ਚੇਨੰਈ ਸੂਪਰ ਕਿੰਗਸ ਨੇ ਸ਼ੁੱਕਰਵਾਰ ਨੂੰ ਚੇਨੰਈ ਦੇ ਐਮਏ ਚਿਦੰਬਰਮ ਸਟੇਡੀਅਮ ’ਚ ਟਾਟਾ ਆਈਪੀਐਲ 2023 ਮੁਕਾਬਲੇ ’ਚ ਸਨਰਾਈਜਰਸ ਹੈਦਰਾਬਾਦ ’ਤੇ 7 ਵਿਕਟਾਂ ਨਾਲ ਮਹੱਤਵਪੂਰਣ ਜਿੱਤ ਹਾਸਲ ਕੀਤੀ। ਸਨਰਾਈਜਰਸ ਨੇ ਪਹਿਲਾਂ ਬੈਟਿੰਗ ਕਰਦੇ ਹੋਏ ਕੁੱਲ 134 ਰਨ ਬਣਾਏ, ਜਿਸ ’ਚ ਅਭਿਸ਼ੇਕ ਸ਼ਰਮਾ 34 ਰਨ (26 ਬਾਲਾਂ, 3X4, 1X6) ਦੇ ਨਾਲ ਟਾਪ ਸਕੋਰਰ ਸਨ। ਇਸ ਦੌਰਾਨ ਰਵਿੰਦਰ ਜਡੇਜਾ ਨੇ ਉਨ੍ਹਾਂ ਨੂੰ ਆਊਟ ਕਰਨ ਦੇ ਨਾਲ ਨਾਲ ਤਿੰਨ ਵਿਕਟਾਂ ਲਈਆਂ। ਟਾਰਗੇਟ ਦਾ ਪਿੱਛਾ ਕਰਦੇ ਸਮੇਂ ਚੇਨੰਈ ਦੀ ਪਾਰੀ ਨੂੰ ਡੇਵੋਨ ਕਾਨਵੇ ਨੇ 77 ਰਨ (57 ਬਾਲਾਂ, 12X4, 1X6) ਦੀ ਨਿਯੰਤਰਿਤ ਪਾਰੀ ਖੇਡ ਕੇ ਸੰਭਾਲੀ ਰੱਖਿਆ। ਇਸ ਜਿੱਤ ਨੇ ਚੇਨੰਈ ਨੂੰ ਤੀਜੇ ਸਥਾਨ ’ਤੇ ਲਿਆ ਦਿੱਤਾ ਹੈ। ਉਹ ਰਾਜਸਥਾਨ ਅਤੇ ਲਖਨਊ ਤੋਂ ਰਨ ਰੇਟ ਦੇ ਅਧਾਰ ’ਤੇ ਪਿੱਛੇ ਹੈ।
ਐਮਐਸ ਧੋਨੀ ਦੀ ਸ਼ਾਂਤ ਅਗਵਾਈ ਟੀਮ ’ਚ ਸਕਾਰਾਤਮਕਤਾ ਦਾ ਸੰਚਾਰ ਕਰਦੀ ਹੈ ਅਤੇ ਜਿਓਸਿਨੇਮਾ ਟਾਟਾ ਆਈਪੀਐਲ ਮਾਹਿਰ ਈਓਨ ਮੋਰਗਨ ਨੇ ਚੇਨੰਈ ਸੂਪਰ ਕਿੰਗਸ ਦੇ ਲਈ ਧੋਨੀ ਦੀ ਅਗਵਾਈ ਦੇ ਪ੍ਰਭਾਵ ਬਾਰੇ ਗੱਲਬਾਤ ਕੀਤੀ। ਉਨ੍ਹਾਂ ਨੇ ਕਿਹਾ, ‘ਤੁਸੀਂ ਦੇਖ ਸਕਦੇ ਹੋ ਕਿ ਮੈਚ ਦੇ ਦੌਰਾਨ ਉਹ ਕਿੰਨਾ ਜੋਸ਼ ’ਚ ਸਨ, ਮੁਕਾਬਲੇ ਦੇ ਠੀਕ ਬਾਅਦ, ਉਹ ਸਾਰਿਆਂ ਨੂੰ ਸਾਰੀਆਂ ਜਾਣਕਾਰੀਆਂ ਦੇ ਰਹੇ ਹਨ, ਜਿਹੜੀਆਂ ਉਨ੍ਹਾਂ ਨੇ ਇਕੱਠੀਆਂ ਕੀਤੀਆਂ ਸਨ। ਇਹ ਦੇਖਣਾ ਬਹੁਤ ਸੁਖਦ ਹੈ।’
ਮੋਰਗਨ ਨੇ ਕਿਹਾ, ‘ਇਨ੍ਹਾਂ ਲੋਕਾਂ ਨੂੰ ਦੇਖ ਕੇ ਬਹੁਤ ਵਧੀਆ ਲੱਗਿਆ, ਉਹ ਇੱਕ ਨੇਤਾ ਦੇ ਰੂਪ ’ਚ ਉਨ੍ਹਾਂ ਦੇ ਬਹੁਤ ਧੰਨਵਾਦੀ ਹਨ, ਪਰ ਜਦੋਂ ਉਹ ਚਲੇ ਜਾਣਗੇ, ਉਦੋਂ ਤੁਹਾਨੂੰ ਉਸ ਸਮੇਂ ਉਨ੍ਹਾਂ ਦੀ ਘਾਟ ਰੜਕੇਗੀ। ਇਹੀ ਅਸਰ ਹੋਣ ਵਾਲਾ ਹੈ। ਟੀਮ ’ਚ ਪ੍ਰਮੁੱਖ ਖਿਡਾਰੀਆਂ ’ਤੇ ਉਨ੍ਹਾਂ ਦਾ ਅਸਰ ਹੈ ਜਿਹੜੇ ਇਸ ਸਮੇਂ ਸੀਐਸਕੇ ਦੇ ਲਈ ਸ਼ਾਨਦਾਰ ਪ੍ਰਦਰਸ਼ਨ ਕਰ ਰਹੇ ਹਨ, ਜਦੋਂ ਧੋਨੀ ਖੇਡਣਾ ਛੱਡਣਗੇ ਤਾਂ ਇਨ੍ਹਾਂ ਸਾਰਿਆਂ ਨੂੰ ਕਪਤਾਨ ਦੀ ਘਾਟ ਰੜਕੇਗੀ।’
ਮੋਰਗਨ ਨੇ ਸੀਐਸਕੇ ਦੇ ਆਪਣੇ ਘਰੇਲੂ ਮੈਦਾਨ ਨੂੰ ਇੱਕ ਅਭੇਦ ਕਿਲੇ ਦੀ ਤਰ੍ਹਾਂ ਮੰਨਣ ਅਤੇ ਅੱਗੇ ਵਧਾਉਣ ਵਾਲੇ ਸਕਾਰਾਤਮਕ ਅਗਵਾਈ ਦੀ ਵੀ ਤਾਰੀਫ ਕੀਤੀ। ਉਨ੍ਹਾਂ ਨੇ ਕਿਹਾ, ‘ਸਫਲਤਾ ਦਾ ਪੂਰਾ ਹਿੱਸਾ ਘਰੇਲੂ ਮੈਦਾਨ ’ਤੇ ਜਿੱਤ ’ਤੇ ਅਧਾਰÇ ਤਹੈ, ਉਨ੍ਹਾਂ ਨੇ ਇੱਥੇ ਕਿੱਲਾ ਗੱਡ ਦਿੱਤਾ ਹੈ। ਤੁਸੀਂ ਨਾਮਾਂ ਦੀ ਲੜੀ ਤੋਂ ਗੁਜਰਦੇ ਹੋ, ਸਪਿਨਰਾਂ, ਆਲਰਾਊਂਡਰਾਂ ਜਿਵੇਂ ਤੁਸੀਂ ਕਿਹਾ, ਪਲੱਗ-ਐਂਡ-ਪਲੇ ਇਨ੍ਹਾਂ ਸਾਰਿਆਂ ਦੇ ਪਿੱਛੇ ਸਾਰੇ ਚਰਿੱਤਰ ਅਤੇ ਵਿਅਕਤਿਤਵ ਐਮਐਸ ਧੋਨੀ ਅਤੇ ਸਟੀਫਨ ਫਲੇਮਿੰਗ ਵੱਲੋਂ ਸ਼ਾਨਦਾਰ ਢੰਗ ਨਾਲ ਮੈਨੇਜ ਕੀਤੇ ਗਏ ਹਨ।’
ਡੇਵੋਨ ਕਾਨਵੇ ਨੇ ਅੱਜ ਰਾਤੀ ਇੱਕ ਹੋਰ ਸਨਸਨੀਖੇਜ ਪਾਰੀ ਖੇਡ ਕੇ ਅਰਾਮਕੋ ਓਰੇਂਜ ਕੈਪ ਦੀ ਦੌੜ ’ਚ ਆਪਣਾ ਨਾਮ ਦਰਜ ਕਰਵਾ ਲਿਆ ਹੈ ਜਿਸ ਨਾਲ ਜਿਓਸਿਨੇਮਾ ਟਾਟਾ ਆਈਪੀਐਲ ਮਾਹਿਰ ਰੌਬਿਨ ਉਥੱਪਾ ਬਹੁਤ ਪ੍ਰਭਾਵਿਤ ਹੋਏ ਹਨ। ਉਨ੍ਹਾਂ ਨੇ ਕਿਹਾ, ‘ਉਹ ਪੂਰੀ ਤਰ੍ਹਾਂ ਨਾਲ ਟੀਮ ਮੈਨ ਹਨ। ਵਧੀਆ ਇਨਸਾਨ ਹਨ, ਉਹ ਆਪਣੀ ਟੀਮ ਦੇ ਲਈ ਕੁਝ ਵੀ ਕਰਨਗੇ। ਉਨ੍ਹਾਂ ਨੇ ਹੁਣ ਸਹੀ ਲੋਕਾਂ ਨੂੰ ਚੁਣਿਆ ਹੈ ਅਤੇ ਉਹ ਉੱਥੇ ਗਏ ਹਨ ਅਤੇ ਪ੍ਰਦਰਸ਼ਨ ਕੀਤਾ ਹੈ। ਉਹ ਆਮ ਤੌਰ ’ਤੇ ਓਨੀ ਤੇਜੀ ਨਾਲ ਨਹੀਂ ਖੇਡਦੇ ਹਨ, ਇੱਥੋਂ ਤੱਕ ਕਿ ਅੰਤਰਰਾਸ਼ਟਰੀ ਕ੍ਰਿਕੇਟ ’ਚ ਵੀ ਨਹੀਂ। ਮੈਨੂੰ ਨਹੀਂ ਲੱਗਦਾ ਕਿ ਉਨ੍ਹਾਂ ਦੀ ਸਟ੍ਰਾਈਕ ਰੇਟ ਆਈਪੀਐਲ ਜਿੰਨੀ ਉੱਚੀ ਹੈ, ਜੋ ਦਿਸਦਾ ਹੈ ਉਹ ਇਸ ਸਮੇਂ ਕਿੰਨਾਂ ਵਧੀਆ ਖੇਡ ਰਹੇ ਹਨ। ਉਹ ਅਰਾਮਕੋ ਓਰੇਂਜ ਕੈਪ ਦੀ ਰੇਸ ’ਚ ਨੰਬਰ 4 ’ਤੇ ਆ ਗਏ ਹਨ। ਉਹ ਹੋਰ ਬਿਹਤਰ ਹੁੰਦੇ ਜਾਣਗੇ। ਤੁਸੀਂ ਜਾਣਦੇ ਹੋ ਕਿ ਉਹ ਰਨ ਬਣਾਉਂਦੇ ਰਹਿਣਗੇ।’
ਸ਼ਨੀਵਾਰ ਨੂੰ ਦੁਪਿਹਰ 3:30 ਵਜੇ ਗੁਜਰਾਤ ਟਾਈਟੰਸ ਦਾ ਸਾਹਮਣਾ ਲਖਨਊ ਸੂਪਰ ਜਾਇੰਟਸ ਦੇ ਨਾਲ ਹੋਵੇਗਾ ਅਤੇ ਮੁੰਬਈ ਇੰਡੀਅੰਸ ਸ਼ਾਮੀ 7:30 ਵਜੇ ਪੰਜਾਬ ਕਿੰਗਸ ਨਾਲ ਖੇਡੇਗੀ।
