ਫਲੋਰੀਡਾ ਤੋਂ ਇੱਕ ਹੈਰਾਨ ਕਰ ਦੇਣ ਵਾਲੀ ਘਟਨਾ ਸਾਹਮਣੇ ਆਈ ਹੈ। ਇਥੇ ਅਸਮਾਨ ‘ਚ ਉੱਡ ਰਹੇ ਜਹਾਜ਼ ਦੇ ਪਾਇਲਟ ਦੀ ਅਚਾਨਕ ਤਬੀਅਤ ਖਰਾਬ ਹੋ ਗਈ ਜਿਸ ਤੋਂ ਬਾਅਦ ਇਕ ਯਾਤਰੀ ਨੇ ਜਹਾਜ਼ ਨੂੰ 70 ਮੀਲ ਤੱਕ ਉਡਾਇਆ। ਹੈਰਾਨੀ ਦੀ ਗੱਲ ਤਾ ਇਹ ਹੈ ਕਿ ਉਸ ਨੂੰ ਇਹ ਬਿਲਕੁਲ ਨਹੀਂ ਪਤਾ ਸੀ ਕਿ ਜਹਾਜ਼ ਕਿਵੇਂ ਉੱਡਣਾ ਹੈ। ਇੰਨਾ ਹੀ ਨਹੀਂ ਏਅਰ ਟ੍ਰੈਫਿਕ ਕੰਟਰੋਲਰ (ਏ.ਟੀ.ਸੀ.) ਦੇ ਨਿਰਦੇਸ਼ਾਂ ‘ਤੇ ਚੱਲਦਿਆਂ ਇਸ ਯਾਤਰੀ ਨੇ ਜਹਾਜ਼ ਨੂੰ ਸੁਰੱਖਿਅਤ ਲੈਂਡ ਕਰਵਾਇਆ। ਇਸ ਯਾਤਰੀ ਦੀ ਪਛਾਣ ਗੁਪਤ ਰੱਖੀ ਗਈ ਹੈ।
ਇਹ ਘਟਨਾ ਮੰਗਲਵਾਰ ਦੀ ਦੱਸੀ ਜਾ ਰਹੀ ਹੈ। ਜਦੋਂ 14 ਸੀਟਾਂ ਵਾਲਾ ਸੇਸਨਾ ਕੈਰਾਵਨ ਜਹਾਜ਼ ਫਲੋਰੀਡਾ ਦੇ ਪਾਮ ਬੀਚ ਅੰਤਰਰਾਸ਼ਟਰੀ ਹਵਾਈ ਅੱਡੇ ਤੋਂ ਲਗਭਗ 70 ਮੀਲ ਉੱਤਰ ਵੱਲ ਸੀ, ਤਾਂ ਪਾਇਲਟ ਅਚਾਨਕ ਬੀਮਾਰ ਹੋ ਗਿਆ ਅਤੇ ਬੇਹੋਸ਼ ਹੋ ਗਿਆ। ਜਹਾਜ਼ ਵਿਚ ਸਵਾਰ ਇਕ ਯਾਤਰੀ ਨੇ ਏਅਰ ਟ੍ਰੈਫਿਕ ਕੰਟਰੋਲਰ ਨੂੰ ਸੂਚਨਾ ਦਿੱਤੀ।
ਏਟੀਸੀ ਨੇ ਉਸ ਨੂੰ ਜਹਾਜ਼ ਦੇ ਸਟੀਅਰਿੰਗ ਨੂੰ ਸੰਭਾਲਣ ਲਈ ਕਿਹਾ ਅਤੇ ਇੱਕ ਮਾਹਰ ਨੂੰ ਇਸ ਦੇ ਫਲਾਈਟ ਇੰਸਟ੍ਰਕਟਰ ਵਜੋਂ ਨਿਯੁਕਤ ਕੀਤਾ। ਫਲਾਈਟ ਇੰਸਟ੍ਰਕਟਰ ਨੇ ਮੁਸਾਫਰ ਨੂੰ ਜਹਾਜ਼ ਦਾ ਸੰਤੁਲਨ ਬਣਾਈ ਰੱਖਣ ਲਈ ਜ਼ੁਬਾਨੀ ਤੌਰ ‘ਤੇ ਸੂਚਿਤ ਕੀਤਾ ਅਤੇ ਉਸ ਨੂੰ ਸਮੁੰਦਰੀ ਕਿਨਾਰੇ ਦਾ ਪਿੱਛਾ ਕਰਦੇ ਰਹਿਣ ਲਈ ਕਿਹਾ। ਇਸ ਤੋਂ ਬਾਅਦ ਉਸ ਨੂੰ ਲੈਂਡਿੰਗ ਦੇ ਤਰੀਕੇ ਬਾਰੇ ਜਾਣਕਾਰੀ ਦਿੱਤੀ ਗਈ।
ਅਮਰੀਕੀ ਹਵਾਬਾਜ਼ੀ ਮਾਹਿਰ ਜੌਹਨ ਨੈਂਸ ਨੇ ਦੱਸਿਆ ਕਿ ‘ਮੈਂ ਆਪਣੀ ਜਾਣਕਾਰੀ ਵਿੱਚ ਪਹਿਲੀ ਵਾਰ ਸੁਣਿਆ ਹੈ ਕਿ ਇੱਕ ਵਿਅਕਤੀ ਜਿਸ ਨੂੰ ਉਡਾਣ ਭਰਨ ਦਾ ਕੋਈ ਤਜਰਬਾ ਨਹੀਂ ਹੈ, ਨੇ ਇੱਕ ਜਹਾਜ਼ (ਸੇਸਨਾ ਕਾਰਵੇਨ) ਲੈਂਡ ਕੀਤਾ ਹੈ।
