ਏ. ਆਰ. ਰਹਿਮਾਨ ਸੰਗੀਤ ਜਗਤ ਦਾ ਜਾਣਿਆ ਪਹਿਚਾਨਿਆ ਚਿਹਰਾ ਹੈ। ਦਰਸ਼ਕ ਉਹਨਾਂ ਦਾ ਸ਼ੋਅ ਦੇਖਣ ਲਈ ਉਤਾਵਲੇ ਰਹਿੰਦੇ ਹਨ। ਚੇਨਈ ਵਿਚ ਬੀਤੇ ਐਤਵਾਰ ਨੂੰ ਸੰਗੀਤਕਾਰ ਏ. ਆਰ. ਰਹਿਮਾਨ ਦੇ ਸ਼ਾਨਦਾਰ ਪ੍ਰੋਗਰਾਮ ਸੀ, ਜਿਸਦਾ ਨਾਂ ‘ਮਾਰਾਕੁੱਮਾ ਨੇਨਜਾਮ’ ਸੀ, ਜਿਸਦਾ ਅਰਥ ਹੈ ‘ਕਿਆ ਦਿਲ ਭੂਲ ਸਕਦਾ ਹੈ। ਚੇਨਈ ‘ਚ ਇਹ ਪ੍ਰੋਗਰਾਮ ਦਾ ਆਯੋਜਨ ਤਾਂ ਕੀਤਾ ਗਿਆ, ਜਿਸ ‘ਚ ਪ੍ਰਸ਼ੰਸਕਾਂ ਦੀ ਭਾਰੀ ਭੀੜ ਇਕੱਠੀ ਹੋਈ। ਪਰ, ਉਥੇ ਪ੍ਰਬੰਧ ਇੰਨੇ ਮਾੜੇ ਸਨ ਕਿ ਪ੍ਰਸ਼ੰਸਕਾਂ ਨੂੰ ਨਿਰਾਸ਼ ਹੋਣਾ ਪਿਆ। ਸਮਾਗਮ ਵਿੱਚ ਕਾਫੀ ਧੱਕਾ-ਮੁੱਕੀ ਹੋਈ। ਇਸ ਨੂੰ ਲੈ ਕੇ ਸੰਗੀਤਕਾਰ ਦੀ ਸੋਸ਼ਲ ਮੀਡੀਆ ‘ਤੇ ਕਾਫੀ ਆਲੋਚਨਾ ਹੋਈ ਸੀ।
ਦੱਸ ਦਈਏ ਕਿ ’ ਸੋਸ਼ਲ ਮੀਡੀਆ ਮੰਚ ’ਤੇ ਲੋਕਾਂ ਨੇ ਕਈ ਪੋਸਟਾਂ ਈਸਟ ਕੋਸਟ ਰੋਡ (ਈ. ਸੀ. ਆਰ.) ’ਤੇ ਵਾਹਨਾਂ ਦੀ ਭੀੜ ਦੇ ਚੱਲਦੇ ਪ੍ਰੋਗਰਾਮ ਤੱਕ ਪਹੁੰਚ ਨਾ ਸਕਣ ਦੀ ਸ਼ਿਕਾਇਤ ਕੀਤੀ ਹੈ। ਇਸ ਮਾਰਗ ’ਤੇ ਤਮਿਲਨਾਡੂ ਦੇ ਮੁੱਖ ਮੰਤਰੀ ਐੱਮ. ਕੇ. ਸਟਾਲਿਨ ਦੇ ਕਾਫਲੇ ਨੂੰ ਵੀ ਲੰਘਣ ਵਿਚ ਪ੍ਰੇਸ਼ਾਨੀ ਹੋਈ। ਨਾਲ ਹੀ ਰਹਿਮਾਨ ਨੇ ਪ੍ਰੋਗਰਾਮ ਵਿਚ ਪਹੁੰਚ ਪਾਉਣ ’ਚ ਅਸਮਰੱਥ ਲੋਕਾਂ ਨੂੰ ਟਿਕਟ ਦੀ ਪੂਰੀ ਰਕਮ ਮੋੜਨ ਦਾ ਐਲਾਨ ਕੀਤਾ ਹੈ।
ਇਸਤੋਂ ਇਲਾਵਾ ਏ. ਆਰ. ਰਹਿਮਾਨ ਦੇ ਸ਼ੋਅ ਵਿਚ ਲੋਕਾਂ ਦੀ ਵੱਡੀ ਭੀੜ ਇਕੱਠੀ ਹੋ ਗਈ ਸੀ। ਇੰਨਾ ਹੰਗਾਮਾ ਹੋਇਆ ਕਿ ਬਹੁਤ ਸਾਰੇ ਲੋਕਾਂ ਨੇ ਸ਼ਿਕਾਇਤ ਕੀਤੀ ਕਿ ਆਵਾਜ਼ ਘੱਟ ਸੁਣਾਈ ਦਿੰਦੀ ਹੈ। ਰਿਪੋਰਟਾਂ ਮੁਤਾਬਕ, ਕਈ ਲੋਕਾਂ ਨੇ ਘਬਰਾਹਟ, ਕੁਰਸੀਆਂ ਦੀ ਕਮੀ ਅਤੇ ਸਾਹ ਘੁੱਟਣ ਦੀ ਸ਼ਿਕਾਇਤ ਵੀ ਕੀਤੀ ਹੈ।
