ਭਾਰਤ ਨੂੰ ਬੈਡਮਿੰਟਨ ‘ਚ ਡਬਲ ਓਲੰਪਿਕ ਤਮਗਾ ਦਿਵਾਉਣ ਵਾਲੀ ਸਟਾਰ ਸ਼ਟਲਰ ਪੀਵੀ ਸਿੰਧੂ ਨੇ ਸਿੰਗਾਪੁਰ ਓਪਨ ਸੁਪਰ 500 ਸੀਰੀਜ਼ ਟੂਰਨਾਮੈਂਟ ਦੇ ਸੈਮੀਫਾਈਨਲ ‘ਚ ਪ੍ਰਵੇਸ਼ ਕਰ ਲਿਆ ਹੈ। ਉਸ ਨੇ ਚੀਨੀ ਖਿਡਾਰੀ ਹਾਨ ਯੁਵੇਈ ਨੂੰ ਮੁਕਾਬਲੇ ਵਿੱਚ 17-21, 21-11, 21-19 ਨਾਲ ਹਰਾਇਆ।
ਪੀਵੀ ਸਿੰਧੂ ਦਾ ਟਾਪ-4 ਮੈਚ ਵਿੱਚ ਜਾਪਾਨ ਦੀ ਸਿਨਾ ਕਾਵਾਕਾਮੀ ਨਾਲ ਸਾਹਮਣਾ ਹੋਵੇਗਾ। ਸ਼ੁੱਕਰਵਾਰ ਨੂੰ ਸਿੰਧੂ ਤੋਂ ਇਲਾਵਾ ਲੰਡਨ ਓਲੰਪਿਕ ਦੀ ਕਾਂਸੀ ਤਮਗਾ ਜੇਤੂ ਸਾਇਨਾ ਨੇਹਵਾਨ ਅਤੇ ਥਾਮਸ ਕੱਪ ਸੋਨ ਤਮਗਾ ਜੇਤੂ ਐਚਐਸ ਪ੍ਰਣਯ ਕੁਆਰਟਰ ਫਾਈਨਲ ਮੈਚ ਖੇਡਣ ਲਈ ਕੋਰਟ ‘ਤੇ ਆਏ ਸਨ। ਪਰ ਦੋਵਾਂ ਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਇਕ ਸਮੇਂ ਉਹ 20-19 ਨਾਲ ਅੱਗੇ ਸੀ। ਪਰ, ਭਾਰਤੀ ਖਿਡਾਰੀ ਅੰਤ ਤੱਕ ਲੀਡ ਜਾਰੀ ਨਹੀਂ ਰੱਖ ਸਕੇ।
32 ਸਾਲਾ ਸਾਇਨਾ ਨੇਹਵਾਲ ਨੂੰ ਜਾਪਾਨ ਦੀ ਅਯਾ ਅਹੋਨੀ ਨੇ 21-13, 15-21, 22-20 ਨਾਲ ਹਰਾਇਆ। ਸਾਇਨਾ ਫੈਸਲਾਕੁੰਨ ਗੇਮ ਦੇ ਆਖਰੀ ਦੋ ਅੰਕ ਗੁਆਉਣ ਤੋਂ ਬਾਅਦ ਕਰੈਸ਼ ਆਊਟ ਹੋ ਗਈ। ਜਦਕਿ ਐਚਐਸ ਪ੍ਰਣਯ ਜਾਪਾਨ ਦੇ ਕੋਡਾਈ ਨਾਰਾਓਕਾ ਤੋਂ 12-21, 21-14, 21-18 ਨਾਲ ਹਾਰ ਕੇ ਬਾਹਰ ਹੋ ਗਿਆ।
ਪਹਿਲੀ ਗੇਮ ਵਿੱਚ ਚੀਨੀ ਖਿਡਾਰਨ ਨੇ ਚੰਗਾ ਪ੍ਰਦਰਸ਼ਨ ਕੀਤਾ ਅਤੇ ਸਿੰਧੂ ਨੂੰ 17-21 ਨਾਲ ਹਰਾਉਣ ਲਈ ਦਬਾਅ ਬਣਾਇਆ। ਭਾਰਤੀ ਖਿਡਾਰੀ ਨੇ ਪਹਿਲੀ ਗੇਮ ਗੁਆਉਣ ਤੋਂ ਬਾਅਦ ਚੰਗੀ ਵਾਪਸੀ ਕੀਤੀ। ਉਸ ਨੇ ਹਾਨ ਯੂਵੇਈ ਨੂੰ ਦੂਜੇ ਗੇਮ ਵਿੱਚ ਲੈਅ ਵਿੱਚ ਆਉਣ ਦਾ ਕੋਈ ਮੌਕਾ ਨਹੀਂ ਦਿੱਤਾ। ਸਿੰਧੂ ਨੇ ਦੂਜੀ ਗੇਮ 21-11 ਦੇ ਵੱਡੇ ਫਰਕ ਨਾਲ ਜਿੱਤੀ।
ਤੀਜੇ ਅਤੇ ਫੈਸਲਾਕੁੰਨ ਗੇਮ ਵਿੱਚ ਸਿੰਧੂ ਨੇ ਚੀਨੀ ਖਿਡਾਰਨ ਨੂੰ ਵਾਪਸੀ ਦਾ ਕੋਈ ਮੌਕਾ ਨਹੀਂ ਦਿੱਤਾ। ਸਿੰਧੂ ਨੇ 21-19 ਨਾਲ ਗੇਮ ਜਿੱਤ ਕੇ ਟਾਪ-4 ਵਿੱਚ ਆਪਣੀ ਜਗ੍ਹਾ ਪੱਕੀ ਕਰ ਲਈ।
