ਮੁੰਬਈ ਇੰਡੀਅੰਸ ਨੇ ਬੁੱਧਵਾਰ ਰਾਤ ਚੇਨੰਈ ਦੀ ਉਮਸ ਭਰੀ ਗਰਮੀ ਦੇ ਵਿਚਕਾਰ ਐਮਏ ਚਿਦੰਬਰਮ ਸਟੇਡੀਅਮ ’ਚ ਖੇਡੇ ਗਏ ਟਾਟਾ ਆਈਪੀਐਲ 2023 ਦੇ ਐਲਮੀਨੇਟਰ ਮੁਕਾਬਲੇ ’ਚ ਲਖਨਊ ਸੂਪਰ ਜਾਇੰਟਸ (ਐਲਐਸਜੀ) ਨੂੰ 81 ਰਨਾਂ ਨਾਲ ਹਰਾਉਣ ’ਚ ਆਪਣਾ ਪੂਰਾ ਅਨੁਭਵ ਲਗਾ ਦਿੱਤਾ। ਉਹ ਹੁਣ ਸ਼ੁੱਕਰਵਾਰ ਨੂੰ ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ ’ਚ ਖੇਡੇ ਜਾਣ ਵਾਲੇ ਕਵਾਲੀਫਾਇਰ 2 ਮੈਚ ’ਚ ਮੌਜੂਦਾ ਚੈਂਪੀਅਨ ਗੁਜਰਾਤ ਟਾਈਟੰਸ ਦੇ ਨਾਲ ਭਿੜਨਗੇ।
ਟਾਸ ਜਿੱਤਣ ਦੇ ਬਾਅਦ ਐਮਆਈ ਨੇ ਪਹਿਲਾਂ ਬੈਟਿੰਗ ਕਰਦੇ ਹੋਏ ਅੱਠ ਵਿਕਟਾਂ ’ਤੇ 182 ਰਨਾਂ ਦਾ ਚੁਣੌਤੀ ਭਰਿਆ ਸਕੋਰ ਖੜਾ ਕੀਤਾ, ਜਿਸ ’ਚ ਕੈਮਰੂਨ ਗ੍ਰੀਨ (41 ਰਨ, 23 ਬਾਲਾਂ, 6X4, 1X6) ਅਤੇ ਸੂਰਿਆਕੁਮਾਰ ਯਾਦਵ (33 ਰਨ, 20 ਬਾਲਾਂ, 2X4, 2X6) ਦਾ ਸਭ ਤੋਂ ਅਹਿਮ ਯੋਗਦਾਨ ਰਿਹਾ। ਤੇਜ ਬਾਲਰ ਨਵੀਨ-ਉਲ-ਹੱਕ ਅੱਜ ਰਾਤੀ ਐਲਐਸਜੀ ਦੇ ਬਿਹਤਰੀਨ ਬਾਲਰ ਰਹੇ। ਉਨ੍ਹਾਂ ਨੈ ਆਪਣੇ ਚਾਰ ਓਵਰਾਂ ’ਚ 38 ਰਨ ਦੇ ਕੇ ਚਾਰ ਵਿਕਟਾਂ ਲਈਆਂ।
ਹਾਲਾਂਕਿ ਐਮਆਈ ਪੇਸਰ ਆਕਾਸ਼ ਮਧਵਾਲ ਦੀਆਂ ਕੋਸ਼ਿਸ਼ਾਂ ਦੇ ਅੱਗੇ ਇਹ ਸਾਰੇ ਪ੍ਰਦਰਸ਼ਨ ਪੂਰੀ ਤਰ੍ਹਾਂ ਨਾਲ ਫੇਲ ਹੋ ਗਏ। ਆਕਾਸ਼ ਨੇ ਆਪਣੇ 3.3 ਓਵਰਾਂ ’ਚ ਸਿਰਫ 5 ਰਨ ਦੇ ਕੇ 5 ਵਿਕਟਾਂ ਲੈ ਕੇ ਯਾਦਗਾਰ ਪ੍ਰਦਰਸ਼ਨ ਕੀਤਾ ਅਤੇ ਐਲਐਸਜੀ ਦੇ ਬੱਲੇਬਾਜਾਂ ਨੂੰ 16.3 ਓਵਰਾਂ ’ਚ 101 ਰਨ ਦੇ ਸਕੋਰ ’ਤੇ ਢਹਿ ਢੇਰੀ ਕਰ ਦਿੱਤਾ। ਦੇਰ ਤੋਂ ਕਰੀਅਰ ਦੀ ਸ਼ੁਰੂਆਤ ਕਰਨ ਵਾਲੇ ਉਤਰਾਖੰਡ ਦੇ 29 ਸਾਲਾ ਬਾਲਰ ਨੇ ਸਲਾਮੀ ਬੱਲੇਬਾਜ ਪ੍ਰੇਰਕ ਮਾਂਕਡ (2 ਰਨ), ਆਯੁਸ਼ ਬਡੋਨੀ (1 ਰਨ), ਨਿਕੋਲਸਨ ਪੂਰਨ (0), ਰਵੀ ਬਿਸ਼ਨੋਈ (3 ਰਨ) ਅਤੇ ਮੋਹਸਿਨ ਖਾਨ (0) ਨੂੰ ਆਪਣਾ ਸ਼ਿਕਾਰ ਬਣਾ ਕੇ ਐਲਐਸਜੀ ਦੀ ਜਿੱਤ ਦੀਆਂ ਆਸਾਂ ਨੂੰ ਖਤਮ ਕੀਤਾ।
ਮਾਰਕਸ ਸਟੋਈਨਿਸ 27 ਬਾਲਾਂ ’ਚ 40 ਰਨ ਬਣਾ ਕੇ ਇੱਕ ਸਮੇਂ ਖਤਰਨਾਕ ਨਜਰ ਆ ਰਹੇ ਸਨ, ਪਰ ਉਹ ਆਪਣੇ ਇੱਕ ਖਰਾਬ ਫੈਸਲੇ ਦੇ ਕਾਰਨ ਰਨ ਆਊਟ ਹੋ ਗਏ, ਜਿਸ ਕਾਰਨ ਐਲਐਸਜੀ ਨੇ 89 ਰਨਾਂ ’ਤੇ 6 ਵਿਕਟਾਂ ਗਵਾ ਦਿੱਤੀਆਂ। ਗ੍ਰੀਨ ਦਾ ਪ੍ਰਦਰਸ਼ਨ ਬੈਟ ਦੇ ਬਾਅਦ ਬਾਲ ਨਾਲ ਵੀ ਸ਼ਾਨਦਾਰ ਰਿਹਾ ਸੀ, ਉਨ੍ਹਾਂ ਨੇ 3 ਓਵਰਾਂ ’ਚ ਸਿਰਫ 15 ਰਨ ਦਿੱਤੇ ਅਤੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ।
ਜਿਓਸਿਨੇਮਾ ਟਾਟਾ ਆਈਪੀਐਲ ਮਾਹਿਰ ਸੁਰੇਸ਼ ਰੈਨਾ ਨੇ ਮਧਵਾਲ ਦੇ ਸਨਸਨੀਖੇਜ ਪ੍ਰਦਰਸ਼ਨ ਦੀ ਸ਼ਲਾਘਾ ਕਰਦੇ ਹੋਏ ਕਿਹਾ, ‘ਸਭ ਤੋਂ ਵਧੀਆ ਗੱਲ ਇਹ ਸੀ ਕਿ ਉਨ੍ਹਾਂ ਨੂੰ ਨਵੀਂ ਬਾਲ ਨਾਲ ਬਾਲਿੰਗ ਕਰਨ ਦਾ ਮੌਕਾ ਮਿਲਿਆ। ਵਾਨਖੇੜੇ ’ਚ ਵਧੀਆ ਬਾÇਲੰਗ ਕਰਨ ਦੇ ਬਾਅਦ ਟੀਮ ਪ੍ਰਬੰਧਨ ਨੇ ਉਨ੍ਹਾਂ ’ਤੇ ਭਰੋਸਾ ਜਤਾਇਆ। ਇਸਦਾ ਸਾਰਾ ਕਰੈਡਿਟ ਉਨ੍ਹਾਂ ਦੇ ਕੋਚਿੰਗ ਸਟਾਫ ਨੂੰ ਜਾਣਾ ਚਾਹੀਦਾ ਹੈ। ਉਨ੍ਹਾਂ ਦਾ ਰਨ ਅਪ ਸ਼ਾਨਦਾਰ ਹੈ। ਮੈਂ 2008 ਦੇ ਬਾਅਦ ਤੋਂ ਅਜਿਹਾ ਬਾÇਲੰਗ ਪ੍ਰਦਰਸ਼ਨ ਨਹੀਂ ਦੇਖਿਆ ਹੈ। ਉਹ ਇੱਕ ਅਨਪੈਕਡ ਖਿਡਾਰੀ ਹਨ, ਜਿਸਨੇ ਜਿਆਦਾ ਖੇਡਿਆ ਵੀ ਨਹੀਂ ਹੈ, ਪਰ ਕਵਾਲੀਫਾਇਰ ’ਚ ਪੰਜ ਵਿਕਟਾਂ ਲਈਆਂ ਹਨ? ਇਹ ਸਨਸਨੀਖੇਜ ਪ੍ਰਦਰਸ਼ਨ ਸੀ।’
ਇੱਕ ਹੋਰ ਜਿਓਸਿਨੇਮਾ ਟਾਟਾ ਆਈਪੀਐਲ ਮਾਹਿਰ ਕ੍ਰਿਸ ਗੇਲ ਨੇ ਗ੍ਰੀਨ ਦੇ ਪ੍ਰਦਰਸ਼ਨ ਦੀ ਸ਼ਲਾਘਾ ਕਰਦੇ ਹੋਏ ਕਿਹਾ, ‘ਕੈਮਰੂਨ ਗ੍ਰੀਨ ਨੇ ਬਿਹਤਰੀਨ ਬੈਟਿੰਗ ਕੀਤੀ। ਉਹ ਪਹਿਲਾਂ ਤੋਂ ਹੀ ਮਨ ਬਣਾ ਕੇ ਉਤਰੇ ਸਨ, ਇਹ ਪ੍ਰਦਰਸ਼ਨ ਸ਼ਾਨਦਾਰ ਸੀ। ਇਹ ਬੱਲੇਬਾਜੀ ਦੇ ਲਈ ਵਧੀਆ ਵਿਕਟ ਸੀ, ਬਾਲ ਸਚਮੁਚ ਬੱਲੇ ’ਤੇ ਆ ਰਹੀ ਸੀ। ਕੈਮ ਗ੍ਰੀਨ ਨੇ ਸਚਮੁਚ ਮਾਹੌਲ ਤਿਆਰ ਕੀਤਾ ਅਤੇ ਮੁੰਬਈ ਇੰਡੀਅੰਸ ਦੀ ਬੱਲੇਬਾਜੀ ਦਾ ਸੁਰ ਨਿਰਧਾਰਿਤ ਕੀਤਾ।’
ਗੇਲ ਨੇ ਅਗਾਮੀ ਜੀਟੀ-ਐਮਆਈ ਮੁਕਾਬਲੇ ਦੇ ਬਾਰੇ ’ਚ ਕਿਹਾ, ‘ਉਹ ਜੀਟੀ ਦੇ ਘਰ ਜਾ ਰਹੇ ਹਨ, ਇਸ ਲਈ ਇਹ ਉਨ੍ਹਾਂ ਦੇ ਲਈ ਇੱਕ ਵੱਡਾ ਸਕਾਰਾਤਮਕ ਪਹਿਲੂ ਹੋਵੇਗਾ। ਇਹ ਕੁਝ ਅਜਿਹਾ ਤੱਥ ਹੈ ਜਿਸਨੂੰ ਸਾਨੂੰ ਧਿਆਨ ’ਚ ਰੱਖਣਾ ਹੋਵੇਗਾ। ਪਰ ਮਾਹੌਲ ਹੁਣ ਮੁੰਬਈ ਦੇ ਨਾਲ ਹੈ। ਕੀ ਮੁੰਬਈ ਫਾਈਨਲ ’ਚ ਜਾਵੇਗੀ? ਜੇਕਰ ਉਹ ਅਜਿਹਾ ਕਰਦੇ ਹਨ ਤਾਂ ਸੀਐਸਕੇ ਮੁੰਬਈ ਜਿਹੀ ਟੀਮ ਨਾਲ ਭਿੜਨਾ ਚਾਹੇਗੀ।’
ਸ਼ੁੱਕਰਵਾਰ ਨੂੰ ਸ਼ਾਮੀ 7:30 ਵਜੇ ਕਵਾਲੀਫਾਇਰ 2 ਮੈਚ ਮੁੰਬਈ ਇੰਡੀਅੰਸ ਦਾ ਸਾਹਮਣਾ ਗੁਜਰਾਤ ਟਾਈਟੰਸ ਦੇ ਨਾਲ ਹੋਵੇਗਾ।
