ਹਰ ਹਫਤੇ ਐਂਡਰਾਇਡ ਐਪਸ ਜਾਂ ਫੋਨਾਂ ਵਿੱਚ ਮਾਲਵੇਅਰ ਦੀਆਂ ਰਿਪੋਰਟਾਂ ਆਉਂਦੀਆਂ ਹਨ। ਹੁਣ ਇਕ ਹੋਰ ਖਬਰ ਆਈ ਹੈ ਜਿਸ ਨੇ ਐਂਡ੍ਰਾਇਡ ਯੂਜ਼ਰਸ ਨੂੰ ਚਿੰਤਾ ‘ਚ ਪਾ ਦਿੱਤਾ ਹੈ। ਗੂਗਲ ਪਲੇ ਸਟੋਰ ‘ਤੇ 17 ਅਜਿਹੇ ਐਪਸ ਦੀ ਪਛਾਣ ਕੀਤੀ ਗਈ ਹੈ, ਜਿਸ ‘ਚ SpyLoan ਮਾਲਵੇਅਰ ਹੈ। ਲੱਖਾਂ ਲੋਕਾਂ ਨੇ ਆਪਣੇ ਫੋਨ ‘ਤੇ ਇਸ ਮਾਲਵੇਅਰ ਵਾਲੇ ਲੋਨ ਐਪਸ ਨੂੰ ਇੰਸਟਾਲ ਕੀਤਾ ਹੋਇਆ ਹੈ। ਜਾਣਕਾਰੀ ਮੁਤਾਬਿਕ ਇਨ੍ਹਾਂ ਲੋਨ ਐਪਸ ਨੂੰ ਇਸ ਤਰ੍ਹਾਂ ਡਿਜ਼ਾਈਨ ਕੀਤਾ ਗਿਆ ਹੈ ਕਿ ਉਹ ਯੂਜ਼ਰਸ ਦਾ ਡਾਟਾ ਚੋਰੀ ਕਰ ਸਕਦੇ ਹਨ। ਇਹ ਲੋਨ ਐਪਸ ਵੱਲੋ ਯੂਜ਼ਰਸ ਦੀਆਂ ਫੋਟੋਆਂ ਨੂੰ ਉਨ੍ਹਾਂ ਦੇ ਫੋਨ ਤੋਂ ਆਪਣੇ ਸਰਵਰ ‘ਤੇ ਸੇਵ ਕਰਨ ਤੋਂ ਬਾਅਦ ਫੋਟੋਆਂ ਅਤੇ ਵੀਡੀਓ ਦੇ ਆਧਾਰ ‘ਤੇ ਲੋਕਾਂ ਨੂੰ ਬਲੈਕਮੇਲ ਕੀਤਾ ਜਾਂਦਾ ਹੈ।
ਗੂਗਲ ਨੇ ਜਿਨ੍ਹਾਂ 17 ਐਪਸ ਨੂੰ ਹਟਾਇਆ ਹੈ ਉਨ੍ਹਾਂ ਐਪਸ ਦੇ ਨਾਮ ਹਨ- 4S Cash, AA Kredit, Amor Cash, Cartera grande, Cashwow, CrediBus, EasyCash, EasyCredit, Finupp Lending, FlashLoan, Go Crédito, GuayabaCash, Instantáneo Préstamo, Préstamos De Crédito-YumiCash, PréstamosCrédito, Rápido Crédito, TrueNaira
ਜੇਕਰ ਇਨ੍ਹਾਂ ‘ਚੋਂ ਕੋਈ ਵੀ ਐਪ ਤੁਹਾਡੇ ਫੋਨ ‘ਚ ਹੈ ਤਾਂ ਉਸ ਨੂੰ ਤੁਰੰਤ ਡਿਲੀਟ ਕਰ ਦਿਓ ਅਤੇ ਜੇਕਰ ਕੋਈ ਤੁਹਾਨੂੰ ਬਲੈਕਮੇਲ ਕਰ ਰਿਹਾ ਹੈ ਤਾਂ ਸਾਈਬਰ ਪੁਲਸ ਨੂੰ ਸ਼ਿਕਾਇਤ ਕਰੋ।