ਹਰਿਆਣਾ ਨੇ ਐਤਵਾਰ ਨੂੰ 12ਵੀਂ ਰਾਸ਼ਟਰੀ ਹਾਕੀ ਚੈਂਪੀਅਨਸ਼ਿਪ ਦੇ ਫਾਈਨਲ ‘ਚ ਤਾਮਿਲਨਾਡੂ ਨੂੰ ਸ਼ੂਟਆਊਟ ‘ਚ 3-1 ਨਾਲ ਹਰਾ ਕੇ 11 ਸਾਲ ਬਾਅਦ ਖਿਤਾਬ ਜਿੱਤਿਆ। ਦੱਸ ਦਈਏ ਕਿ ਨਿਰਧਾਰਤ ਸਮੇਂ ਤੱਕ ਦੋਵੇਂ ਟੀਮਾਂ 1-1 ਦੀ ਬਰਾਬਰੀ ‘ਤੇ ਸਨ। ਇਸ ਤੋਂ ਪਹਿਲਾਂ ਹਰਿਆਣਾ ਨੇ 2011 ਵਿੱਚ ਖ਼ਿਤਾਬ ਜਿੱਤਿਆ ਸੀ।
ਹਰਿਆਣਾ ਟੀਮ ਦੇ ਮੁੱਖ ਕੋਚ ਸੰਦੀਪ ਸਾਂਗਵਾਨ ਨੇ ਕਿਹਾ ਕਿ ਟੀਮ ਨੇ ਪੂਰੇ ਟੂਰਨਾਮੈਂਟ ਦੌਰਾਨ ਚੰਗਾ ਪ੍ਰਦਰਸ਼ਨ ਕੀਤਾ। ਉਨ੍ਹਾਂ ਕਿਹਾ ਕਿ ਜਦੋਂ 2011 ਵਿੱਚ ਹਰਿਆਣਾ ਨੇ ਆਖਰੀ ਵਾਰ ਖਿਤਾਬ ਜਿੱਤਿਆ ਸੀ ਉਸ ਸਮੇਂ ਵੀ ਉਹ ਕੋਚਿੰਗ ਟੀਮ ਵਿੱਚ ਸ਼ਾਮਲ ਸਨ। ਉਦੋਂ ਗਗਨਦੀਪ ਸਿੰਘ ਟੀਮ ਦਾ ਸਭ ਤੋਂ ਨੌਜਵਾਨ ਖਿਡਾਰੀ ਸੀ ਅਤੇ ਅੱਜ ਉਹ ਟੀਮ ਦੀ ਅਗਵਾਈ ਕਰ ਰਿਹਾ ਹੈ। ਇਹ ਜਿੱਤ ਜੂਨੀਅਰ ਅਤੇ ਸਬ ਜੂਨੀਅਰ ਪੱਧਰ ਦੇ ਖਿਡਾਰੀਆਂ ਨੂੰ ਬਿਹਤਰ ਪ੍ਰਦਰਸ਼ਨ ਕਰਨ ਲਈ ਪ੍ਰੇਰਿਤ ਕਰੇਗੀ।
ਜ਼ਿਕਰਯੋਗ ਹੈ ਕਿ ਮੈਚ ਦੌਰਾਨ ਸ਼ੂਟਆਊਟ ਵਿੱਚ ਹਰਿਆਣਾ ਨੇ ਚਾਰ ਵਿੱਚੋਂ ਤਿੰਨ ਕੋਸ਼ਿਸ਼ਾਂ ਦਾ ਫਾਇਦਾ ਉਠਾਇਆ ਜਦੋਂ ਕਿ ਤਾਮਿਲਨਾਡੂ ਨੇ ਪਹਿਲੀ ਕੋਸ਼ਿਸ਼ ਵਿੱਚ ਗੋਲ ਕਰਨ ਤੋਂ ਬਾਅਦ ਤਿੰਨ ਪੈਨਲਟੀ ਗੁਆ ਦਿੱਤੀਆਂ।