77ਵੇਂ ਬਾਫਟਾ (ਬ੍ਰਿਟਿਸ਼ ਅਕੈਡਮੀ ਫਿਲਮ ਅਵਾਰਡ) ਦੇ ਜੇਤੂਆਂ ਦਾ ਐਲਾਨ ਕਰ ਦਿੱਤਾ ਗਿਆ ਹੈ। ਕ੍ਰਿਸਟੋਫਰ ਨੋਲਨ ਦੀ ਫਿਲਮ ਓਪੇਨਹਾਈਮਰ ਨੇ ਸਰਵੋਤਮ ਫਿਲਮ ਸਮੇਤ 7 ਬਾਫਟਾ ਜਿੱਤੇ। ਇਸ ਫਿਲਮ ਲਈ ਨਿਰਦੇਸ਼ਕ ਕ੍ਰਿਸਟੋਫਰ ਨੋਲਨ ਨੂੰ ਸਰਵੋਤਮ ਨਿਰਦੇਸ਼ਕ, ਅਭਿਨੇਤਾ ਕਿਲੀਅਨ ਮਰਫੀ ਨੂੰ ਸਰਵੋਤਮ ਮੁੱਖ ਅਦਾਕਾਰ (ਪੁਰਸ਼) ਅਤੇ ਅਭਿਨੇਤਾ ਰਾਬਰਟ ਡਾਉਨੀ ਜੂਨੀਅਰ ਨੂੰ ਸਰਵੋਤਮ ਖੇਡ ਅਦਾਕਾਰ ਦੇ ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ ਗਿਆ।
ਦੱਸ ਦਈਏ ਕਿ ਇਸ ਸਾਲ ਓਪੇਨਹਾਈਮਰ ਨੇ ਬਾਫਟਾ ਵਿੱਚ 13 ਸ਼੍ਰੇਣੀਆਂ ਵਿੱਚ ਸਭ ਤੋਂ ਵੱਧ ਨਾਮਜ਼ਦਗੀਆਂ ਪ੍ਰਾਪਤ ਕੀਤੀਆਂ। ਇਸ ਵਾਰ ਬਾਫਟਾ ਵਿੱਚ ਕਿਸੇ ਵੀ ਭਾਰਤੀ ਫਿਲਮ ਨੂੰ ਨਾਮਜ਼ਦਗੀ ਨਹੀਂ ਮਿਲੀ।
ਇਸਤੋਂ ਇਲਾਵਾ ਓਪੇਨਹਾਈਮਰ ਤੋਂ ਇਲਾਵਾ ਫਿਲਮ ਪੁਅਰ ਥਿੰਗਜ਼ ਨੇ 5 ਬਾਫਟਾ ਜਿੱਤੇ। ਅਭਿਨੇਤਰੀ ਐਮਾ ਸਟੋਨ ਨੇ ਫਿਲਮ ਲਈ ਸਰਵੋਤਮ ਲੀਡਿੰਗ ਅਭਿਨੇਤਰੀ ਦਾ ਪੁਰਸਕਾਰ ਜਿੱਤਿਆ। ਇਸ ਤੋਂ ਇਲਾਵਾ ਫਿਲਮ ਨੇ ਕਾਸਟਿਊਮ, ਮੇਕਅੱਪ ਅਤੇ ਹੇਅਰ, ਪ੍ਰੋਡਕਸ਼ਨ ਡਿਜ਼ਾਈਨ ਅਤੇ ਸਪੈਸ਼ਲ ਵਿਜ਼ੂਅਲ ਇਫੈਕਟਸ ਲਈ ਵੀ ਐਵਾਰਡ ਜਿੱਤੇ ਹਨ। ਇਸ ਫਿਲਮ ਨੂੰ ਬਾਫਟਾ ਵਿੱਚ 11 ਨਾਮਜ਼ਦਗੀਆਂ ਮਿਲੀਆਂ ਹਨ।
ਇਹ ਪੁਰਸਕਾਰ ਸਮਾਰੋਹ ਲੰਡਨ ਦੇ ਰਾਇਲ ਫੈਸਟੀਵਲ ਹਾਲ ਵਿੱਚ ਆਯੋਜਿਤ ਕੀਤਾ ਗਿਆ ਸੀ। ਵਿਗਿਆਨ-ਕਥਾ ਸੀਰੀਜ਼ ‘ਡਾਕਟਰ ਹੂ’ ਫੇਮ ਸਕਾਟਿਸ਼ ਅਦਾਕਾਰ ਡੇਵਿਡ ਟੈਨੈਂਟ ਇਸ ਸਮਾਰੋਹ ਦੇ ਮੇਜ਼ਬਾਨ ਸਨ। ਬਾਫਟਾ ਨੂੰ ਦੁਨੀਆ ਦੇ ਚੋਟੀ ਦੇ 4 ਫਿਲਮ ਪੁਰਸਕਾਰਾਂ ਵਿੱਚ ਗਿਣਿਆ ਜਾਂਦਾ ਹੈ।
ਜ਼ਿਕਰਯੋਗ ਹੈ ਕਿ ਮਸ਼ਹੂਰ ਬੌਲੀਵੁੱਡ ਅਭਿਨੇਤਰੀ ਦੀਪਿਕਾ ਪਾਦੂਕੋਣ ਨੇ ਵੀ ਪੇਸ਼ਕਾਰ ਦੇ ਤੌਰ ‘ਤੇ ਐਵਾਰਡ ਨਾਈਟ ‘ਚ ਸ਼ਿਰਕਤ ਕੀਤੀ। ਉਸ ਨੂੰ ਇੱਥੇ ਡਿਜ਼ਾਈਨਰ ਸਬਿਆਸਾਚੀ ਮੁਖਰਜੀ ਦੁਆਰਾ ਚਮਕਦਾਰ ਚਿੱਟੀ ਸਾੜੀ ਵਿੱਚ ਦੇਖਿਆ ਗਿਆ ਸੀ। ਇਸ ਤੋਂ ਪਹਿਲਾਂ ਵੀ ਦੀਪਿਕਾ ਨੇ ਕਾਨਸ ਫਿਲਮ ਫੈਸਟੀਵਲ ‘ਚ ਸਾੜੀ ਪਾ ਕੇ ਸ਼ਿਰਕਤ ਕੀਤੀ ਸੀ।
ਦੀਪਿਕਾ ਤੋਂ ਇਲਾਵਾ, ਫੁੱਟਬਾਲਰ ਡੇਵਿਡ ਬੇਕਹਮ, ਦੁਆ ਲਿਪਾ, ਹਿਊਗ ਗ੍ਰਾਂਟ, ਚੀਵੇਟਲ ਈਜੀਓਫੋਰ, ਇਦਰੀਸ ਐਲਬਾ, ਗਿਲਿਅਨ ਐਂਡਰਸਨ ਅਤੇ ਐਂਡਰਿਊ ਸਕਾਟ ਵਰਗੇ ਮਸ਼ਹੂਰ ਹਸਤੀਆਂ ਨੇ ਵੀ ਪੇਸ਼ਕਾਰ ਵਜੋਂ ਅਵਾਰਡਾਂ ਵਿੱਚ ਸ਼ਿਰਕਤ ਕੀਤੀ।
