ਬਿੱਗ ਬੌਸ 15 ਦੀ ਪ੍ਰਤੀਯੋਗੀ ਰਹੀ ਅਫਸਾਨਾ ਖਾਨ ਜਲਦੀ ਹੀ ਆਪਣੇ ਮੰਗੇਤਰ ਸਾਜ ਨਾਲ ਵਿਆਹ ਦੇ ਬੰਧਨ ਵਿੱਚ ਬੱਝਣ ਜਾ ਰਹੀ ਹੈ। ਵਿਆਹ ਤੋਂ ਪਹਿਲਾਂ ਉਨ੍ਹਾਂ ਦੀ ਮਹਿੰਦੀ ਅਤੇ ਹਲਦੀ ਦੀ ਰਸਮ ਵੀ ਬਹੁਤ ਧੂਮਧਾਮ ਨਾਲ ਕੀਤੀ ਗਈ, ਜਿਸ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਛਾਈਆਂ ਹੋਈਆਂ ਹਨ। ਖਾਸ ਗੱਲ ਇਹ ਹੈ ਕਿ ਅਫਸਾਨਾ ਖਾਨ ਦੀ ਮਹਿੰਦੀ ਦੇ ਫੰਕਸ਼ਨ ‘ਚ ‘ਬਿੱਗ ਬੌਸ’ ਦਾ ਹਿੱਸਾ ਰਹੇ ਸਿਤਾਰਿਆਂ ਨੇ ਵੀ ਸ਼ਿਰਕਤ ਕੀਤੀ।
ਹਿਮਾਂਸ਼ੀ ਖੁਰਾਨਾ, ਉਮਰ ਰਿਆਜ਼, ਰਾਖੀ ਸਾਵੰਤ, ਅਤੇ ਅਕਸ਼ਰਾ ਸਿੰਘ ਮਹਿੰਦੀ ਫੰਕਸ਼ਨ ‘ਚ ਸ਼ਾਮਲ ਹੋਏ। ਮਹਿੰਦੀ ਦੀ ਰਸਮ ਦੌਰਾਨ ਅਫਸਾਨਾ ਖਾਨ ਅਤੇ ਸਾਜ਼ ਨੇ ਇੱਕੋ ਜਿਹੀ ਫਲੋਰਲ ਡਰੈੱਸ ਨੂੰ ਚੁਣਿਆ ਜਦੋਂ ਕਿ ਅਫਸਾਨਾ ਨੇ ਰੈੱਡ ਕਲਰ ਦਾ ਦੁੱਪਟਾ ਲਿਆ ਹੋਇਆ ਸੀ ।ਇਨ੍ਹਾਂ ਤਸਵੀਰਾਂ ‘ਚ ਅਫਸਾਨਾ ਖ਼ਾਨ ਨੂੰ ਸਾਜ਼ ਚੁੰਮਦੇ ਹੋਏ ਨਜ਼ਰ ਆ ਰਹੇ ਹਨ । ਇਸ ਦੇ ਨਾਲ ਹੀ ਅਫਸਾਨਾ ਖਾਨ ਆਪਣੀ ਮਹਿੰਦੀ ਵਾਲੇ ਹੱਥਾਂ ਨੂੰ ਦਿਖਾ ਰਹੀ ਹੈ ।
ਰਾਖੀ ਸਾਵੰਤ ਵੀ ਅਫਸਾਨਾ ਦੇ ਵਿਆਹ ‘ਚ ਪਹੁੰਚੀ ਹੋਈ ਹੈ ਅਤੇ ਵਿਆਹ ਦੀਆਂ ਰਸਮਾਂ ਦੇ ਦੌਰਾਨ ਖੂਬ ਮਸਤੀ ਕਰਦੀ ਹੋਈ ਦਿਖਾਈ ਦੇ ਰਹੀ ਹੈ । ਅਫਸਾਨਾ ਖਾਨ ਅਤੇ ਸਾਜ਼ ਵੀ ਖੁਸ਼ ਨਜ਼ਰ ਆਏ । ਦੱਸ ਦਈਏ ਕਿ ਅਫਸਾਨਾ ਖਾਨ ਆਪਣੇ ਵਿਆਹ ਨੂੰ ਲੈ ਕੇ ਪਿਛਲੇ ਕਈ ਦਿਨਾਂ ਤੋਂ ਤਿਆਰੀਆਂ ਕਰ ਰਹੀ ਸੀ ।
ਦੋਵਾਂ ਨੇ ਵਿਆਹ ਦੇ ਘਰ ਘਰ ਜਾ ਕੇ ਹਰ ਸੈਲੀਬ੍ਰੇਟੀ ਨੂੰ ਸੱਦਾ ਦਿੱਤਾ ਹੈ । ਹੁਣ ਇਹ ਜੋੜੀ ਜਲਦ ਹੀ ਵਿਆਹ ਦੇ ਬੰਧਨ ‘ਚ ਬੱਝ ਜਾਵੇਗੀ । ਜਿਸ ‘ਚ ਪੰਜਾਬੀ ਇੰਡਸਟਰੀ ਅਤੇ ਬਾਲੀਵੁੱਡ ਦੇ ਸਿਤਾਰੇ ਵਿਆਹ ਵਾਲੀ ਲੋਕੇਸ਼ਨ ‘ਤੇ ਪੁੱਜਣੇ ਸ਼ੁਰੂ ਹੋ ਚੁੱਕੇ ਹਨ ।
