ਕੇਂਦਰੀ ਸੈਕੰਡਰੀ ਸਿੱਖਿਆ ਬੋਰਡ (ਸੀਬੀਐਸਈ) ਨੇ ਦਸਵੀਂ ਅਤੇ ਬਾਰ੍ਹਵੀਂ ਜਮਾਤ ਦੀ ਬੋਰਡ ਪ੍ਰੀਖਿਆ 2023 ਲਈ ਸੈਂਪਲ ਪੇਪਰ ਜਾਰੀ ਕੀਤੇ ਹਨ। ਇਸ ਵਿੱਚ ਪ੍ਰੀਖਿਆ ਪੈਟਰਨ ਅਤੇ ਮਾਰਕਿੰਗ ਸਕੀਮ ਆਦਿ ਬਾਰੇ ਜਾਣਕਾਰੀ ਦਿੱਤੀ ਗਈ ਹੈ। ਜੋ ਵਿਦਿਆਰਥੀ ਸਾਲ 2023 ਵਿੱਚ ਹੋਣ ਵਾਲੀਆਂ 10ਵੀਂ ਅਤੇ 12ਵੀਂ ਦੀਆਂ ਬੋਰਡ ਪ੍ਰੀਖਿਆਵਾਂ ਵਿੱਚ ਬੈਠਣ ਜਾ ਰਹੇ ਹਨ, ਉਹ ਸੈਂਟਰਲ ਬੋਰਡ ਆਫ਼ ਸੈਕੰਡਰੀ ਐਜੂਕੇਸ਼ਨ ਦੀ ਅਧਿਕਾਰਤ ਵੈੱਬਸਾਈਟ cbse.gov.in ਜਾਂ cbseacademic.nic ‘ਤੇ ਜਾ ਕੇ ਸੈਂਪਲ ਪੇਪਰ ਨੂੰ ਚੈੱਕ ਅਤੇ ਡਾਊਨਲੋਡ ਕਰ ਸਕਦੇ ਹਨ।
ਇਸ ਵਾਰ ਬੋਰਡ ਨੇ ਪ੍ਰਸ਼ਨ ਪੱਤਰ ਵਿੱਚ ਕਾਫੀ ਬਦਲਾਅ ਕੀਤੇ ਹਨ। ਇਸ ਵਿੱਚ ਕੁੱਲ ਅੰਕ 80 ਰਹਿਣਗੇ ਪਰ ਪ੍ਰਸ਼ਨਾਂ ਦਾ ਪੈਟਰਨ ਬਦਲ ਦਿੱਤਾ ਗਿਆ ਹੈ। ਬੋਰਡ ਵੱਲੋਂ 10ਵੀਂ ਜਮਾਤ ਵਿੱਚ ਹੁਨਰ(Skill) ਅਧਾਰਤ ਪ੍ਰਸ਼ਨ, ਕੇਸ ਅਤੇ ਡੇਟਾ ਅਧਾਰਤ ਪ੍ਰਸ਼ਨ ਰੱਖੇ ਗਏ ਹਨ। ਸਾਇੰਸ, ਸੋਸ਼ਲ ਸਾਇੰਸ, ਮੈਥਸ ਬੇਸਿਕ, ਮੈਥਸ ਸਟੈਂਡਰਡ, ਪੰਜਾਬੀ, ਅੰਗਰੇਜ਼ੀ, ਹਿੰਦੀ ਵਰਗੇ ਮਹੱਤਵਪੂਰਨ ਵਿਸ਼ਿਆਂ ਲਈ 80 ਅੰਕਾਂ ਦੀ ਲਿਖਤੀ ਪ੍ਰੀਖਿਆ ਹੋਵੇਗੀ। ਇਸ ਵਾਰ ਸਾਰੇ ਮਹੱਤਵਪੂਰਨ ਵਿਸ਼ਿਆਂ ਵਿੱਚ 6 ਅੰਕਾਂ ਦਾ ਕੋਈ ਸਵਾਲ ਨਹੀਂ ਹੋਵੇਗਾ। 1 ਤੋਂ 5 ਅੰਕਾਂ ਦੇ ਸਵਾਲ ਹੋਣਗੇ। ਪ੍ਰਸ਼ਨਾਂ ਵਿੱਚ ਮਲਟੀਪਲ ਚੁਆਇਸ ਪ੍ਰਸ਼ਨ, ਬਹੁਤ ਛੋਟੇ, ਛੋਟੇ ਉੱਤਰ, ਲੰਬੇ ਉੱਤਰ ਅਤੇ ਹੁਨਰ(skilled), ਡੇਟਾ ਅਤੇ ਕੇਸ ਅਧਾਰਤ ਪ੍ਰਸ਼ਨ, ਵਿਗਿਆਨ ਅਤੇ ਗਣਿਤ ਵਿੱਚ ਕੇਸ ਅਤੇ ਡੇਟਾ ਅਧਾਰਤ ਪ੍ਰਸ਼ਨ ਹੋਣਗੇ।