ਭਾਰਤੀ ਹਵਾਈ ਸੈਨਾ ਵਿੱਚ ਅਗਨੀਪਥ ਯੋਜਨਾ ਦੇ ਤਹਿਤ ਅਗਨੀਵੀਰ ਵਾਯੂ ਭਰਤੀ 2022 ਲਈ ਸਿਰਫ 6 ਦਿਨਾਂ ਵਿੱਚ 1.83 ਲੱਖ ਤੋਂ ਵੱਧ ਅਰਜ਼ੀਆਂ ਪ੍ਰਾਪਤ ਹੋਈਆਂ ਹਨ। ਭਾਰਤੀ ਹਵਾਈ ਸੈਨਾ ਨੇ 24 ਜੁਲਾਈ ਨੂੰ ਅਗਨੀਵੀਰ ਵਾਯੂ ਭਰਤੀ 2022 ਲਈ ਅਰਜ਼ੀ ਦੇ ਲਿੰਕ ਨੂੰ ਐਕਟਿਵ ਕੀਤਾ ਸੀ। ਅਗਨੀਵੀਰ ਵਾਯੂ ਭਰਤੀ 2022 ਲਈ ਅਰਜ਼ੀ ਪ੍ਰਕਿਰਿਆ 5 ਜੁਲਾਈ 2022 ਨੂੰ ਬੰਦ ਹੋਵੇਗੀ। ਇਸ ਤੋਂ ਬਾਅਦ ਅਗਨੀਵੀਰ ਵਾਯੂ ਭਰਤੀ ਪ੍ਰੀਖਿਆ 24 ਜੁਲਾਈ ਨੂੰ ਕਰਵਾਈ ਜਾਵੇਗੀ। 12ਵੀਂ ਪਾਸ ਉਮੀਦਵਾਰ ਭਾਰਤੀ ਹਵਾਈ ਸੈਨਾ ਵਿੱਚ ਅਗਨੀਵੀਰ ਬਣਨ ਲਈ ਅਪਲਾਈ ਕਰ ਸਕਦੇ ਹਨ।
ਇਸ ਤੋਂ ਇਲਾਵਾ ਅਗਨੀਪਥ ਸਕੀਮ ਤਹਿਤ ਭਾਰਤੀ ਜਲ ਸੈਨਾ ਵਿੱਚ ਅਗਨੀਵੀਰਾਂ ਦੀ ਭਰਤੀ ਲਈ ਅਰਜ਼ੀਆਂ ਦੀ ਪ੍ਰਕਿਰਿਆ ਸ਼ੁਰੂ ਹੋ ਗਈ ਹੈ। ਉਮੀਦਵਾਰ joinindiannavy.gov.in ‘ਤੇ ਜਾ ਕੇ ਅਪਲਾਈ ਕਰ ਸਕਦੇ ਹਨ। ਭਾਰਤੀ ਜਲ ਸੈਨਾ ਵਿੱਚ ਅਗਨੀਪਥ ਸਕੀਮ ਦੇ ਤਹਿਤ ਅਗਨੀਵੀਰ ਐਸਐਸਆਰ ਅਤੇ ਅਗਨੀਵੀਰ ਐਮਆਰ ਦੀਆਂ ਅਸਾਮੀਆਂ ਲਈ ਭਰਤੀ ਕੀਤੀ ਜਾਵੇਗੀ। ਅਗਨੀਵੀਰ 12ਵੀਂ ਪਾਸ ਨੌਜਵਾਨ SSR ਲਈ ਅਪਲਾਈ ਕਰ ਸਕਦੇ ਹਨ ਅਤੇ 10ਵੀਂ ਪਾਸ ਨੌਜਵਾਨ MR ਲਈ ਅਪਲਾਈ ਕਰ ਸਕਦੇ ਹਨ।