ਖੰਨਾ, 30 ਦਸੰਬਰ 2021 – ਲੁਧਿਆਣਾ ਬੰਬ ਧਮਾਕਾ ਮਾਮਲੇ ‘ਚ ਗਗਨਦੀਪ ਬਾਰੇ ਨਵੀਂ ਅੱਪਡੇਟ ਸਾਹਮਣੇ ਆਈ ਹੈ। ਜੇਲ੍ਹ ਚੋਂ ਪ੍ਰੋਡਕਸ਼ਨ ਵਾਰੰਟ ਉਪਰ ਲਿਆਂਦੇ ਗਗਨਦੀਪ ਸਿੰਘ ਦੇ ਸਾਥੀ ਸੁਖਵਿੰਦਰ ਸਿੰਘ ਬਾਕਸਰ ਵਾਸੀ ਪਿੰਡ ਰੋਹਣੋ ਤਹਿਸੀਲ ਖੰਨਾ ਕਾਫੀ ਸਮੇਂ ਤੋਂ ਅੱਤਵਾਦੀ ਸੰਗਠਨਾਂ ਦੇ ਸੰਪਰਕ ਵਿੱਚ ਸੀ। ਗਗਨਦੀਪ ਸਿੰਘ ਜਦੋਂ ਸਦਰ ਥਾਣਾ ਖੰਨਾ ਦਾ ਮੁਨਸ਼ੀ ਸੀ ਤਾਂ ਉਸਦੀ ਮੁਲਾਕਾਤ ਥਾਣੇ ਅੰਦਰ ਹੀ ਬਾਕਸਰ ਨਾਲ ਹੋਈ ਸੀ।
ਹੈਰੋਇਨ ਤਸਕਰੀ ਅੰਦਰ ਗਗਨਦੀਪ ਸਿੰਘ ਦੇ ਜੇਲ੍ਹ ਜਾਣ ਮਗਰੋਂ October 2019 ਵਿੱਚ ਸੁਖਵਿੰਦਰ ਬਾਕਸਰ ਅਤੇ ਉਸਦੇ ਤਿੰਨ ਹੋਰ ਸਾਥੀ 266 ਗ੍ਰਾਮ ਹੈਰੋਇਨ, ਤਿੰਨ ਪਿਸਤੌਲ, ਵੀਹ ਕਾਰਤੂਸ ਬਾਰਾਂ ਬੋਰ ਦੀ ਰਾਈਫ਼ਲ ਬਰਾਮਦ ਹੋਈ ਸੀ। ਪਟਿਆਲਾ ਦਾ ਜਸਦੀਪ ਸਿੰਘ, ਫ਼ਤਹਿਗੜ੍ਹ ਸਾਹਿਬ ਦਾ ਇਕਬਾਲਪ੍ਰੀਤ ਸਿੰਘ ਅਤੇ ਖੰਨਾ ਦਾ ਵਿਸ਼ਾਲ ਕੁਮਾਰ ਬੀੜੀ ਬਾਕਸਰ ਨਾਲ ਫੜੇ ਗਏ ਸੀ। ਬਾਕਸਰ ਗੈਂਗ ਦਾ ਸਰਗਨਾ ਸੀ। ਉਹ ਬਾਕਸਿੰਗ ਦਾ ਨੇਸ਼ਨਲ਼ ਚੈਂਪੀਅਨਸ਼ਿਪ ਸੀ।
2012 ਵਿੱਚ ਸੁਖਵਿੰਦਰ ਸਿੰਘ ਖਿਲਾਫ ਨਵਾਂਸ਼ਹਿਰ ਦੇ ਥਾਣਾ ਬੰਗਾ ਵਿਖੇ ਕੇਸ ਦਰਜ ਕੀਤਾ ਗਿਆ ਸੀ ਉਸ ਕੋਲੋਂ ਛੇ ਕਿਲੋ ਆਰ ਡੀ ਐਕਸ ਬਰਾਮਦ ਕੀਤੀ ਗਈ ਸੀ। ਪਟਿਆਲਾ ਦੀ ਨਾਭਾ ਜੇਲ੍ਹ ਅੰਦਰ ਸੁਖਵਿੰਦਰ ਬਾਕਸਰ ਦੀ ਮੁਲਾਕਾਤ ਅੱਤਵਾਦੀ ਕਸ਼ਮੀਰਾ ਸਿੰਘ ਨਾਲ ਹੋਈ ਸੀ। ਬਾਕਸਰ ਦੇ ਜੇਲ੍ਹ ਚੋ ਬਾਹਰ ਆਉਣ ਤੇ ਉਸਦੇ ਸੰਬੰਧ ਹਰਿੰਦਰ ਸਿੰਘ ਰਿੰਦਾ ਸੰਧੂ ਨਾਲ ਬਣੇ। ਰਿੰਦਾ ਨਾਲ ਮਿਲ ਕੇ ਨਾਂਦੇੜ ਚ ਕਤਲ, ਲੁਟਖੋਹ ਦੀਆਂ ਵਾਰਦਾਤਾਂ ਕੀਤੀਆਂ ਗਈਆਂ। ਰਿੰਦਾ ਨੇ ਸੁਖਵਿੰਦਰ ਨੂੰ ਏਕੇ 47 ਲੈਣ ਜੰਮੂ ਕਸ਼ਮੀਰ ਭੇਜਿਆ ਸੀ।
ਸੁਖਵਿੰਦਰ ਬਾਕਸਰ ਖਿਲਾਫ ਪੰਜਾਬ ਦੇ ਵੱਖ ਵੱਖ ਥਾਣਿਆਂ ਚ 11 ਮਾਮਲੇ ਦਰਜ ਹਨ। ਇਕਬਾਲਪ੍ਰੀਤ ਉਹ ਹੈ ਜਿਸਨੇ ਜੇਲ੍ਹ ਅੰਦਰ ਸ਼ਿਵ ਸੈਨਾ ਪ੍ਰਧਾਨ ਨਿਸ਼ਾਂਤ ਸ਼ਰਮਾ ਉਪਰ ਵੀ ਹਮਲਾ ਕੀਤਾ ਸੀ। ਬਾਕਸਰ ਪੰਜਾਬ ਅੰਦਰ ਹਥਿਆਰਾਂ ਦੀ ਸਪਲਾਈ ਕਰਦਾ ਰਿਹਾ ਹੈ। ਬਾਕਸਰ ਦੇ ਪਿੰਡ ਰੋਹਣੋ ਵਿਖੇ ਦੋ ਦਿਨ ਪਹਿਲਾਂ ਹੀ ਮੁੱਖ ਮੰਤਰੀ ਆਏ ਸੀ ਜਿਸ ਕਰਕੇ ਓਥੇ ਸੁਰੱਖਿਆ ਵਧਾਈ ਹੋਈ ਸੀ।
