ਭਾਰਤੀ ਏਅਰਟੈੱਲ ਨੇ ਇੱਕ ਵਾਰ ਫਿਰ ਆਪਣੇ ਕਰੋੜਾਂ ਗਾਹਕਾਂ ਨੂੰ ਝਟਕਾ ਦਿੱਤਾ ਹੈ। ਏਅਰਟੈੱਲ ਨੇ ਹੁਣ ਗੁਜਰਾਤ, ਕੋਲਕਾਤਾ, ਮੱਧ ਪ੍ਰਦੇਸ਼ ਅਤੇ ਛੱਤੀਸਗੜ੍ਹ ਸਰਕਲਾਂ ਵਿੱਚ ਵੀ ਸਭ ਤੋਂ ਸਸਤਾ ਪਲਾਨ ਮਹਿੰਗਾ ਕਰ ਦਿੱਤਾ ਹੈ। ਤੁਹਾਡੀ ਜਾਣਕਾਰੀ ਲਈ ਦੱਸ ਦੇਈਏ ਕਿ ਪਿਛਲੇ ਸਾਲ ਕੰਪਨੀ ਦੇ ਐਂਟਰੀ ਲੈਵਲ ਪਲਾਨ ਯਾਨੀ ਕਿ ਸਭ ਤੋਂ ਸਸਤੇਪਲਾਨ ਦੀ ਕੀਮਤ 99 ਰੁਪਏ ਸੀ, ਜੋ ਹੁਣ 155 ਰੁਪਏ ਹੋ ਗਈ ਹੈ।
ਏਅਰਟੈੱਲ ਨੇ ਸਭ ਤੋਂ ਪਹਿਲਾਂ ਆਪਣੇ ਸ਼ੁਰੂਆਤੀ ਪਲਾਨ ਨੂੰ ਹਰਿਆਣਾ ਅਤੇ ਓਡੀਸ਼ਾ ‘ਚ ਮਹਿੰਗਾ ਕੀਤਾ ਸੀ। ਇਨ੍ਹਾਂ ਸਰਕਲਾਂ ਵਿੱਚ, 99 ਰੁਪਏ ਵਾਲੇ ਪਲਾਨ ਨੂੰ ਪਹਿਲਾਂ 155 ਰੁਪਏ ਵਿੱਚ ਬਦਲਿਆ ਗਿਆ ਸੀ। ਹੁਣ ਏਅਰਟੈੱਲ ਦਾ ਐਂਟਰੀ ਲੈਵਲ ਪਲਾਨ ਕੁੱਲ 19 ਸਰਕਲਾਂ ਵਿੱਚ 155 ਰੁਪਏ ਦਾ ਹੋ ਗਿਆ ਹੈ। ਏਅਰਟੈੱਲ ਦੇ ਇਸ ਕਦਮ ਤੋਂ ਬਾਅਦ, ਤੁਹਾਨੂੰ 56 ਰੁਪਏ ਵਾਧੂ ਖਰਚ ਕਰਨੇ ਪੈਣਗੇ, ਯਾਨੀ, ਜਿਸ ਪਲਾਨ ਲਈ ਤੁਹਾਨੂੰ ਪਹਿਲਾਂ 99 ਰੁਪਏ ਖਰਚਣੇ ਪੈਂਦੇ ਸਨ, ਹੁਣ ਤੁਹਾਨੂੰ ਉਸ ਲਈ 155 ਰੁਪਏ ਖਰਚ ਕਰਨੇ ਪੈਣਗੇ।