ਰੇਲਵੇ ਵੱਲੋਂ ਯਾਤਰੀਆਂ ਦੀ ਲੰਬੀ ਯਾਤਰਾ ਨੂੰ ਆਸਾਨ ਬਣਾਉਣ ਲਈ ਵੰਦੇ ਭਾਰਤ ਐਕਸਪ੍ਰੈਸ ਚਲਾਈ ਜਾ ਰਹੀ ਹੈ। ਰੇਲਵੇ ਨੇ ਹੁਣ ਤੱਕ 4 ਵੰਦੇ ਭਾਰਤ ਐਕਸਪ੍ਰੈਸ ਚਲਾਈਆਂ ਹਨ ਅਤੇ ਹੁਣ ਜਲਦੀ ਹੀ ਪੰਜਵੀਂ ਟਰੇਨ ਚਲਾਉਣ ਦੀ ਤਿਆਰੀ ਕੀਤੀ ਜਾ ਰਹੀ ਹੈ। ਰੇਲ ਮੰਤਰੀ ਨੇ ਦੇਸ਼ ਦੀ ਪੰਜਵੀਂ ਵੰਦੇ ਭਾਰਤ ਐਕਸਪ੍ਰੈਸ ਬਾਰੇ ਵੱਡੀ ਜਾਣਕਾਰੀ ਦਿੱਤੀ ਹੈ। ਜਾਣਕਾਰੀ ਮੁਤਾਬਿਕ ਪੀਐਮ ਮੋਦੀ 11 ਨਵੰਬਰ ਨੂੰ ਪੰਜਵੀ ਵੰਦੇ ਭਾਰਤ ਟ੍ਰੇਨ ਨੂੰ ਹਰੀ ਝੰਡੀ ਦਿਖਾਉਣਗੇ। ਯਾਨੀ 11 ਨਵੰਬਰ ਤੋਂ ਯਾਤਰੀ ਇਸ ਟਰੇਨ ‘ਚ ਸਫਰ ਕਰ ਸਕਣਗੇ।
ਇਸ ਸਮੇਂ ਦੇਸ਼ ਭਰ ਵਿੱਚ ਚੱਲ ਰਹੀਆਂ ਵੰਦੇ ਭਾਰਤ ਟਰੇਨਾਂ ਸਾਰੀਆਂ ਵੱਖ-ਵੱਖ ਰੂਟਾਂ ‘ਤੇ ਚੱਲ ਰਹੀਆਂ ਹਨ। ਦੇਸ਼ ਦੀ ਪੰਜਵੀਂ ਟਰੇਨ ਦੱਖਣੀ ਭਾਰਤ ਦੇ ਰੂਟ ‘ਤੇ ਚਲਾਈ ਜਾਵੇਗੀ। ਦੱਖਣ ਵਿੱਚ ਚੱਲਣ ਵਾਲੀ ਇਹ ਪਹਿਲੀ ਵੰਦੇ ਭਾਰਤ ਐਕਸਪ੍ਰੈਸ ਹੋਵੇਗੀ। ਇਹ ਟਰੇਨ 52 ਸੈਕਿੰਡ ‘ਚ 100 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ ਤੈਅ ਕਰੇਗੀ। ਯਾਨੀ ਤੁਸੀਂ ਇਸ ਟਰੇਨ ‘ਚ ਸਵੇਰੇ ਚੱਲਕੇ ਅਤੇ ਸ਼ਾਮ ਤੱਕ ਵਾਪਸ ਆ ਸਕਦੇ ਹੋ।