ਮਹਾਰਾਸ਼ਟਰ ਦੇ ਯਵਤਮਾਲ ਵਿੱਚ ਸੈਲਫੀ ਲੈਂਦੇ ਅਤੇ ਰੀਲਾਂ ਬਣਾਉਂਦੇ ਸਮੇਂ ਡੈਮ ਵਿੱਚ ਡਿੱਗਣ ਨਾਲ ਦੋ ਕਾਲਜ ਵਿਦਿਆਰਥਣਾਂ ਦੀ ਮੌਤ ਹੋਣ ਦੀ ਖਬਰ ਸ੍ਹਾਮਣੇ ਆਈ ਹੈ। ਇਹ ਹਾਦਸਾ ਸ਼ੁੱਕਰਵਾਰ ਨੂੰ ਬੋਰਗਾਓਂ ਡੈਮ ਵਿੱਚ ਵਾਪਰਿਆ।
ਪੁਲਿਸ ਦੇ ਅਨੁਸਾਰ, ਫਾਰਮੇਸੀ ਕਾਲਜ ਦੇ ਲਗਭਗ 15 ਵਿਦਿਆਰਥੀਆਂ ਦਾ ਇੱਕ ਗਰੁੱਪ ਕਾਲਜ ਤੋਂ ਬਾਅਦ ਡੈਮ ਦੇਖਣ ਗਿਆ ਸੀ। ਇਸ ਦੌਰਾਨ, ਮੋਹਿਨੀ ਗੌਤਰੇ ਅਤੇ ਅੰਮ੍ਰਿਤਾ ਖੇੜਕਰ ਡੈਮ ਦੀ ਕੰਧ ‘ਤੇ ਖੜ੍ਹੇ ਹੋ ਕੇ ਸੈਲਫੀ ਲੈ ਰਹੀਆਂ ਸਨ ਅਤੇ ਆਪਣੇ ਮੋਬਾਈਲ ਫੋਨਾਂ ਨਾਲ ਰੀਲਾਂ ਬਣਾ ਰਹੀਆਂ ਸਨ।
ਰੀਲਾਂ ਬਣਾਉਂਦੇ ਸਮੇਂ, ਇੱਕ ਵਿਦਿਆਰਥਣ ਆਪਣਾ ਸੰਤੁਲਨ ਗੁਆ ਬੈਠੀ ਅਤੇ ਡੈਮ ਵਿੱਚ ਡਿੱਗ ਗਈ। ਉਸਦੀ ਸਹੇਲੀ ਨੇ ਉਸਨੂੰ ਬਚਾਉਣ ਲਈ ਪਾਣੀ ਵਿੱਚ ਛਾਲ ਮਾਰ ਦਿੱਤੀ। ਜਿਸ ਕਾਰਨ ਦੋਵਾਂ ਦੀ ਪਾਣੀ ਦੇ ਤੇਜ਼ ਵਹਾਅ ‘ਚ ਡੁੱਬ ਕੇ ਮੌਤ ਹੋ ਗਈ।
