ਕਈ ਲੋਕ ਕਾਰ ਵਿਚ ਸਫਰ ਕਰਦੇ ਸਮੇਂ ਬਹੁਤ ਸਾਰੀਆਂ ਜ਼ਰੂਰੀ ਚੀਜ਼ਾਂ ਆਪਣੇ ਨਾਲ ਲੈ ਜਾਂਦੇ ਹਨ। ਕਈ ਵਾਰ ਜਲਦਬਾਜ਼ੀ ਜਾਂ ਲਾਪਰਵਾਹੀ ਕਾਰਨ ਕਾਰ ਵਿਚ ਹੀ ਕੁਝ ਸਮਾਨ ਛੱਡ ਜਾਂਦੇ ਹਨ। ਗਰਮੀਆਂ ਦੇ ਮੌਸਮ ‘ਚ ਭਾਰਤ ਵਿੱਚ ਤਾਪਮਾਨ 40 ਤੋਂ 45 ਡਿਗਰੀ ਸੈਲਸੀਅਸ ਹੁੰਦਾ ਹੈ, ਜੋ ਕਾਰ ਦੇ ਅੰਦਰ ਵੀ ਵੱਧ ਜਾਂਦਾ ਹੈ। ਅਜਿਹੀ ਸਥਿਤੀ ਵਿੱਚ, ਤੁਹਾਨੂੰ ਕੁਝ ਚੀਜ਼ਾਂ ਨੂੰ ਕਾਰ ਦੇ ਅੰਦਰ ਛੱਡਣ ਤੋਂ ਬਚਣਾ ਚਾਹੀਦਾ ਹੈ। ਆਓ ਤੁਹਾਨੂੰ ਦੱਸਦੇ ਹਾਂ ਤਿੰਨ ਅਜਿਹੀਆਂ ਚੀਜ਼ਾਂ ਬਾਰੇ ਜੋ ਤਾਪਮਾਨ ਵਧਣ ‘ਤੇ ਫਟ ਸਕਦੀਆਂ ਹਨ।
ਮੋਬਾਈਲ ਜਾਂ ਲੈਪਟਾਪ
ਮੋਬਾਈਲ ਜਾਂ ਲੈਪਟਾਪ ਨੂੰ ਧੁੱਪ ਵਿਚ ਖੜ੍ਹੀ ਕਾਰ ਦੇ ਅੰਦਰ ਨਹੀਂ ਛੱਡਣਾ ਚਾਹੀਦਾ ਕਿਉਂਕਿ ਇਨ੍ਹਾਂ ਦੇ ਅੰਦਰ ਵੀ ਬੈਟਰੀਆਂ ਹੁੰਦੀਆਂ ਹਨ, ਜੋ ਤਾਪਮਾਨ ਵਧਣ ਕਾਰਨ ਅੱਗ ਫੜ ਸਕਦੀਆਂ ਹਨ। ਇਸ ਕਾਰਨ ਇਹ ਚੀਜ਼ਾਂ ਫਟ ਸਕਦੀਆਂ ਹਨ ਅਤੇ ਕਾਰ ਨੂੰ ਅੱਗ ਵੀ ਲਗਾ ਸਕਦੀਆਂ ਹਨ।
ਪਾਵਰ ਬੈਂਕ
ਕਈ ਲੋਕ ਸਫ਼ਰ ਕਰਦੇ ਸਮੇ ਆਪਣੇ ਨਾਲ ਪਾਵਰ ਬੈਂਕ ਰੱਖਦੇ ਹਨ। ਜੇਕਰ ਤੁਸੀਂ ਪਾਵਰ ਬੈਂਕ ਲੈ ਕੇ ਜਾਂਦੇ ਹੋ ਤਾਂ ਇਸ ਨੂੰ ਧੁੱਪ ‘ਚ ਪਾਰਕ ਕੀਤੀ ਕਾਰ ਦੇ ਅੰਦਰ ਨਾ ਛੱਡੋ। ਦਰਅਸਲ, ਪਾਵਰ ਬੈਂਕ ਵਿੱਚ ਇੱਕ ਬੈਟਰੀ ਹੁੰਦੀ ਹੈ, ਜਿਸ ਵਿੱਚ ਤਾਪਮਾਨ ਵਧਣ ਕਾਰਨ ਅੱਗ ਲੱਗ ਸਕਦੀ ਹੈ ਅਤੇ ਧਮਾਕਾ ਹੋ ਸਕਦਾ ਹੈ। ਇਸ ਕਾਰਨ ਕਾਰ ਵਿੱਚ ਅੱਗ ਵੀ ਲੱਗ ਸਕਦੀ ਹੈ।
ਸਿਗਰਟ ਲਾਈਟਰ
ਜੇਕਰ ਕਾਰ ‘ਚ ਸਫ਼ਰ ਦੌਰਾਨ ਤੁਹਾਡੇ ਕੋਲ ਸਿਗਰੇਟ ਲਾਈਟਰ ਹੈ, ਤਾਂ ਇਸਨੂੰ ਕਾਰ ਦੇ ਅੰਦਰ ਰੱਖਣ ਤੋਂ ਬਚੋ। ਦਰਅਸਲ, ਜੇਕਰ ਤੁਹਾਡੀ ਕਾਰ ਧੁੱਪ ‘ਚ ਖੜ੍ਹੀ ਹੈ ਅਤੇ ਉਸ ਦੇ ਅੰਦਰ ਲਾਈਟਰ ਰੱਖਿਆ ਹੋਇਆ ਹੈ ਤਾਂ ਤਾਪਮਾਨ ਵਧਣ ‘ਤੇ ਲਾਈਟਰ ਨੂੰ ਅੱਗ ਲੱਗ ਸਕਦੀ ਹੈ। ਕਿਉਂਕਿ ਇਸ ਵਿੱਚ ਈਂਧਨ ਹੁੰਦਾ ਹੈ, ਇਸ ਦੇ ਵਿਸਫੋਟ ਕਾਰਨ ਕਾਰ ਵਿੱਚ ਭਿਆਨਕ ਅੱਗ ਲੱਗ ਸਕਦੀ ਹੈ।