ਆਈਪੀਐਲ ਦੇ 15ਵੇਂ ਸੀਜ਼ਨ ਵਿੱਚ ਰਾਜਸਥਾਨ ਰਾਇਲਜ਼ ਅੱਜ ਸਨਰਾਈਜ਼ਰਜ਼ ਹੈਦਰਾਬਾਦ ਖ਼ਿਲਾਫ਼ ਆਪਣਾ ਪਹਿਲਾ ਮੈਚ ਖੇਡੇਗੀ। ਦੋਵਾਂ ਟੀਮਾਂ ਵਿਚਾਲੇ ਮੈਚ ਸ਼ਾਮ 7:30 ਵਜੇ ਪੁਣੇ ਦੇ ਮਹਾਰਾਸ਼ਟਰ ਕ੍ਰਿਕਟ ਐਸੋਸੀਏਸ਼ਨ (ਐੱਮ.ਸੀ.ਏ.) ਸਟੇਡੀਅਮ ‘ਚ ਸ਼ੁਰੂ ਹੋਵੇਗਾ। ਸੰਜੂ ਸੈਮਸਨ ਰਾਜਸਥਾਨ ਰਾਇਲਜ਼ ਕਪਤਾਨ ਦੇ ਵਜੋਂ ਕੇਨ ਵਿਲੀਅਮਸਨ ਦੇ ਸਾਹਮਣੇ ਹੋਣਗੇ।
ਦੱਸ ਦਈਏ ਕਿ ਹੁਣ ਤੱਕ SRH ਅਤੇ RR ਟੀਮਾਂ IPL ਵਿੱਚ 15 ਵਾਰ ਇੱਕ ਦੂਜੇ ਦਾ ਸਾਹਮਣਾ ਕਰ ਚੁੱਕੀਆਂ ਹਨ। ਇਸ ‘ਚ ਹੈਦਰਾਬਾਦ ਨੇ 8 ਵਾਰ ਜਿੱਤ ਦਰਜ ਕੀਤੀ ਹੈ, ਜਦਕਿ ਰਾਜਸਥਾਨ ਨੇ 7 ਵਾਰ ਜਿੱਤ ਦਰਜ ਕੀਤੀ ਹੈ। ਰਾਜਸਥਾਨ ਨੇ ਹੈਦਰਾਬਾਦ ਖਿਲਾਫ ਸਭ ਤੋਂ ਵੱਧ 220 ਦੌੜਾਂ ਬਣਾਈਆਂ ਹਨ। ਰਾਜਸਥਾਨ ਦੇ ਸਾਹਮਣੇ ਹੈਦਰਾਬਾਦ ਦਾ ਨਿਊਨਤਮ ਸਕੋਰ 127 ਹੈ, ਇਸ ਤਰ੍ਹਾਂ ਹੈਦਰਾਬਾਦ ਦੇ ਖਿਲਾਫ ਰਾਜਸਥਾਨ ਨੇ ਇਕ ਪਾਰੀ ‘ਚ ਸਭ ਤੋਂ ਘੱਟ 102 ਦੌੜਾਂ ਬਣਾਈਆਂ ਹਨ।
ਇਸ ਦੇ ਨਾਲ ਹੀ ਹੈਦਰਾਬਾਦ ਦੀ ਸੰਭਾਵਿਤ ਪਲੇਇੰਗ -11 ਵਿੱਚ ਰਾਹੁਲ ਤ੍ਰਿਪਾਠੀ, ਏਡਨ ਮਾਰਕਰਾਮ, ਕੇਨ ਵਿਲੀਅਮਸਨ (ਸੀ), ਨਿਕੋਲਸ ਪੂਰਨ (ਡਬਲਯੂ.), ਅਭਿਸ਼ੇਕ ਸ਼ਰਮਾ, ਅਬਦੁਲ ਸਮਦ, ਵਾਸ਼ਿੰਗਟਨ ਸੁੰਦਰ, ਭੁਵਨੇਸ਼ਵਰ ਕੁਮਾਰ, ਮਾਰਕੋ ਜੈਨਸਨ, ਉਮਰਾਨ ਮਲਿਕ, ਟੀ ਨਟਰਾਜਨ ਹੋ ਸਕਦੇ ਹਨ। ਜਦ ਕਿ ਰਾਜਸਥਾਨ ਦੀ ਸੰਭਾਵਿਤ ਪਲੇਇੰਗ-11 ਵਿੱਚ ਯਸ਼ਸਵੀ ਜੈਸਵਾਲ, ਦੇਵਦੱਤ ਪੈਡਿਕਲ, ਸੰਜੂ ਸੈਮਸਨ (ਕਪਤਾਨ), ਸ਼ਿਮਰੋਨ ਹੇਟਮਾਇਰ, ਜੋਸ ਬਟਲਰ (ਡਬਲਯੂ ਕੇ), ਰਿਆਨ ਪਰਾਗ, ਜੇਮਸ ਨੀਸ਼ਮ, ਆਰ ਅਸ਼ਵਿਨ, ਟ੍ਰੇਂਟ ਬੋਲਟ, ਯੁਜਵੇਂਦਰ ਚਾਹਲ, ਪ੍ਰਣਭ ਕ੍ਰਿਸ਼ਨ ਦੇ ਨਾਮ ਸ਼ਾਮਿਲ ਹੋ ਸਕਦੇ ਹਨ।