ਅਫਗਾਨਿਸਤਾਨ ਨੇ ਵਨਡੇ ਵਿਸ਼ਵ ਕੱਪ 2023 ‘ਚ ਭਾਰਤ ਨੂੰ 273 ਦੌੜਾਂ ਦਾ ਟੀਚਾ ਦਿੱਤਾ ਹੈ। ਨਵੀਂ ਦਿੱਲੀ ਦੇ ਅਰੁਣ ਜੇਟਲੀ ਸਟੇਡੀਅਮ ਵਿੱਚ ਅਫਗਾਨਿਸਤਾਨ ਨੇ ਟੌਸ ਜਿੱਤ ਕੇ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ, ਟੀਮ ਨੇ 50 ਓਵਰਾਂ ਵਿੱਚ 8 ਵਿਕਟਾਂ ਗੁਆ ਕੇ 272 ਦੌੜਾਂ ਬਣਾਈਆਂ।
ਦੱਸ ਦਈਏ ਕਿ ਭਾਰਤ ਵੱਲੋਂ ਰੋਹਿਤ ਸ਼ਰਮਾ ਅਤੇ ਈਸ਼ਾਨ ਕਿਸ਼ਨ ਓਪਨਿੰਗ ਕਰਨ ਲਈ ਉਤਰੇ। 12 ਓਵਰਾਂ ਤੋਂ ਬਾਅਦ ਟੀਮ ਨੇ ਬਿਨਾਂ ਕਿਸੇ ਨੁਕਸਾਨ ਦੇ 100 ਦੌੜਾਂ ਬਣਾ ਲਈਆਂ ਹਨ। ਰੋਹਿਤ ਨੇ 30 ਗੇਂਦਾਂ ‘ਤੇ ਅਰਧ ਸੈਂਕੜਾ ਜੜਿਆ, ਉਸ ਨੇ ਪਾਰੀ ‘ਚ 4 ਛੱਕੇ ਲਗਾਏ। ਅਫਗਾਨਿਸਤਾਨ ਖਿਲਾਫ ਪਾਰੀ ‘ਚ 3 ਛੱਕੇ ਲਗਾ ਕੇ ਰੋਹਿਤ ਸ਼ਰਮਾ ਅੰਤਰਰਾਸ਼ਟਰੀ ਕ੍ਰਿਕਟ ਦਾ ਛੱਕਾ ਲਗਾਉਣ ਵਾਲਾ ਬਾਦਸ਼ਾਹ ਬਣ ਗਿਆ ਹੈ। ਰੋਹਿਤ ਦੇ ਤਿੰਨੋਂ ਫਾਰਮੈਟਾਂ ਸਮੇਤ 555 ਛੱਕੇ ਸਨ। ਉਨ੍ਹਾਂ ਨੇ ਵੈਸਟਇੰਡੀਜ਼ ਦੇ ਕ੍ਰਿਸ ਗੇਲ ਦਾ ਰਿਕਾਰਡ ਤੋੜਿਆ, ਜਿਸ ਨੇ 453 ਮੈਚਾਂ ‘ਚ 553 ਛੱਕੇ ਲਗਾਏ ਹਨ।
ਰੋਹਿਤ ਨੇ ਟੀ-20 ‘ਚ 77 ਛੱਕੇ, ਟੈਸਟ ‘ਚ 182 ਅਤੇ ਵਨਡੇ ‘ਚ 296 ਛੱਕੇ ਲਗਾਏ ਹਨ। ਰੋਹਿਤ ਨੇ ਇਸ ਪਾਰੀ ‘ਚ 1000 ਵਨਡੇ ਦੌੜਾਂ ਵੀ ਪੂਰੀਆਂ ਕੀਤੀਆਂ, ਉਨ੍ਹਾਂ ਨੇ ਇਹ ਰਿਕਾਰਡ 19 ਪਾਰੀਆਂ ‘ਚ ਹਾਸਲ ਕੀਤਾ।
