ਮਹਿਲਾ ਪ੍ਰੀਮੀਅਰ ਲੀਗ (WPL) ਦਾ ਪਹਿਲਾ ਸੀਜ਼ਨ ਸ਼ੁਰੂ ਹੋ ਗਿਆ ਹੈ। ਪਹਿਲਾ ਮੈਚ ਗੁਜਰਾਤ ਜਾਇੰਟਸ ਅਤੇ ਮੁੰਬਈ ਇੰਡੀਅਨਜ਼ ਵਿਚਾਲੇ ਖੇਡਿਆ ਜਾਵੇਗਾ। ਇਸ ਤੋਂ ਪਹਿਲਾਂ ਡੀਵਾਈ ਪਾਟਿਲ ਸਟੇਡੀਅਮ ਵਿੱਚ ਰੰਗਾਰੰਗ ਪ੍ਰੋਗਰਾਮ ਹੋਇਆ। ਇਸ ਦੌਰਾਨ ਅਦਾਕਾਰਾ ਕ੍ਰਿਤੀ ਸੈਨਨ, ਕਿਆਰਾ ਅਡਵਾਨੀ ਅਤੇ ਪੌਪ ਸਿੰਗਰ ਏਪੀ ਢਿੱਲੋਂ ਨੇ ਪਰਫਾਰਮ ਕੀਤਾ।
ਮਸ਼ਹੂਰ ਪੌਪ ਗਾਇਕ ਏਪੀ ਢਿੱਲੋਂ ਨੇ ਆਪਣੇ ਪੰਜਾਬੀ ਗੀਤਾਂ ਨਾਲ ਸਭ ਦਾ ਖੂਬ ਮਨੋਰੰਜਨ ਕੀਤਾ। ਉਸ ਨੇ ‘ਦਿਲ ਤੇਰਾ’ , ਬ੍ਰਾਉਨ ਮੁੰਡੇ ਅਤੇ ‘ਕਿਆ ਬਾਤ ਹੈ’ ਗਾ ਕੇ ਲੋਕਾਂ ਦਾ ਦਿਲ ਜਿੱਤ ਲਿਆ। ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਹੋਰ ਵੀ ਕਈ ਗੀਤ ਗਾਏ। ਸਟੇਡੀਅਮ ਵਿੱਚ ਬੈਠੇ ਦਰਸ਼ਕਾਂ ਨੇ ਏ.ਪੀ.ਢਿਲੋਂ ਦੀ ਪੇਸ਼ਕਾਰੀ ਦਾ ਖੂਬ ਆਨੰਦ ਲਿਆ।
ਕ੍ਰਿਤੀ ਸੈਨਨ ਨੇ ਚੱਕਦੇ ਇੰਡੀਆ ਗੀਤ ‘ਤੇ ਡਾਂਸ ਕੀਤਾ। ਉਨ੍ਹਾਂ ‘ਬਾਦਲ ਪੇ ਪਾਉਂ ਹੈ’ ਗੀਤ ‘ਤੇ ਵੀ ਡਾਂਸ ਕੀਤਾ। ਇਸ ਤੋਂ ਬਾਅਦ ਚੱਕਦੇ ਇੰਡੀਆ ਦੇ ਟਾਈਟਲ ਟਰੈਕ ‘ਤੇ ਡਾਂਸ ਵੀ ਕੀਤਾ।
