ਟੀਵੀ ਇੰਡਸਟਰੀ ਤੋਂ ਬੁਰੀ ਖ਼ਬਰ ਸਾਹਮਣੇ ਆਈ ਹੈ। ਛੋਟੇ ਪਰਦੇ ਦੀ ਦਿੱਗਜ ਅਤੇ ਸੀਨੀਅਰ ਅਦਾਕਾਰਾ ਰਜਿਤਾ ਕੋਚਰ ਦਾ ਦਿਹਾਂਤ ਹੋ ਗਿਆ ਹੈ। ਉਨ੍ਹਾਂ ਨੇ 70 ਸਾਲ ਦੀ ਉਮਰ ‘ਚ ਆਖਰੀ ਸਾਹ ਲਿਆ। ਉਸਨੇ ਕਈ ਮਸ਼ਹੂਰ ਟੀਵੀ ਸ਼ੋਅ ਜਿਵੇਂ ਕਿ ਤੰਤਰ, ਕਵਚ: ਕਾਲੀ ਸ਼ਕਤੀ ਸੇ, ਹਾਤਿਮ ਅਤੇ ਕਹਾਣੀ ਘਰ ਘਰ ਕੀ ਵਿੱਚ ਕੰਮ ਕੀਤਾ ਹੈ। ਉਹ ਆਖਰੀ ਵਾਰ ਕੰਗਨਾ ਰਣੌਤ ਦੀ ਫਿਲਮ ਮਣੀਕਰਨਿਕਾ ਵਿੱਚ ਨਜ਼ਰ ਆਈ ਸੀ। ਕਿਡਨੀ ਦੀ ਸਮੱਸਿਆ ਕਾਰਨ 23 ਦਸੰਬਰ ਨੂੰ ਮੁੰਬਈ ਵਿੱਚ ਉਨ੍ਹਾਂ ਦੀ ਮੌਤ ਹੋ ਗਈ। ਉਨ੍ਹਾਂ ਦੀ ਮੌਤ ਨਾਲ ਟੀਵੀ ਜਗਤ ‘ਚ ਸੋਗ ਦੀ ਲਹਿਰ ਹੈ।