ਅੰਬਾਲਾ ਦੇ ਸ਼ਹਿਜਾਦਪੁਰ ਖੰਡ ਦੇ ਪਿੰਡ ਬਿਚਪੜੀ ਵਿਚ ਘਰੇਲੂ ਝਗੜੇ ਨੇ ਖੌਫਨਾਕ ਰੂਪ ਧਾਰ ਲਿਆ। ਖੇਤ ਦੀ ਮਿੱਟੀ ਦੇ ਠੇਕੇ ਤੇ ਪਿਤਾ ਦੀ ਰਿਟਾਇਰਮੈਂਟ ਦੇ ਪੈਸਿਆਂ ਨੂੰ ਲੈ ਕੇ ਹੋਏ ਵਿਵਾਦ ਵਿਚ 22 ਸਾਲਾ ਫਾਰਮੇਸੀ ਵਿਦਿਆਰਥੀ ਅਭਿਸ਼ੇਕ ਨੇ ਆਪਣੀ 95 ਸਾਲਾ ਦਾਦੀ ਇਸਰੋ ਦੇਵੀ, ਵੱਡੇ ਭਰਾ ਸੰਦੀਪ (40) ਤੇ ਚਾਚਾ ਮਹਿੰਦਰ ਪਾਲ (50) ਦੀ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ।
ਹਮਲੇ ਵਿਚ ਮੁਲਜ਼ਮ ਦੀ ਚਾਚੀ ਸੁਨੀਤਾ ਵੀ ਗੰਭੀਰ ਵੀ ਗੰਭੀਰ ਜਖਮੀ ਹੋਈ ਹੈ ਜੋ ਹਸਪਤਾਲ ਵਿਚ ਜ਼ਿੰਦਗੀ ਤੇ ਮੌਤ ਦੀ ਜੰਗ ਲੜ ਰਹੀ ਹੈ। ਵਾਰਦਾਤ ਨੂੰ ਅੰਜਾਮ ਦੇਣ ਦੇ ਬਾਅਦ ਮੁਲਜ਼ਮ ਫਰਾਰ ਹੈ ਤੇ ਪੁਲਿਸ ਉਸ ਦੀ ਭਾਲ ਵਿਚ ਲਗਾਤਾਰ ਛਾਪੇਮਾਰੀ ਕਰ ਰਹੀ ਹੈ। ਜਾਣਕਾਰੀ ਅਨੁਸਾਰ ਸ਼ਨੀਵਾਰ ਸ਼ਾਮ ਲਗਭਗ 5.30 ਵਜੇ ਪਰਿਵਾਰ ਵਿਚ ਪੈਸਿਆਂ ਨੂੰ ਲੈ ਕੇ ਤਿੱਖੀ ਬਹਿਸ ਹੋਈ ਸੀ।
ਵਿਵਾਦ ਇੰਨਾ ਵਧ ਗਿਆ ਕਿ ਅਭਿਸ਼ੇਕ ਨੇ ਗੁੱਸੇ ਵਿਚ ਆ ਕੇ ਫਾਇਰਿੰਗ ਸ਼ੁਰੂ ਕਰ ਦਿੱਤੀ। ਉਸ ਨੇ ਸਭ ਤੋਂ ਪਹਿਲਾਂ ਆਪਣੀ ਦਾਦੀ ਨੂੰ ਗੋਲੀ ਮਾਰੀ ਜਿਨ੍ਹਾਂ ਦੀ ਮੌਕੇ ‘ਤੇ ਮੌਤ ਹੋ ਗਈ। ਇਸ ਦੇ ਬਾਅਦ ਬਚਾਅ ਕਰਨ ਆਏ ਵੱਡੇ ਭਰਾ, ਚਾਚਾ ਤੇ ਚਾਚੀ ‘ਤੇ ਵੀ ਗੋਲੀਆਂ ਚਲਾ ਦਿੱਤੀਆਂ। ਭਰਾ ਤੇ ਚਾਚਾ ਨੂੰ ਸਿਰ ਦੇ ਪਿੱਥੇ ਜਦੋਂ ਕਿ ਚਾਚੀ ਨੂੰ ਅੱਖ ਦੇ ਹੇਠਾਂ ਗੋਲੀ ਲੱਗੀ ਹੈ।
