ਭਾਰਤੀ ਕ੍ਰਿਕਟ ਬੋਰਡ (ਬੀ.ਸੀ.ਸੀ.ਆਈ.) ਏਸ਼ੀਆਈ ਖੇਡਾਂ ‘ਚ ਭਾਰਤ ਦੀ ਭਾਗੀਦਾਰੀ ਨੂੰ ਲੈ ਕੇ 7 ਜੁਲਾਈ ਨੂੰ ਬੈਠਕ ਕਰੇਗਾ। ਏਸ਼ੀਆਡ ਦਾ ਆਯੋਜਨ 23 ਸਤੰਬਰ ਤੋਂ 8 ਅਕਤੂਬਰ ਤੱਕ ਚੀਨ ਦੇ ਹਾਂਗਜ਼ੂ ਵਿੱਚ ਹੋਵੇਗਾ।
2014 ਤੋਂ ਬਾਅਦ ਇਸ ਸਾਲ ਫਿਰ ਤੋਂ 2022 ਦੀਆਂ ਏਸ਼ੀਆਈ ਖੇਡਾਂ ਵਿੱਚ ਕ੍ਰਿਕਟ ਨੂੰ ਸ਼ਾਮਲ ਕੀਤਾ ਗਿਆ ਹੈ। ਪੁਰਸ਼ਾਂ ਅਤੇ ਔਰਤਾਂ ਦੇ ਟੀ-20 ਮੈਚ ਹੋਣਗੇ।
ਹੁਣ ਤੱਕ ਕ੍ਰਿਕਟ ਨੂੰ ਏਸ਼ੀਆਡ ਵਿੱਚ ਤਿੰਨ ਵਾਰ ਲਿਆ ਜਾ ਚੁੱਕਾ ਹੈ ਪਰ ਭਾਰਤ ਨੇ ਇੱਕ ਵਾਰ ਵੀ ਆਪਣੀ ਟੀਮ ਨਹੀਂ ਭੇਜੀ ਹੈ। ਹਾਲਾਂਕਿ, ਜੇਕਰ ਭਾਰਤੀ ਟੀਮ ਜਾਂਦੀ ਹੈ ਤਾਂ ਵੀ ਟੀਮ ਦੀ ਬੀ ਟੀਮ ਜਾਵੇਗੀ। ਕਿਉਂਕਿ ਮੁੱਖ ਟੀਮ ਆਉਣ ਵਾਲੇ ਏਸ਼ੀਆ ਕੱਪ ਅਤੇ ਵਿਸ਼ਵ ਕੱਪ ਦੀਆਂ ਤਿਆਰੀਆਂ ‘ਚ ਰੁੱਝੀ ਰਹੇਗੀ।
ਇਸ ਸਾਲ ਏਸ਼ੀਆਈ ਖੇਡਾਂ ਦੇ ਕ੍ਰਿਕੇਟ ਈਵੈਂਟ ਵਿੱਚ ਭਾਰਤ ਦੇ ਭਾਗ ਲੈਣ ਦੀ ਕਾਫੀ ਸੰਭਾਵਨਾ ਹੈ। ਕਿਉਂਕਿ ਪਿਛਲੇ ਕੁਝ ਸਮੇਂ ਤੋਂ ਬੀਸੀਸੀਆਈ ਕ੍ਰਿਕਟ ਨੂੰ 2028 ਓਲੰਪਿਕ ਵਿੱਚ ਸ਼ਾਮਲ ਕਰਨ ਲਈ ਲਗਾਤਾਰ ਕੋਸ਼ਿਸ਼ਾਂ ਕਰ ਰਿਹਾ ਹੈ। ਇਸ ਤੋਂ ਪਹਿਲਾਂ ਭਾਰਤੀ ਮਹਿਲਾ ਟੀਮ ਨੇ 2022 ਵਿੱਚ ਮਲਟੀਸਪੋਰਟ ਈਵੈਂਟ ਬਰਮਿੰਘਮ ਰਾਸ਼ਟਰਮੰਡਲ ਖੇਡਾਂ ਵਿੱਚ ਹਿੱਸਾ ਲਿਆ ਸੀ।
