ਭਾਰਤੀ ਕ੍ਰਿਕਟਰ ਵਿਰਾਟ ਕੋਹਲੀ ਇੱਕ ਨਵਾਂ ਰੈਸਟੋਰੈਂਟ ਖੋਲ੍ਹਣ ਦੀ ਤਿਆਰੀ ਕਰ ਰਹੇ ਹਨ। ਇਸ ਦੇ ਲਈ ਉਨ੍ਹਾਂ ਨੇ ਮੁੰਬਈ ‘ਚ ਮਰਹੂਮ ਅਦਾਕਾਰ-ਗਾਇਕ ਕਿਸ਼ੋਰ ਕੁਮਾਰ ਦਾ ਜੁਹੂ ਬੰਗਲਾ ਲੀਜ਼ ‘ਤੇ ਲਿਆ ਹੈ। ਕਿਸ਼ੋਰ ਕੁਮਾਰ ਦਾ ਬੰਗਲਾ ‘ਗੌਰ ਕੁੰਜ’ ਮੁੰਬਈ ਦੇ ਜੁਹੂ ਤਾਰਾ ਰੋਡ ‘ਤੇ ਸਥਿਤ ਹੈ। ਜਦੋਂ ਅਦਾਕਾਰ ਕਿਸ਼ੋਰ ਜ਼ਿੰਦਾ ਸਨ ਤਾਂ ਉਹ ਇਸ ਬੰਗਲੇ ਵਿੱਚ ਹੀ ਰਹਿੰਦੇ ਸਨ। ਰਿਪੋਰਟਸ ਮੁਤਾਬਕ ਵਿਰਾਟ ਇਕ ਹਾਈ ਗ੍ਰੇਡ ਰੈਸਟੋਰੈਂਟ ਸ਼ੁਰੂ ਕਰਨ ਜਾ ਰਹੇ ਹਨ, ਇਸ ਦਾ ਕੰਮ ਲਗਭਗ ਪੂਰਾ ਹੋ ਚੁੱਕਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਹ ਰੈਸਟੋਰੈਂਟ ਅਗਲੇ ਮਹੀਨੇ ਸ਼ੁਰੂ ਹੋ ਜਾਵੇਗਾ।
ਕਿਸ਼ੋਰ ਕੁਮਾਰ ਦੇ ਬੇਟੇ ਅਮਿਤ ਕੁਮਾਰ ਨੇ ਵੀ ਇਸ ਗੱਲ ਦੀ ਪੁਸ਼ਟੀ ਕਰਦੇ ਹੋਏ ਕਿਹਾ ਕਿ ਕੁਝ ਮਹੀਨੇ ਪਹਿਲਾਂ ਸੁਮਿਤ (ਸੁਮਿਤ ਕੁਮਾਰ, ਕਿਸ਼ੋਰ ਕੁਮਾਰ ਅਤੇ ਲੀਨਾ ਚੰਦਾਵਰਕਰ ਦਾ ਬੇਟਾ) ਵਿਰਾਟ ਨੂੰ ਮਿਲਿਆ ਸੀ। ਇਸ ਦੌਰਾਨ ਦੋਵਾਂ ਵਿਚਾਲੇ ਬੰਗਲਾ ਕਿਰਾਏ ‘ਤੇ ਲੈਣ ਨੂੰ ਲੈ ਕੇ ਗੱਲਬਾਤ ਹੋਈ। ਹੁਣ ਆਖਿਰਕਾਰ ਇਹ ਬੰਗਲਾ ਵਿਰਾਟ ਨੂੰ 5 ਸਾਲ ਲਈ ਕਿਰਾਏ ‘ਤੇ ਦਿੱਤਾ ਗਿਆ ਹੈ।