ਸੁਨੀਲ ਸ਼ੈੱਟੀ ਦੇ ਬੇਟੇ ਅਹਾਨ ਸ਼ੈੱਟੀ ਨੇ ਤਿੰਨ ਸਾਲ ਪਹਿਲਾਂ ਸਾਲ 2021 ਵਿੱਚ ਅਭਿਨੇਤਰੀ ਤਾਰਾ ਸੁਤਾਰੀਆ ਦੇ ਨਾਲ ਰੋਮਾਂਟਿਕ ਐਕਸ਼ਨ ਡਰਾਮੇ ਨਾਲ ਬਾਲੀਵੁੱਡ ਵਿੱਚ ਆਪਣੀ ਸ਼ੁਰੂਆਤ ਕੀਤੀ ਸੀ। ਇਹ ਫਿਲਮ ਤੇਲਗੂ ਫਿਲਮ ‘RX 100’ ਦੀ ਰੀਮੇਕ ਸੀ। ਫਿਲਮ ਨੂੰ ਪਰਦੇ ‘ਤੇ ਚੰਗਾ ਹੁੰਗਾਰਾ ਮਿਲਿਆ। ਹੁਣ ਤਿੰਨ ਸਾਲ ਬਾਅਦ ਅਹਾਨ ਇੱਕ ਵਾਰ ਫਿਰ ਤੋਂ ਜ਼ੋਰਦਾਰ ਵਾਪਸੀ ਕਰਨ ਲਈ ਤਿਆਰ ਹਨ।
ਅਹਾਨ ਨੂੰ ਆਪਣੀ ਪਹਿਲੀ ਫਿਲਮ ਤੋਂ ਹੀ ਦਰਸ਼ਕਾਂ ਦਾ ਕਾਫੀ ਪਿਆਰ ਮਿਲਿਆ। ਇੰਨਾ ਹੀ ਨਹੀਂ ਲੋਕਾਂ ਨੇ ਅਹਾਨ ਸ਼ੈੱਟੀ ਨੂੰ ਇੰਡਸਟਰੀ ਦੇ ਨਵੇਂ ਐਕਸ਼ਨ ਹੀਰੋ ਦੇ ਤੌਰ ‘ਤੇ ਟੈਗ ਕੀਤਾ ਸੀ ਪਰ ਪਿਛਲੇ ਤਿੰਨ ਸਾਲਾਂ ਤੋਂ ਅਹਾਨ ਸ਼ੈੱਟੀ ਨੂੰ ਕਿਸੇ ਫਿਲਮ ‘ਚ ਨਹੀਂ ਦੇਖਿਆ ਗਿਆ ਸੀ ਪਰ ਹੁਣ ਅਹਾਨ ਦੇ ਪ੍ਰਸ਼ੰਸਕਾਂ ਦਾ ਇੰਤਜ਼ਾਰ ਖਤਮ ਹੋਣ ਵਾਲਾ ਹੈ। ਖਬਰ ਹੈ ਕਿ ਅਭਿਨੇਤਾ ਹੁਣ ਇਕ, ਦੋ ਨਹੀਂ ਸਗੋਂ 4 ਫਿਲਮਾਂ ‘ਚ ਨਜ਼ਰ ਆਉਣ ਵਾਲੇ ਹਨ।
ਅਹਾਨ ਸ਼ੈੱਟੀ ਦੇ ਕੋਲ ਇਨ੍ਹੀਂ ਦਿਨੀਂ ਚਾਰ ਵੱਡੀਆਂ ਫਿਲਮਾਂ ਹਨ, ਜਿਨ੍ਹਾਂ ਦਾ ਉਹ ਜਲਦ ਹੀ ਐਲਾਨ ਕਰਨ ਜਾ ਰਹੇ ਹਨ। ਇਨ੍ਹਾਂ ‘ਚੋਂ ਇਕ ਫਿਲਮ ਇਸ ਮਹੀਨੇ ਫਲੋਰ ‘ਤੇ ਜਾਣ ਵਾਲੀ ਹੈ। ਇਸ ਲਈ ਬਾਕੀ ਤਿੰਨ ਫਿਲਮਾਂ ਦਾ ਇਕ-ਇਕ ਕਰਕੇ ਐਲਾਨ ਕੀਤਾ ਜਾਵੇਗਾ। ਕਿਹਾ ਜਾ ਰਿਹਾ ਹੈ ਕਿ ਇਨ੍ਹਾਂ ਚਾਰ ਫਿਲਮਾਂ ‘ਚੋਂ ਇਕ ਵੱਡੀ ਐਕਸ਼ਨ ਐਂਟਰਟੇਨਰ ਬਣਨ ਵਾਲੀ ਹੈ, ਜਿਸ ਨੂੰ ਸਾਜਿਦ ਨਾਡਿਆਡਵਾਲਾ ਪ੍ਰੋਡਿਊਸ ਕਰਨ ਜਾ ਰਹੇ ਹਨ।
ਇਹ ਜਾਣਕਾਰੀ ਪਿਛਲੇ ਸਾਲ ਅਦਾਕਾਰ ਦੇ ਜਨਮਦਿਨ ‘ਤੇ ਸਾਂਝੀ ਕੀਤੀ ਗਈ ਸੀ। ਸਾਜਿਦ ਨਾਡਿਆਡਵਾਲਾ ਨੇ ਸੋਸ਼ਲ ਮੀਡੀਆ ਪੋਸਟ ਰਾਹੀਂ ਲੋਕਾਂ ਨੂੰ ਦੱਸਿਆ ਸੀ ਕਿ ਉਹ ਅਹਾਨ ਸ਼ੈੱਟੀ ਨਾਲ ਇੱਕ ਵੱਡੀ ਫਿਲਮ ਦੀ ਯੋਜਨਾ ਬਣਾ ਰਹੇ ਹਨ, ਜੋ ਜਲਦੀ ਹੀ ਸ਼ੁਰੂ ਹੋ ਸਕਦੀ ਹੈ। ਅਹਾਨ ਸ਼ੈੱਟੀ ਆਪਣੀ ਪ੍ਰੋਫੈਸ਼ਨਲ ਲਾਈਫ ਦੇ ਨਾਲ-ਨਾਲ ਪਰਸਨਲ ਲਾਈਫ ਨੂੰ ਲੈ ਕੇ ਵੀ ਸੁਰਖੀਆਂ ‘ਚ ਰਹੇ ਹਨ। ਉਹ ਤਾਨੀਆ ਸ਼ਰਾਫ ਨੂੰ ਲੰਬੇ ਸਮੇਂ ਤੋਂ ਡੇਟ ਕਰ ਰਹੇ ਸਨ। ਇਹ ਜੋੜੀ ਪਿਛਲੇ ਸਾਲ ਟੁੱਟ ਗਈ ਸੀ।
