ਅਗਨੀਪਥ ਸਕੀਮ ਤਹਿਤ ਹਵਾਈ ਸੈਨਾ ਵਿੱਚ ਅਗਨੀਵੀਰਾਂ ਦੀ ਭਰਤੀ ਲਈ ਅਰਜ਼ੀ ਦੀ ਪ੍ਰਕਿਰਿਆ ਅੱਜ ਤੋਂ ਸ਼ੁਰੂ ਹੋ ਗਈ ਹੈ। ਹਵਾਈ ਸੈਨਾ ਨੇ ਇਸ ਪੋਸਟ ਦਾ ਨਾਮ ਅਗਨੀਵੀਰ ਵਾਯੂ ਰੱਖਿਆ ਹੈ। 10ਵੀਂ ਪਾਸ ਤੋਂ ਡਿਪਲੋਮਾ ਹੋਲਡਰ ਜਾਂ ਏਅਰਫੋਰਸ ਵਿੱਚ ਵੋਕੇਸ਼ਨਲ ਕੋਰਸ ਕਰਨ ਵਾਲੇ ਉਮੀਦਵਾਰ ਵੀ ਅਗਨੀਵੀਰ ਬਣਨ ਲਈ ਅਪਲਾਈ ਕਰ ਸਕਦੇ ਹਨ। ਆਨਲਾਈਨ ਪ੍ਰੀਖਿਆ 24 ਜੁਲਾਈ ਤੋਂ 31 ਜੁਲਾਈ, 2022 ਤੱਕ ਹੋਵੇਗੀ। ਇਸ ਤੋਂ ਬਾਅਦ ਫੇਜ਼ 2 ਲਈ ਐਡਮਿਟ ਕਾਰਡ 10 ਅਗਸਤ ਨੂੰ ਜਾਰੀ ਕੀਤੇ ਜਾਣਗੇ। ਪ੍ਰੀਖਿਆ ਦਾ ਦੂਜਾ ਪੜਾਅ 21 ਤੋਂ 28 ਅਗਸਤ 2022 ਤੱਕ ਹੋਵੇਗਾ। ਮੈਡੀਕਲ- 29 ਅਗਸਤ ਤੋਂ 8 ਨਵੰਬਰ 2022 ਤੱਕ ਹੋਵੇਗੀ ਅਤੇ ਨਤੀਜਾ 1 ਦਸੰਬਰ 2022 ਨੂੰ ਜਾਰੀ ਕੀਤਾ ਜਾਵੇਗਾ।
ਏਅਰਫੋਰਸ ਵਿੱਚ ਅਗਨੀਪਥ ਲਈ ਅਪਲਾਈ ਕਰਨ ਵਾਲੇ ਉਮੀਦਵਾਰ https://agnipathvayu.cdac.in/AV/ ਵੈੱਬਸਾਈਟ ‘ਤੇ ਜਾ ਕੇ ਅਪਲਾਈ ਕਰ ਸਕਦੇ ਹਨ। ਇੱਥੇ ਤੁਹਾਨੂੰ ਅਗਨੀਪਥ ਦੇ ਅਰਜ਼ੀ ਫਾਰਮ 2022 ‘ਤੇ ਕਲਿੱਕ ਕਰਨਾ ਹੋਵੇਗਾ। ਅਰਜ਼ੀਆਂ 24 ਜੂਨ 2022 ਨੂੰ ਸਵੇਰੇ 10 ਵਜੇ ਤੋਂ 05 ਜੁਲਾਈ 2022 ਨੂੰ ਸ਼ਾਮ 5 ਵਜੇ ਤੱਕ ਭਰੀਆਂ ਜਾਣਗੀਆਂ।
ਹਵਾਈ ਸੈਨਾ ਵਿਚ ਅਗਨੀਵੀਰਾਂ ਦੀ ਭਰਤੀ ਲਈ ਅਪਲਾਈ ਕਰਨ ਵਾਲੇ ਉਮੀਦਵਾਰਾਂ ਦਾ ਜਨਮ 29 ਦਸੰਬਰ 1999 ਤੋਂ 29 ਜੂਨ 2005 ਵਿਚਕਾਰ ਹੋਣਾ ਚਾਹੀਦਾ ਹੈ। ਭਰਤੀ ਲਈ ਅਰਜ਼ੀ ਦੀ ਫੀਸ 250 ਰੁਪਏ ਰੱਖੀ ਗਈ ਹੈ। ਇਸ ਦੇ ਨਾਲ ਹੀ ਵਿਗਿਆਨ ਅਤੇ ਗੈਰ ਵਿਗਿਆਨ ਸਟਰੀਮ ਲਈ ਵਿਦਿਅਕ ਯੋਗਤਾ ਵੱਖਰੀ ਰੱਖੀ ਗਈ ਹੈ। ਵਿਦਿਅਕ ਯੋਗਤਾ ਅਤੇ ਹੋਰ ਲੋੜੀਂਦੀਆਂ ਯੋਗਤਾਵਾਂ ਬਾਰੇ ਵਧੇਰੇ ਜਾਣਕਾਰੀ ਲਈ, ਉਮੀਦਵਾਰ ਇਸ ਅਧਿਕਾਰਤ ਨੋਟੀਫਿਕੇਸ਼ਨ ਤੇ ਚੈੱਕ ਕਰਨ -: AirForce Agniveer Recruitment
