ਤਾਂ ਉਸ ਦਾ ਅਸਰ ਨਾ ਕੇਵਲ ਵਿਸ਼ਵ ਕੱਪ ਦੇ ਫਾਈਨਲ ਦੇ ਨਤੀਜੇ ‘ਤੇ ਪਿਆ, ਬਲਕਿ ਉਸ ਨੇ ਹਮੇਸ਼ਾ ਲਈ ਭਾਰਤੀ ਕ੍ਰਿਕਟ ਦੀ ਸੂਰਤ ਬਦਲ ਦਿੱਤੀ। ਲਗਭਗ 4 ਦਹਾਕਿਆਂ ਬਾਅਦ ਕਬੀਰ ਖਾਨ ਨੇ ਇਸ ਇਤਿਹਾਸਕ ਜਿੱਤ ਦੀ ਪੂਰੀ ਕਹਾਣੀ ਨੂੰ ਵੱਡੇ ਪਰਦੇ ‘ਤੇ ਲਿਆਂਦਾ ਹੈ। ਫਿਲਮ ਦਾ ਨਾਂ 83 ਹੈ।ਰਣਵੀਰ ਸਿੰਘ ਨੇ ਕੈਪਟਨ ਕਪਿਲ ਦੇਵ ਦਾ ਕਿਰਦਾਰ ਨਿਭਾਇਆ ਹੈ। ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਭਾਰਤੀ ਟੀਮ ਨੇ 183 ਦੌੜਾਂ ਬਣਾਈਆਂ।
ਅਸਲ ‘ਚ ਇਹ ‘ਸਿਰਫ’ 183 ਦੌੜਾਂ ਸਨ। ਇਹ ਕ੍ਰਿਕਟ ਦੇ ਉਸ ਸੰਸਕਰਣ ਦਾ ਦੌਰ ਸੀ ਜਦੋਂ ਇੱਕ ਰੋਜ਼ਾਨਾ ਮੈਚਾਂ ਵਿੱਚ 60 ਓਵਰ ਹੁੰਦੇ ਸਨ ਅਤੇ ਇੱਕ ਓਵਰ ਵਿੱਚ ਕੁੱਲ 8 ਗੇਂਦਾਂ ਹੁੰਦੀਆਂ ਸਨ। ਯਾਨੀ ਵੈਸਟਇੰਡੀਜ਼ ਦੇ ਸਾਹਮਣੇ 480 ਗੇਂਦਾਂ ‘ਤੇ ਸਿਰਫ 184 ਦੌੜਾਂ ਬਣਾਉਣ ਦਾ ਟੀਚਾ ਸੀ। ਵੈਸਟਇੰਡੀਜ਼ ਟੀਮ ਜਿਸ ਦੇ ਪਹਿਲੇ 4 ਬੱਲੇਬਾਜ਼ਾਂ ਦੇ ਨਾਮ ਸਨ – ਗੋਰਡਨ ਗ੍ਰੀਨਿਜ, ਡੇਸਮੰਡ ਹੇਨਸ, ਵਿਵ ਰਿਚਰਡਸ ਅਤੇ ਕਲਾਈਵ ਲੋਇਡ।
ਇਸ ਤੋਂ ਇਲਾਵਾ ਤੁਹਾਨੂੰ ਦੱਸ ਦਈਏ ਕਿ 83 ਦੇ ਨਿਰਮਾਤਾਵਾਂ ਵਿੱਚ ਰਣਵੀਰ ਸਿੰਘ ਅਤੇ ਦੀਪਿਕਾ ਪਾਦੂਕੋਣ ਦੇ ਨਾਲ ਰਿਲਾਇੰਸ ਐਂਟਰਟੇਨਮੈਂਟ, ਫੈਂਟਮ ਫਿਲਮਜ਼, ਸਾਜਿਦ ਨਾਡਿਆਡਵਾਲਾ, ਵਿਸ਼ਨੂੰਵਰਧਨ ਇੰਦੂਰੀ, ਕਬੀਰ ਖਾਨ ਸ਼ਾਮਲ ਹਨ। ਫਿਲਮ ‘ਚ ਰਣਵੀਰ ਸਿੰਘ ਕੈਪਟਨ ਕਪਿਲ ਦੇਵ ਦੀ ਭੂਮਿਕਾ ‘ਚ ਹਨ, ਜਦਕਿ ਦੀਪਿਕਾ ਪਾਦੂਕੋਣ ਰੋਮੀ ਦੇਵ ਦੇ ਕਿਰਦਾਰ ‘ਚ ਹੈ। ਹਾਲਾਂਕਿ, ਫਿਲਮ ਵਿੱਚ ਉਸਦੀ ਸਕ੍ਰੀਨ ਮੌਜੂਦਗੀ ਸਿਰਫ 20 ਮਿੰਟ ਦੇ ਕਰੀਬ ਹੈ। ਤਾਹਿਰ ਰਾਜ ਭਸੀਨ, ਸਾਕਿਬ ਸਲੀਮ, ਜਤਿਨ ਸਰਨਾ, ਚਿਰਾਗ ਪਾਟਿਲ, ਦਿਨਕਰ ਸ਼ਰਮਾ, ਨਿਸ਼ਾਂਤ ਦਹੀਆ, ਹਾਰਡੀ ਸੰਧੂ, ਸਾਹਿਲ ਖੱਟਰ, ਐਮੀ ਵਿਰਕ, ਆਦਿਨਾਥ ਕੋਠਾਰੇ, ਧੀਰਿਆ ਕਰਵਾ ਅਤੇ ਆਰ ਬਦਰੀ ਵਿਸ਼ਵ-ਜੇਤੂ ਕ੍ਰਿਕਟਰਾਂ ਦੀ ਭੂਮਿਕਾ ਵਿੱਚ ਨਜ਼ਰ ਆਉਣਗੇ। ਪੰਕਜ ਤ੍ਰਿਪਾਠੀ ਪੀਆਰ ਮਾਨ ਸਿੰਘ ਦੇ ਰੋਲ ਵਿੱਚ ਹਨ, ਜਦੋਂਕਿ ਬੋਮਨ ਇਰਾਨੀ ਫਾਰੂਕ ਇੰਜਨੀਅਰ ਦੀ ਭੂਮਿਕਾ ਵਿੱਚ ਹਨ।
