ਹਰਿਆਣਾ ਵਿੱਚ ਅਪਰਾਧਿਕ ਮਾਮਲੇ ਪੰਜਾਬ ਨਾਲੋਂ ਦੋ ਗੁਣਾ ਵੱਧ ਗਏ ਹਨ। ਸਰਕਾਰੀ ਅੰਕੜਿਆਂ ਮੁਤਾਬਿਕ ਹਰਿਆਣਾ ਵਿੱਚ ਸਾਲ 2020 ਦੇ ਮੁਕਾਬਲੇ 2021 ਵਿੱਚ 8000 ਤੋਂ ਵੱਧ ਕੇਸਾਂ ਦਾ ਵਾਧਾ ਹੋਇਆ ਹੈ। ਜਿਕਰਯੋਗ ਹੈ ਕਿ ਸਾਲ 2020 ਵਿੱਚ ਅਪਰਾਧਿਕ ਮਾਮਲੇ 1,03,276 ਸਨ ਜਦ ਕਿ ਸਾਲ 2021 ਵਿੱਚ 1,12,677 ਅਪਰਾਧਿਕ ਮਾਮਲੇ ਦਰਜ ਕੀਤੇ ਗਏ ਹਨ। ਇਸ ਦੇ ਨਾਲ ਹੀ ਸਾਲ 2020 ਵਿਚ ਸਥਾਨਕ ਤੇ ਵਿਸ਼ੇਸ਼ ਮਾਮਲੇ ਵੀ 89,119 ਸਨ, ਪਰ 2021 ਵਿਚ ਇਨ੍ਹਾਂ ਦੀ ਗਿਣਤੀ ਵਧ ਕੇ 93,744 ਹੋ ਗਈ।
ਇਸ ਦੇ ਨਾਲ ਹੀ ਜੇਕਰ ਪੰਜਾਬ ਦੀ ਗੱਲ ਕੀਤੀ ਜਾਵੇ ਤਾਂ ਪੰਜਾਬ ‘ਚ ਸਾਲ 2019 ‘ਚ 44697 ਤੇ ਸਾਲ 2020 ‘ਚ 49870 ਮਾਮਲੇ ਦਰਜ ਕੀਤੇ ਗਏ ਸਨ। ਸਾਲ 2020 ਵਿੱਚ ਹਰਿਆਣਾ ਆਈਪੀਸੀ ਮਾਮਲਿਆਂ ਵਿਚ ਦੇਸ਼ ਵਿੱਚ 16ਵੇਂ ਨੰਬਰ ‘ਤੇ ਸੀ। ਸਰਕਾਰ ਵੱਲੋਂ ਇਹ ਅੰਕੜੇ ਹਰਿਆਣਾ ਵਿਧਾਨ ਸਭਾ ਵਿੱਚ ਰੱਖੇ ਗਏ ਹਨ।
ਹਰਿਆਣਾ ਵਿੱਚ, ਗੁਰੂਗ੍ਰਾਮ ਵਿੱਚ ਸਭ ਤੋਂ ਵੱਧ 13,161 ਅਪਰਾਧ ਦੇ ਮਾਮਲੇ ਹਨ, ਜਦੋਂਕਿ ਫਰੀਦਾਬਾਦ ਵਿੱਚ 9,751 ਹਨ। ਇਸ ਤੋਂ ਬਾਅਦ ਕਰਨਾਲ ‘ਚ 7563, ਪਾਣੀਪਤ ‘ਚ 6971, ਹਿਸਾਰ ‘ਚ 6281 ਮਾਮਲੇ ਦਰਜ ਕੀਤੇ ਗਏ ਹਨ। ਦੱਸ ਦਈਏ ਕਿ ਸਭ ਤੋਂ ਘੱਟ ਮਾਮਲੇ 1064 ਦੇ ਚਰਖੀ ਦਾਦਰੀ ਵਿੱਚ ਸਾਹਮਣੇ ਆਏ ਹਨ।