ਪਾਕਿਸਤਾਨ ਦੇ ਸਾਬਕਾ ਕ੍ਰਿਕਟਰ ਸ਼ੋਏਬ ਅਖਤਰ ਤੀਜੀ ਵਾਰ ਪਿਤਾ ਬਣ ਗਏ ਹਨ। ਉਨ੍ਹਾਂ ਦੀ ਪਤਨੀ ਰੁਬਾਬ ਖਾਨ ਨੇ ਬੇਟੀ ਨੂੰ ਜਨਮ ਦਿੱਤਾ ਹੈ।1 ਮਾਰਚ ਨੂੰ 48 ਸਾਲ ਦੇ ਸ਼ੋਏਬ ਦੇ ਘਰ ਬੇਟੀ ਨੇ ਜਨਮ ਲਿਆ ਹੈ। ਜੋੜੇ ਦੇ ਪਹਿਲਾਂ ਹੀ ਦੋ ਬੇਟੇ ਹਨ, ਮੁਹੰਮਦ ਮੀਕਾਇਲ ਅਲੀ ਅਤੇ ਮੁਹੰਮਦ ਮੁਜੱਦਦ ਅਲੀ, ਜੋ ਕਿ 2016 ਅਤੇ 2019 ਵਿੱਚ ਪੈਦਾ ਹੋਏ ਸਨ।
ਅਖਤਰ ਨੇ ਇਹ ਖੁਸ਼ਖਬਰੀ ਆਪਣੇ ਇੰਸਟਾਗ੍ਰਾਮ ‘ਤੇ ਪ੍ਰਸ਼ੰਸਕਾਂ ਨਾਲ ਸਾਂਝੀ ਕੀਤੀ ਹੈ। ਉਨ੍ਹਾਂ ਨੇ ਸਾਰਿਆਂ ਦਾ ਧੰਨਵਾਦ ਕੀਤਾ ਅਤੇ ਆਪਣੀ ਨਵਜੰਮੀ ਧੀ ਲਈ ਅਸ਼ੀਰਵਾਦ ਅਤੇ ਦੁਆਵਾਂ ਦੀ ਬੇਨਤੀ ਕੀਤੀ। ਸ਼ੋਏਬ ਅਖਤਰ ਨੇ ਇਕ ਇੰਸਟਾਗ੍ਰਾਮ ਪੋਸਟ ‘ਚਲਿਖਿਆ, ‘ਮੀਕਾਇਲ ਅਤੇ ਮੁਜੱਦਦ ਦੀ ਹੁਣ ਇਕ ਛੋਟੀ ਭੈਣ ਹੈ। ਅੱਲ੍ਹਾ ਨੇ ਸਾਨੂੰ ਇੱਕ ਲੜਕੀ ਦੀ ਬਖਸ਼ਿਸ਼ ਕੀਤੀ ਹੈ. ਅਸੀਂ ਜੁੰਮੇ ਦੀ ਨਮਾਜ਼ ਦੌਰਾਨ ਜੋ ਕਿ 1 ਮਾਰਚ, 2024 ਨੂੰ ਜਨਮੀ ਨੂਰਾ ਅਲੀ ਅਖਤਰ ਦਾ ਸਵਾਗਤ ਕਰਦੇ ਹਾਂ। ਮੈਂ ਤੁਹਾਡੀਆਂ ਸਾਰੀਆਂ ਪ੍ਰਾਰਥਨਾਵਾਂ ਲਈ ਧੰਨਵਾਦੀ ਹਾਂ।’
ਸ਼ੋਏਬ ਅਖਤਰ ਅਤੇ ਰੁਬਾਬ ਖਾਨ ਨੇ 2014 ਵਿੱਚ ਵਿਆਹ ਕਰਵਾਇਆ ਸੀ। ਉਸ ਸਮੇਂ ਅਖਤਰ ਦੀ ਉਮਰ 38 ਸਾਲ ਸੀ ਜਦਕਿ ਰੁਬਾਬ 20 ਸਾਲ ਦੀ ਸੀ। ਉਨ੍ਹਾਂ ਦੇ ਪਹਿਲੇ ਬੱਚੇ ਦਾ ਜਨਮ ਨਵੰਬਰ 2016 ਵਿੱਚ ਹੋਇਆ ਸੀ। ਤਿੰਨ ਸਾਲ ਬਾਅਦ, ਜੁਲਾਈ 2019 ਵਿੱਚ ਇੱਕ ਹੋਰ ਬੱਚੇ ਦੀ ਬਖਸ਼ਿਸ਼ ਹੋਈ।