ਪੰਜਾਬ ਦੇ ਸਿੱਖਿਆ ਵਿਭਾਗ ’ਚ ਤਾਇਨਾਤ ਅਧਿਆਪਕ/ਅਧਿਆਪਕਾਵਾਂ ਹੁਣ 5 ਤਰ੍ਹਾਂ ਦੇ ਕੋਰਸ ਸਿਰਫ 500 ਰੁਪਏ ਪ੍ਰਤੀ ਕੋਰਸ ਦੇ ਹਿਸਾਬ ਨਾਲ ਕਰ ਸਕਣਗੇ। ਇਨ੍ਹਾਂ ਸਾਰੇ ਕੋਰਸਾਂ ਵਾਸਤੇ ਮੁੱਢਲੀ ਸਿੱਖਿਆ 12ਵੀਂ ਜਮਾਤ ਹੋਣੀ ਜ਼ਰੂਰੀ ਹੈ। ਇਨ੍ਹਾਂ ‘ਚ ਆਰਟੀਫ਼ੀਸ਼ੀਅਲ ਇੰਟੈਲੀਜੈਂਸ ਐਂਡ ਇਟਸ ਐਪਲੀਕੇਸ਼ਨਜ਼, ਇਫ਼ੈਕਟਿਵ ਬਿਜ਼ਨੈੱਸ ਐਂਡ ਸੋਸ਼ਲ ਕਮਿਊਨੀਕੇਸ਼ਨ, ਕਰੀਏਟਿਵ ਐਂਡ ਇਨੋਵੇਸ਼ਨ ਸਕੂਲ ਐਜੂਕੇਸ਼ਨ, ਡਿਜੀਟਲ ਮਾਰਕਿਟਿੰਗ ਤੇ ਸਾਈਬਰ ਸਿਕਿਉਰਟੀ ਵਰਗੇ ਕੋਰਸ ਸ਼ਾਮਿਲ ਹਨ।
‘ਜਗਤ ਗੁਰੂ ਨਾਨਕ ਦੇਵ ਸਟੇਟ ਓਪਨ ਯੂਨੀਵਰਸਿਟੀ’ ਨੇ ਪੰਜਾਬ ਦੇ ਸਿੱਖਿਆ ਵਿਭਾਗ ’ਚ ਤਾਇਨਾਤ ਅਧਿਆਪਕ/ਅਧਿਆਪਕਾਵਾਂ ਇਹ ਲਈ ਪੇਸ਼ਕਸ਼ ਕੀਤੀ ਹੈ। ਡਾਇਰੈਕਟਰ SCERT ਡਾ. ਜਰਨੈਲ ਸਿੰਘ ਕਾਲੇਕੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਨੇ ਜ਼ਿਲ੍ਹਾ ਸਿੱਖਿਆ ਅਫ਼ਸਰਾਂ (DEOs) ਨੂੰ 6 ਮਹੀਨੇ ਦੇ ਸਮੇਂ ’ਚ Distance Education ਦੇ ਮਾਧਿਅਮ ਰਾਹੀਂ ਹੋਣ ਵਾਲੇ ਕੋਰਸਾਂ ਪ੍ਰਤੀ ਜਾਗਰੂਕ ਕਰਨ ਦੇ ਹੁਕਮ ਜਾਰੀ ਕੀਤੇ ਹਨ। ਆਪਣੇ ਪੰਜ ਸੂਤਰੀ ਪੱਤਰ ’ਚ ਡਾ. ਕਾਲੇਕੇ ਨੇ ਕਿਹਾ ਹੈ ਕਿ ਆਰਟੀਫ਼ੀਸ਼ੀਅਲ ਇੰਟੈਲੀਜੈਂਸ ਐਂਡ ਇਟਸ ਐਪਲੀਕੇਸ਼ਨਜ਼, ਇਫ਼ੈਕਟਿਵ ਬਿਜ਼ਨੈੱਸ ਐਂਡ ਸੋਸ਼ਲ ਕਮਿਊਨੀਕੇਸ਼ਨ, ਕਰੀਏਟਿਵ ਐਂਡ ਇਨੋਵੇਸ਼ਨ ਸਕੂਲ ਐਜੂਕੇਸ਼ਨ, ਡਿਜੀਟਲ ਮਾਰਕਿਟਿੰਗ ਤੇ ਸਾਈਬਰ ਸਿਕਿਉਰਟੀ ਵਰਗੇ ਕੋਰਸਾਂ ਦੀ ਫ਼ੀਸ 6 ਹਜ਼ਾਰ ਰੁਪਏ ਹੈ ਪਰ ਅਧਿਆਪਕਾਂ ਪਾਸੋਂ ਪ੍ਰਤੀ ਕੋਰਸ ਸਿਰਫ਼ 500 ਰੁਪਏ ਹੀ ਵਸੂਲ ਕੀਤੇ ਜਾਣਗੇ।
ਸਕੁਲੀ ਸਿੱਖਿਆ ਨੂੰ ਗੁਣਵੱਤਾ-ਭਰਪੂਰ ਬਣਾਉਣ ਵਾਸਤੇ ਇਨੋਵੇਸ਼ਨ ਸਕੂਲ ਐਜੂਕੇਸ਼ਨ ਤੇ ਆਰਟੀਫ਼ੀਸ਼ੀਅਲ ਇਟੈਂਲੀਜੈਂਸੀ ਪ੍ਰਤੀ ਵਿਦਿਅਰਥੀਆਂ ਦਾ ਧਿਆਨ ਆਕਰਸ਼ਿਤ ਕਰਨ ਦੇ ਮਨੋਰਥ ਇਨ੍ਹਾਂ ਕੋਰਸਾਂ ਨੂੰ ਡਿਜਾਈਨ ਕੀਤਾ ਗਿਆ ਹੈ।