ਸਾਬਕਾ WWE ਚੈਂਪੀਅਨ ਬ੍ਰੇ ਵਿਆਟ ਦਾ 36 ਸਾਲ ਦੀ ਉਮਰ ਵਿੱਚ ਦਿਹਾਂਤ ਹੋ ਗਿਆ। ਉਨ੍ਹਾਂ ਨੇ ਵੀਰਵਾਰ ਨੂੰ ਆਖਰੀ ਸਾਹ ਲਿਆ। ਵਿਆਟ ਦਾ ਅਸਲੀ ਨਾਂ ਵਿੰਡਹੈਮ ਰੋਟੁੰਡਾ ਸੀ। ਦਿਲ ਦਾ ਦੌਰਾ ਪੈਣ ਕਾਰਨ ਉਸ ਦੀ ਮੌਤ ਹੋ ਗਈ। WWE ਅਧਿਕਾਰੀ ਪਾਲ “ਟ੍ਰਿਪਲ ਐਚ” ਲੇਵੇਸਕ ਨੇ ਸੋਸ਼ਲ ਮੀਡੀਆ ‘ਤੇ ਬ੍ਰੇ ਵਿਆਟ ਦੀ ਮੌਤ ਦੀ ਜਾਣਕਾਰੀ ਸਾਂਝੀ ਕੀਤੀ ਹੈ।
ਟ੍ਰਿਪਲ ਐਚ ਨੇ X (ਪਹਿਲਾਂ ਟਵਿੱਟਰ) ‘ਤੇ ਲਿਖਿਆ, “ਹੁਣੇ ਹੁਣੇ ਡਬਲਯੂਡਬਲਯੂਈ ਹਾਲ ਆਫ ਫੇਮਰ ਮਾਈਕ ਰੋਟੁੰਡਾ ਤੋਂ ਇੱਕ ਕਾਲ ਆਈ, ਜਿਸ ਨੇ ਸਾਨੂੰ ਦੁਖਦਾਈ ਖ਼ਬਰ ਦਿੱਤੀ ਕਿ ਸਾਡੇ ਡਬਲਯੂਡਬਲਯੂਈ ਪਰਿਵਾਰ ਦੇ ਮੈਂਬਰ, ਵਿੰਡਹੈਮ ਰੋਟੁੰਡਾ – ਜਿਸਨੂੰ ਬ੍ਰੀ ਵਿਆਟ ਵਜੋਂ ਜਾਣਿਆ ਜਾਂਦਾ ਹੈ, ਦਾ ਦੇਹਾਂਤ ਹੋ ਗਿਆ। ਅਸੀਂ ਇਸ ਦੁੱਖ ਦੀ ਘੜੀ ਚ ਉਸਦੇ ਪਰਿਵਾਰ ਦੇ ਨਾਲ ਹੈ ਅਤੇ ਅਸੀਂ ਉਹਨਾਂ ਲਈ ਪ੍ਰਾਰਥਨਾ ਕਰਦੇ ਹਾਂ। ਹਰ ਕੋਈ ਇਸ ਸਮੇਂ ਉਹਨਾਂ ਦੀ ਨਿੱਜਤਾ ਦਾ ਸਤਿਕਾਰ ਕਰਦਾ ਹੈ।”
ਇਸ ਦੇ ਨਾਲ ਹੀ WWE ਨੇ ਲਿਖਿਆ ਕਿ, “ਡਬਲਯੂਡਬਲਯੂਈ ਨੂੰ ਇਹ ਜਾਣ ਕੇ ਬਹੁਤ ਦੁਖ ਹੋਇਆ ਕਿ ਵਿੰਡਹੈਮ ਰੋਟੁੰਡਾ, ਜਿਸ ਨੂੰ ਬ੍ਰੇ ਵਿਆਟ ਵਜੋਂ ਵੀ ਜਾਣਿਆ ਜਾਂਦਾ ਹੈ, ਦਾ ਵੀਰਵਾਰ, 24 ਅਗਸਤ ਨੂੰ 36 ਸਾਲ ਦੀ ਉਮਰ ਵਿੱਚ ਦਿਹਾਂਤ ਹੋ ਗਿਆ। ਡਬਲਯੂਡਬਲਯੂਈ ਰੋਟੁੰਡਾ ਦੇ ਪਰਿਵਾਰ, ਦੋਸਤਾਂ ਅਤੇ ਪ੍ਰਸ਼ੰਸਕਾ ਪ੍ਰਤੀ ਸੰਵੇਦਨਾ ਪ੍ਰਗਟ ਕਰਦਾ ਹੈ।”