ਸਾਲ ਦੇ ਆਖਰੀ ਤਿਉਹਾਰ ਕ੍ਰਿਸਮਸ ਦੇ ਮੌਕੇ ‘ਤੇ ਬਾਲੀਵੁੱਡ ਸਟਾਰ ਕਿਡਜ਼ ਨੇ ਖੂਬ ਪਾਰਟੀ ਕੀਤੀ, ਜਿਸ ਦੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਹੁਣ ਸਾਹਮਣੇ ਆ ਰਹੀਆਂ ਹਨ। ਕ੍ਰਿਸਮਸ ਦੀ ਰਾਤ ਜਾਹਨਵੀ ਕਪੂਰ, ਸੁਹਾਨਾ ਖਾਨ, ਅਨਨਿਆ ਪਾਂਡੇ ਅਤੇ ਅਜੇ ਦੇਵਗਨ-ਕਾਜੋਲ ਦੀ ਬੇਟੀ ਨਿਆਸਾ ਦੇਵਗਨ ਸਮੇਤ ਕਈ ਮਸ਼ਹੂਰ ਸਟਾਰ ਕਿਡਜ਼ ਨੇ ਪਾਰਟੀ ਕੀਤੀ। ਇਸ ਦੌਰਾਨ ਨਿਆਸਾ ਦਾ ਇੱਕ ਵੀਡੀਓ ਸਾਹਮਣੇ ਆਇਆ ਹੈ, ਜਿਸ ਵਿੱਚ ਉਹ ਠੋਕਰ ਲੱਗਣ ਤੋਂ ਬਾਅਦ ਡਿੱਗਣ ਤੋਂ ਬਚ ਗਈ। ਵਾਇਰਲ ਹੋ ਰਹੀ ਵੀਡੀਓ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਨਿਆਸਾ ਦੇਵਗਨ ਆਪਣੀ ਕਾਰ ਵੱਲ ਵਧਦੀ ਨਜ਼ਰ ਆ ਰਹੀ ਹੈ। ਨਿਆਸਾ ਦੇਵਗਨ ਜਿੱਥੇ ਵੀ ਜਾਂਦੀ ਹੈ, ਪਾਪਰਾਜ਼ੀ ਤਸਵੀਰ ਲਈ ਉਸ ਦਾ ਪਿੱਛਾ ਕਰਨਾ ਸ਼ੁਰੂ ਕਰ ਦਿੰਦੇ ਹਨ। ਕੁਝ ਅਜਿਹਾ ਹੀ ਉਸ ਰਾਤ ਵੀ ਹੋਇਆ ਜਦੋਂ ਨਿਆਸਾ ਅਪਾਰਟਮੈਂਟ ਤੋਂ ਬਾਹਰ ਨਿਕਲ ਕੇ ਆਪਣੀ ਕਾਰ ‘ਚ ਬੈਠਣ ਜਾ ਰਹੀ ਸੀ। ਕਾਰ ਵੱਲ ਵਧਦੇ ਹੋਏ, ਨਿਆਸਾ ਨੇ ਪਾਪਰਾਜ਼ੀ ਤੋਂ ਬਚਣ ਦੀ ਕੋਸ਼ਿਸ਼ ਕੀਤੀ ਅਤੇ ਤੇਜ਼ੀ ਨਾਲ ਚੱਲਣ ਲੱਗੀ।
ਇਸ ਦੌਰਾਨ ਉਸ ਦੀ ਲੱਤ ‘ਤੇ ਠੋਕਰ ਲੱਗ ਗਈ ਅਤੇ ਉਹ ਡਿੱਗਣ ਤੋਂ ਬਚ ਗਈ। ਸ਼ੁਕਰ ਦੀ ਗੱਲ ਹੈ ਕਿ ਨਿਆਸਾ ਨੇ ਆਪਣੇ ਆਪ ਨੂੰ ਸੰਭਾਲ ਲਿਆ ਅਤੇ ਜ਼ਮੀਨ ‘ਤੇ ਨਹੀਂ ਡਿੱਗੀ। ਉਸ ਨੂੰ ਸੱਟ ਵੀ ਨਹੀਂ ਲੱਗੀ ਅਤੇ ਉਹ ਜਾ ਕੇ ਕਾਰ ਵਿਚ ਬੈਠ ਗਈ। ਨਿਆਸਾ ਦਾ ਇਹ ਵੀਡੀਓ ਹੁਣ ਵਾਇਰਲ ਹੋ ਰਿਹਾ ਹੈ। ਪਾਪਰਾਜ਼ੀ ਇੰਸਟਾਗ੍ਰਾਮ ਅਕਾਊਂਟ ਤੋਂ ਪੋਸਟ ਕੀਤੀ ਗਈ ਵੀਡੀਓ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਨਿਆਸਾ ਨੇ ਪਿਕ ਟਾਪ ਅਤੇ ਡੈਨਿਮ ਜੀਨਸ ਪਾਈ ਹੋਈ ਹੈ। ਉਸ ਨੇ ਚਿੱਟੇ ਰੰਗ ਦਾ ਫੇਸ ਮਾਸਕ ਵੀ ਪਾਇਆ ਹੋਇਆ ਹੈ। ਨਿਆਸਾ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਕਾਫੀ ਵਾਇਰਲ ਹੋ ਰਿਹਾ ਹੈ ਅਤੇ ਯੂਜ਼ਰਸ ਕਮੈਂਟ ਬਾਕਸ ‘ਚ ਮਜ਼ਾਕੀਆ ਪ੍ਰਤੀਕਿਰਿਆਵਾਂ ਦੇ ਰਹੇ ਹਨ, ਉਥੇ ਹੀ ਕਈ ਲੋਕਾਂ ਨੇ ਨਿਆਸਾ ਨੂੰ ਟ੍ਰੋਲ ਵੀ ਕੀਤਾ ਹੈ। ਇਕ ਯੂਜ਼ਰ ਨੇ ਲਿਖਿਆ, ‘ਤੁਸੀਂ ਇੰਨਾ ਜ਼ਿਆਦਾ ਕਿਉਂ ਪੀਂਦੇ ਹੋ?’ ਦੂਜੇ ਨੇ ਲਿਖਿਆ, ‘ਇਹ ਲੋਕ ਇੰਨਾ ਪੀਂਦੇ ਹਨ ਕਿ ਉਨ੍ਹਾਂ ਨੂੰ ਤੁਰਨ ਦੀ ਵੀ ਸਮਝ ਨਹੀਂ ਆਉਂਦੀ’।
