ਐਪਲ ਹੁਣ ਤੱਕ ਸਮਾਰਟਫੋਨ (ਆਈਫੋਨ), ਟੈਬਲੇਟ, ਲੈਪਟਾਪ ਅਤੇ ਈਅਰਬਡਸ ਦਾ ਨਿਰਮਾਣ ਕਰ ਰਿਹਾ ਹੈ। ਪਰ ਉਮੀਦ ਕੀਤੀ ਜਾ ਰਹੀ ਹੈ ਕਿ ਕੰਪਨੀ ਜਲਦ ਹੀ ਆਟੋਮੋਬਾਈਲ ਸੈਕਟਰ ‘ਚ ਕਦਮ ਰੱਖੇਗੀ। ਮੀਡੀਆ ਰਿਪੋਰਟਸ ਅਨੁਸਾਰ ਐਪਲ ਇਕ ਇਲੈਕਟ੍ਰੀਕਲ ਵਾਹਨ ਤਿਆਰ ਕਰ ਰਿਹਾ ਹੈ ਜੋ ਬਿਲਕੁਲ ਟੇਸਲਾ ਵਰਗਾ ਹੋਵੇਗਾ। ਬਲੂਮਬਰਗ ਦੀ ਖਬਰ ਮੁਤਾਬਕ, ਕਾਰ ਨੂੰ ਸਿਰਫ ਕੁਝ ਬਾਜ਼ਾਰਾਂ ਲਈ ਡਿਜ਼ਾਈਨ ਕੀਤਾ ਜਾਵੇਗਾ। ਯਾਨੀ ਕਿ ਇਹ ਯਕੀਨੀ ਨਹੀਂ ਹੈ ਕਿ ਕਾਰ ਸਾਰੇ ਦੇਸ਼ਾਂ ਵਿੱਚ ਆਵੇਗੀ।
ਪਹਿਲਾਂ ਖਬਰਾਂ ਆਈਆਂ ਸਨ ਕਿ ਐਪਲ ਕਾਰ ਦੀ ਕੀਮਤ 1.2 ਲੱਖ ਡਾਲਰ ਹੋਵੇਗੀ। ਪਰ ਹੁਣ ਖਬਰ ਹੈ ਕਿ ਕਾਰ ਦੀ ਕੀਮਤ 1 ਲੱਖ ਡਾਲਰ ਦੇ ਕਰੀਬ ਹੋਵੇਗੀ। ਪਰ ਕੰਪਨੀ ਕੀਮਤ ਨੂੰ ਹੋਰ ਘਟਾਉਣ ਦੀ ਯੋਜਨਾ ਬਣਾ ਰਹੀ ਹੈ। ਲਾਂਚਿੰਗ ਦੀ ਗੱਲ ਕਰੀਏ ਤਾਂ ਐਪਲ ਨੇ ਸੈਲਫ ਡਰਾਈਵਿੰਗ ਕਾਰ ਨੂੰ ਲਾਂਚ ਕਰਨ ਦੀ ਯੋਜਨਾ ‘ਚ ਕਾਫੀ ਦੇਰੀ ਕਰ ਦਿੱਤੀ ਹੈ। ਇਸ ਲਈ ਕੰਪਨੀ ਨੇ ਲਾਂਚ ਨੂੰ 2026 ਤੱਕ ਟਾਲ ਦਿੱਤਾ ਹੈ। ਕੰਪਨੀ ਇਸ ਕਾਰ ਨੂੰ 2026 ‘ਚ ਬਾਜ਼ਾਰ ‘ਚ ਪੇਸ਼ ਕਰ ਸਕਦੀ ਹੈ।