ਜਲ ਸੈਨਾ ਨੇ ਮੰਗਲਵਾਰ ਨੂੰ ਆਪਣੀ ਦੂਜੀ ਹਵਾਈ ਸਕੁਐਡਰਨ ਤਾਇਨਾਤ ਕੀਤੀ ਜਿਸ ਵਿੱਚ ਚਾਰ ਪੀ-8ਆਈ ਜਹਾਜ਼ ਸ਼ਾਮਲ ਹਨ। P-8i ਜਹਾਜ਼ ਲੰਬੀ ਦੂਰੀ ਦੇ ਸਮੁੰਦਰੀ ਜਾਸੂਸੀ ਜਹਾਜ਼ ਹਨ। ਇਸ ਨਾਲ ਹਿੰਦ ਮਹਾਸਾਗਰ ਖੇਤਰ ਵਿੱਚ ਜਲ ਸੈਨਾ ਦੀ ਖੋਜ ਸਮਰੱਥਾ ਵਿੱਚ ਜ਼ਬਰਦਸਤ ਵਾਧਾ ਹੋਇਆ ਹੈ।
ਇਹ ਨਵਾਂ ਸਕੁਐਡਰਨ ਚੀਨ ਦੇ ਹਿੰਦ ਮਹਾਸਾਗਰ ਖੇਤਰ ਵਿੱਚ ਵਧਦੀ ਦਖਲਅੰਦਾਜ਼ੀ ਦੀਆਂ ਚਿੰਤਾਵਾਂ ਦਰਮਿਆਨ ਬਣਾਇਆ ਗਿਆ ਹੈ। P-8i ਜਹਾਜ਼ ਵਿੱਚ ਦੋ ਜੈੱਟ ਇੰਜਣ ਹਨ ਅਤੇ ਇਹ ਏਅਰ-ਟੂ-ਸ਼ਿਪ ਮਿਜ਼ਾਈਲਾਂ ਅਤੇ ਟਾਰਪੀਡੋ ਨਾਲ ਲੈਸ ਹੋ ਸਕਦੇ ਹਨ। ਇਸ ਤੋਂ ਪਹਿਲਾ ਜਲ ਸੈਨਾ ਨੂੰ 2013 ਵਿੱਚ ਅੱਠ P-8i ਜਹਾਜ਼ਾਂ ਦੀ ਪਹਿਲੀ ਖੇਪ ਮਿਲੀ ਸੀ।
ਅਧਿਕਾਰੀਆਂ ਨੇ ਦੱਸਿਆ ਕਿ ਭਾਰਤੀ ਜਲ ਸੈਨਾ ਦੇ ਏਅਰ ਸਕੁਐਡਰਨ 316 (ਆਈਐਨਐਸ 316) ਨੂੰ ਗੋਆ ਵਿੱਚ ਡਾਬੋਲਿਮ ਨੇੜੇ ਇੱਕ ਜਲ ਸੈਨਾ ਹਵਾਈ ਸਟੇਸ਼ਨ ਆਈਐਨਐਸ ਹੰਸਾ ਵਿੱਚ ਜਲ ਸੈਨਾ ਮੁਖੀ ਆਰ ਹਰੀ ਕੁਮਾਰ ਦੀ ਮੌਜੂਦਗੀ ਵਿੱਚ ਸ਼ਾਮਿਲ ਕੀਤਾ ਗਿਆ।