ਬਾਲੀਵੁੱਡ ਅਦਾਕਾਰ ਫਰਦੀਨ ਖਾਨ 14 ਸਾਲ ਬਾਅਦ ਸੰਜੇ ਲੀਲਾ ਭੰਸਾਲੀ ਦੀ ਸੀਰੀਜ਼ ਹੀਰਾਮੰਡੀ ਨਾਲ ਵਾਪਸੀ ਕਰ ਰਹੇ ਹਨ। ਮੇਕਰਸ ਨੇ ਪੋਸਟਰ ਸ਼ੇਅਰ ਕਰਕੇ ਇਹ ਜਾਣਕਾਰੀ ਦਿੱਤੀ ਹੈ। ਉਹ ਇਸ ਪੀਰੀਅਡ ਡਰਾਮਾ ਸੀਰੀਜ਼ ‘ਚ ਅਲੀ ਮੁਹੰਮਦ ਦੀ ਭੂਮਿਕਾ ਨਿਭਾਉਣਗੇ। ਫਰਦੀਨ ਨੂੰ ਆਖਰੀ ਵਾਰ 2010 ‘ਚ ਆਈ ਫਿਲਮ ‘ਦੁਲਹਾ ਮਿਲ ਗਿਆ’ ‘ਚ ਦੇਖਿਆ ਗਿਆ ਸੀ। ਉਦੋਂ ਤੋਂ ਫਰਦੀਨ ਫਿਲਮੀ ਪਰਦੇ ਤੋਂ ਗਾਇਬ ਸਨ।
ਦੱਸ ਦਈਏ ਕਿ ਫਰਦੀਨ ਨੇ 2001 ‘ਚ ਫਿਲਮ ‘ਪ੍ਰੇਮ ਅਗਨ’ ਨਾਲ ਬਾਲੀਵੁੱਡ ‘ਚ ਡੈਬਿਊ ਕੀਤਾ ਸੀ। ਇਸ ਫਿਲਮ ਦਾ ਨਿਰਦੇਸ਼ਨ ਉਨ੍ਹਾਂ ਦੇ ਪਿਤਾ ਫਿਰੋਜ਼ ਖਾਨ ਨੇ ਕੀਤਾ ਸੀ।ਫਰਦੀਨ ਆਪਣੇ ਕਰੀਅਰ ‘ਚ ‘ਨੋ ਐਂਟਰੀ’ ਅਤੇ ‘ਹੇ ਬੇਬੀ’ ਵਰਗੀਆਂ ਮਲਟੀ-ਸਟਾਰਰ ਫਿਲਮਾਂ ਦਾ ਹਿੱਸਾ ਰਹੇ। 2010 ‘ਚ ਰਿਲੀਜ਼ ਹੋਈ ‘ਦੁਲਹਾ ਮਿਲ ਗਿਆ’ ਉਸ ਦੀ ਆਖਰੀ ਫਿਲਮ ਸੀ।
ਦੱਸ ਦਈਏ ਕਿ ਆਉਣ ਵਾਲੀ ਸੀਰੀਜ਼ ਹੀਰਾਮੰਡੀ ‘ਚ ਮਨੀਸ਼ਾ ਕੋਇਰਾਲਾ, ਸੋਨਾਕਸ਼ੀ ਸਿਨਹਾ, ਅਦਿਤੀ ਰਾਓ ਹੈਦਰੀ, ਰਿਚਾ ਚੱਢਾ, ਸੰਜੀਦਾ ਸ਼ੇਖ, ਸ਼ਰਮੀਨ ਸਹਿਗਲ, ਫਰੀਦਾ ਜਲਾਲ ਵਰਗੀਆਂ ਅਭਿਨੇਤਰੀਆਂ ਨਜ਼ਰ ਆਉਣਗੀਆਂ। ਸੀਰੀਜ਼ ਦੇ ਕੁੱਲ 8 ਐਪੀਸੋਡ ਹੋਣਗੇ। ਇਹ ਸੀਰੀਜ਼ OTT ਪਲੇਟਫਾਰਮ Netflix ‘ਤੇ 1 ਮਈ, 2024 ਨੂੰ ਰਿਲੀਜ਼ ਹੋਵੇਗੀ।