ਬਿੱਗ ਬੌਸ ਸੀਜ਼ਨ-16 ਦੀ ਸਮਾਪਤੀ ਤੋਂ ਬਾਅਦ ਐੱਮਸੀ ਸਟੈਨ ਲਗਾਤਾਰ ਸਫ਼ਲਤਾ ਦੀਆਂ ਪੌੜੀਆਂ ਚੜ੍ਹ ਰਿਹਾ ਹੈ। ਉਨ੍ਹਾਂ ਨੂੰ ਕਈ ਵੱਡੇ ਪ੍ਰਾਜੈਕਟ ਮਿਲੇ ਹਨ। ਕੁੱਝ ਦਿਨਾਂ ਪਹਿਲਾਂ ਹੀ ਉਹ ਸੰਗੀਤਕਾਰ ਸਾਜਿਦ ਦੇ ਸਟੂਡੀਓ ‘ਚ ਉਨਾਂ ਨੂੰ ਮਿਲਣ ਲਈ ਪਹੁੰਚਿਆ ਸੀ।
ਦੱਸ ਦਈਏ ਕਿ ਹੁਣ ਉਨ੍ਹਾਂ ਨੂੰ ਇੱਰ ਹੋਰ ਸ਼ੋਅ ਦਾ ਆਫ਼ਰ ਮਿਲਿਆ ਹੈ। ਬਿੱਗ ਬੌਸ ਟਰਾਫੀ ਜਿੱਤਣ ਤੋਂ ਬਾਅਦ ਐੱਮਸੀ ਸਟੈਨ ਹੁਣ ਇੱਕ ਹੋਰ ਰਿਐਲਿਟੀ ਸ਼ੋਅ ਵਿੱਚ ਆਪਣੀ ਕਾਬਲੀਅਤ ਦਿਖਾ ਸਕਦੇ ਹਨ। ਬਿੱਗ ਬੌਸ ਦੇ ਖਬਰੀ ਨੇ ਆਪਣੇ ਇੰਸਟਾਗ੍ਰਮ ਅਕਾਊਂਟ ‘ਤੇ ਜਾਣਕਾਰੀ ਸਾਂਝੀ ਕਰਦਿਆ ਕਿਹਾ ਕਿ ਐੱਮਸੀ ਸਟੈਨ ਨੂੰ ‘ਖਤਰੋਂ ਕੇ ਖਿਲਾੜੀ’ ਸੀਜ਼ਨ-13 ਲਈ ਸੰਪਰਕ ਕੀਤਾ ਗਿਆ ਹੈ। ਹਾਲਾਂਕਿ ਇਸ ਬਾਰੇ ਐੱਮਸੀ ਸਟੈਨ ਦੀ ਟੀਮ ਵੱਲੋਂ ਕੋਈ ਵੀ ਅਧਿਕਾਰਿਤ ਪੁਸ਼ਟੀ ਨਹੀਂ ਕੀਤੀ ਗਈ। ਇਸ ਸ਼ੋਅ ਲਈ ਐੱਮਸੀ ਸਟੈਨ ਤੋਂ ਇਲਾਵਾ ਅਰਚਨਾ ਗੌਤਮ ਅਤੇ ਪ੍ਰਿਅੰਕਾ ਚਾਹਰ ਚੌਧਰੀ ਦੇ ਨਾਂ ਵੀ ਸਾਹਮਣੇ ਆ ਰਹੇ ਹਨ।
ਦੱਸ ਦਈਏ ਕਿ ਜਦੋਂ ਰੋਹਿਤ ਸ਼ੈਟੀ ਫਿਨਾਲੇ ‘ਚ ਬਿੱਗ ਬੌਸ ਦੇ ਘਰ ਆਏ ਤਾਂ ਉਸ ਦੌਰਾਨ ਉਨ੍ਹਾਂ ਨੇ ‘ਖਤਰੋਂ ਕੇ ਖਿਲਾੜੀ’ ਦੇ ਨਵੇਂ ਸੀਜ਼ਨ ਲਈ ਸਾਰੇ ਫਾਈਨਲਿਸਟਾਂ ਨੂੰ ਟਾਸਕ ਕਰਨ ਲਈ ਕਿਹਾ। ਜਦੋਂ ਕਿ ਸ਼ਾਲੀਨ ਨੇ ਸਾਰੇ ਕੰਮ ਸਭ ਤੋਂ ਤੇਜ਼ੀ ਨਾਲ ਕੀਤੇ, ਉੱਥੇ ਹੀ ਐੱਮਸੀ ਸਟੈਨ ਨੇ ਪਹਿਲੇ ਟਾਸਕ ਨੂੰ ਹੀ ਅਬੋਰਟ ਕਰ ਦਿੱਤਾ ਸੀ।
