ਨਵੀਂ ਦਿੱਲੀ: ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ ਨੇ ਐਤਵਾਰ ਨੂੰ ਵੈਸਟਇੰਡੀਜ਼ ਦੀ ਮੇਜ਼ਬਾਨੀ ਵਿੱਚ 2022 ਵਿੱਚ ਹੋਣ ਵਾਲੇ ਅੰਡਰ-19 ਵਿਸ਼ਵ ਕੱਪ ਲਈ ਭਾਰਤੀ ਟੀਮ ਦਾ ਐਲਾਨ ਕੀਤਾ। ਯਸ਼ ਢੁਲ ਨੂੰ ਟੀਮ ਦਾ ਕਪਤਾਨ ਚੁਣਿਆ ਗਿਆ ਹੈ। ਜਦਕਿ ਐੱਸ. ਕੇ. ਰਾਸ਼ਿਦ ਨੂੰ ਟੀਮ ਦਾ ਉਪ ਕਪਤਾਨ ਬਣਾਇਆ ਗਿਆ ਹੈ। ਟੀਮ ਵਿਚ ਦੋ ਵਿਕਟਕੀਪਰ ਦਿਨੇਸ਼ ਬਾਣਾ ਤੇ ਆਰਾਧਿਆ ਯਾਦਵ ਨੂੰ ਥਾਂ ਮਿਲੀ ਹੈ।ਚਾਰ ਵਾਰ ਦੇ ਚੈਂਪੀਅਨ ਭਾਰਤ ਨੇ ਐਤਵਾਰ ਨੂੰ ਅੰਡਰ-19 ਵਿਸ਼ਵ ਕੱਪ 2022 ਲਈ 17 ਮੈਂਬਰੀ ਟੀਮ ਦਾ ਐਲਾਨ ਕੀਤਾ।
ਇਸ ਟੂਰਨਾਮੈਂਟ ਦਾ 14ਵਾਂ ਸੀਜ਼ਨ ਵੈਸਟਇੰਡੀਜ਼ ਵਿੱਚ 14 ਜਨਵਰੀ ਤੋਂ 5 ਫਰਵਰੀ 2022 ਤੱਕ ਚਾਰ ਮੇਜ਼ਬਾਨ ਦੇਸ਼ਾਂ ਵਿੱਚ ਹੋਵੇਗਾ।17 ਮੈਂਬਰੀ ਟੀਮ ਦੀ ਕਮਾਨ ਦਿੱਲੀ ਦੇ ਯਸ਼ ਢੁਲ ਨੂੰ ਸੌਂਪੀ ਗਈ ਹੈ। ਐਸਕੇ ਰਾਸ਼ਿਦ ਨੂੰ ਉਪ ਕਪਤਾਨ ਬਣਾਇਆ ਗਿਆ ਹੈ। ਟੂਰਨਾਮੈਂਟ ਦੇ 14ਵੇਂ ਐਡੀਸ਼ਨ ਵਿੱਚ 16 ਟੀਮਾਂ 48 ਮੈਚਾਂ ਵਿੱਚ ਟਰਾਫੀ ਲਈ ਭਿੜਨਗੀਆਂ।ਹੁਣ ਤੱਕ ਭਾਰਤੀ ਟੀਮ ਅੰਡਰ-19 ਵਿਸ਼ਵ ਕੱਪ ‘ਚ ਚਾਰ ਵਾਰ ਖਿਤਾਬ ਜਿੱਤ ਚੁੱਕੀ ਹੈ। ਨੌਜਵਾਨ ਟੀਮ 2000, 2008, 2012 ਅਤੇ 2018 ਵਿੱਚ ਟਰਾਫੀ ਜਿੱਤ ਚੁੱਕੀ ਹੈ। ਭਾਰਤ 2016 ਅਤੇ 2020 ਵਿੱਚ ਨਿਊਜ਼ੀਲੈਂਡ ਵਿੱਚ ਹੋਏ ਟੂਰਨਾਮੈਂਟ ਦੇ ਪਿਛਲੇ ਐਡੀਸ਼ਨ ਵਿੱਚ ਵੀ ਉਪ ਜੇਤੂ ਰਿਹਾ ਹੈ। ਯਸ਼ ਧੂਲ (ਕਪਤਾਨ), ਹਰਨੂਰ ਸਿੰਘ, ਅੰਗਕ੍ਰਿਸ਼ ਰਘੂਵੰਸ਼ੀ, ਐਸ ਕੇ ਰਾਸ਼ਿਦ, ਨਿਸ਼ਾਂਤ ਸਿੰਧੂ, ਅਨੀਸ਼ਵਰ ਗੌਤਮ, ਦਿਨੇਸ਼ ਬਾਨਾ, ਆਰਾਧਿਆ ਯਾਦਵ, ਰਾਜ ਅੰਗਦ ਬਾਵਾ, ਮਾਨਵ ਪਾਰਖ, ਕੌਸ਼ਲ ਟਾਂਬੇ, ਆਰ ਐਸ ਹੰਗਰਗੇਕਰ, ਵਾਸੂ ਵਤਸ, ਵਿੱਕੀ ਓਸਤਵਾਲ, ਰਵੀਕੁਮਾਰ, ਗਰਵ ਗੀਤ।
