ਆਮਿਰ ਖਾਨ ਦੀ ਬੇਟੀ ਆਇਰਾ ਖਾਨ ਦੇ ਵਿਆਹ ਦੀ ਤਰੀਕ ਦਾ ਖੁਲਾਸਾ ਹੋ ਗਿਆ ਹੈ। ਵਿਆਹ 3 ਜਨਵਰੀ ਨੂੰ ਮੁੰਬਈ ਦੇ ਹੋਟਲ ਤਾਜ ਲੈਂਡਸ ਐਂਡ ‘ਚ ਹੋਵੇਗਾ। ਵਿਆਹ ਵਿੱਚ 900 ਦੇ ਕਰੀਬ ਮਹਿਮਾਨਾਂ ਨੂੰ ਸੱਦਾ ਦਿੱਤਾ ਗਿਆ ਹੈ। ਰਿਸੈਪਸ਼ਨ 13 ਜਨਵਰੀ ਨੂੰ ਮੁੰਬਈ ਦੇ ਮਸ਼ਹੂਰ ਜਿਓ ਵਰਲਡ ਸੈਂਟਰ ‘ਚ ਹੋਵੇਗੀ।
ਦੱਸ ਦਈਏ ਕਿ ਰਿਸੈਪਸ਼ਨ ਕਾਰਡ ਸਾਹਮਣੇ ਆਇਆ ਹੈ। ਸੂਤਰਾਂ ਦੀ ਮੰਨੀਏ ਤਾਂ ਆਮਿਰ ਦੇ ਕਰੀਬੀ ਦੋਸਤ ਸਲਮਾਨ ਖਾਨ ਅਤੇ ਸ਼ਾਹਰੁਖ ਖਾਨ ਨੂੰ ਵੀ ਸੱਦਾ ਦਿੱਤਾ ਗਿਆ ਹੈ। ਆਮਿਰ ਖਾਨ ਨੇ ਹੁਣ ਤੱਕ ਜਿਨ੍ਹਾਂ ਨਿਰਦੇਸ਼ਕਾਂ ਨਾਲ ਕੰਮ ਕੀਤਾ ਹੈ, ਉਹ ਸਾਰੇ ਇਸ ਸ਼ਾਨਦਾਰ ਵਿਆਹ ‘ਚ ਸ਼ਿਰਕਤ ਕਰਨਗੇ।
ਇਹ ਵਿਆਹ ਮੁੰਬਈ ਦੇ ਮਸ਼ਹੂਰ ਤਾਜ ਲੈਂਡਸ ਐਂਡ ‘ਚ ਹੋ ਰਿਹਾ ਹੈ। ਇਹ 5 ਸਿਤਾਰਾ ਹੋਟਲ ਹੈ। ਇਹ ਬੈਂਡਸਟੈਂਡ, ਬਾਂਦਰਾ ਵਿੱਚ ਸਥਿਤ ਹੈ। ਖਾਸ ਗੱਲ ਇਹ ਹੈ ਕਿ ਇਹ ਸਥਾਨ ਸਲਮਾਨ ਅਤੇ ਸ਼ਾਹਰੁਖ ਦੇ ਘਰ ਦੇ ਕੋਲ ਹੈ। ਵਿਆਹ ਦਾ ਪੂਰਾ ਸਮਾਗਮ ਤਾਜ ਲੈਂਡਸ ਐਂਡ ਦੇ ਸੀ-ਸਾਈਟ ਲਾਅਨ ‘ਚ ਹੋਵੇਗਾ।
ਰਿਸੈਪਸ਼ਨ ਦੀ ਗੱਲ ਕਰੀਏ ਤਾਂ ਇਹ ਫੰਕਸ਼ਨ ਮੁੰਬਈ ਦੇ ਮਸ਼ਹੂਰ ਜਿਓ ਵਰਲਡ ਸੈਂਟਰ ‘ਚ ਹੋਵੇਗਾ। ਜਿਓ ਵਰਲਡ ਸੈਂਟਰ ਮੁੰਬਈ ਦੇ ਮਸ਼ਹੂਰ ਬੀਕੇਸੀ ਖੇਤਰ ਵਿੱਚ ਹੈ। ਰਿਸੈਪਸ਼ਨ ਹੋਰ ਵੀ ਸ਼ਾਨਦਾਰ ਹੋਣ ਜਾ ਰਿਹਾ ਹੈ। ਜਿਓ ਵਰਲਡ ਸੈਂਟਰ ਵਿੱਚ ਬੁੱਕ ਕੀਤੇ ਗਏ ਬਾਲਰੂਮ ਵਿੱਚ ਇੱਕੋ ਸਮੇਂ 3000 ਲੋਕ ਬੈਠ ਸਕਦੇ ਹਨ। ਇਹ ਬਾਲਰੂਮ ਜੀਓ ਵਰਲਡ ਸੈਂਟਰ ਦੀ ਤੀਜੀ ਮੰਜ਼ਿਲ ‘ਤੇ ਹੈ। ਇਹ ਤੀਜੀ ਮੰਜ਼ਿਲ 32,280 ਵਰਗ ਫੁੱਟ ‘ਚ ਫੈਲੀ ਹੋਈ ਹੈ।
ਆਇਰਾ ਦੇ ਵਿਆਹ ਦੀਆਂ ਰਸਮਾਂ ਅੱਜ ਤੋਂ ਸ਼ੁਰੂ ਹੋ ਗਈਆਂ ਹਨ। ਅੱਜ ਹਲਦੀ ਦੀ ਰਸਮ ਅਦਾ ਕੀਤੀ ਜਾ ਰਹੀ ਹੈ। ਆਮਿਰ ਖਾਨ ਦੀਆਂ ਸਾਬਕਾ ਪਤਨੀਆਂ ਰੀਨਾ ਦੱਤਾ ਅਤੇ ਕਿਰਨ ਰਾਓ ਨੂੰ ਇਕੱਠੇ ਦੇਖਿਆ ਗਿਆ। ਹਲਦੀ ਸਮਾਰੋਹ ‘ਚ ਹਰ ਕੋਈ ਨੌਵਰੀ ਸਾੜੀ (ਮਹਾਰਾਸ਼ਟਰੀ ਸਾੜੀ) ਵਿੱਚ ਦੇਖਿਆ ਗਿਆ।
ਇਹ ਪਹਿਲਾਂ ਹੀ ਤੈਅ ਹੋ ਚੁੱਕਾ ਹੈ ਕਿ ਆਇਰਾ ਦਾ ਵਿਆਹ ਮਹਾਰਾਸ਼ਟਰੀ ਰੀਤੀ-ਰਿਵਾਜਾਂ ਨਾਲ ਹੋਵੇਗਾ। ਕਿਰਨ ਅਤੇ ਰੀਨਾ ਦੋਵੇਂ ਨੁਪੁਰ ਸ਼ਿਖਰੇ ਦੇ ਘਰ ਹਲਦੀ ਸਮਾਰੋਹ ਲਈ ਪਹੁੰਚੀਆਂ ਸਨ। ਵੈਸੇ ਤਾਂ ਇਸ ਰਸਮ ਵਿੱਚ ਸਿਰਫ਼ ਔਰਤਾਂ ਹੀ ਨਜ਼ਰ ਆਉਂਦੀਆਂ ਸਨ।
ਰੀਤੀ-ਰਿਵਾਜਾਂ ਵਿਚਾਲੇ ਵਿਆਹ ਲਈ ਉਤਸ਼ਾਹਿਤ ਆਇਰਾ ਖਾਨ ਨੇ ਆਪਣੇ ਇੰਸਟਾਗ੍ਰਾਮ ‘ਤੇ ਇਕ ਪੋਸਟ ਸ਼ੇਅਰ ਕੀਤੀ ਹੈ, ਜਿਸ ‘ਚ ਉਸ ਨੇ ‘ਬ੍ਰਾਈਡ ਟੂ ਬੀ’ ਲਿਖਿਆ ਹੈ। ਆਇਰਾ ਆਪਣੇ ਲੰਬੇ ਸਮੇਂ ਦੇ ਬੁਆਏਫ੍ਰੈਂਡ ਨਾਲ ਵਿਆਹ ਲਈ ਕਾਫੀ ਉਤਸ਼ਾਹਿਤ ਨਜ਼ਰ ਆ ਰਹੀ ਹੈ।
17 ਅਕਤੂਬਰ 1985 ਨੂੰ ਜਨਮੇ ਨੂਪੁਰ ਸ਼ਿਖਰੇ ਪੇਸ਼ੇ ਤੋਂ ਇੱਕ ਮਸ਼ਹੂਰ ਫਿਟਨੈਸ ਟ੍ਰੇਨਰ ਹੈ। ਉਸਦਾ ਪਰਿਵਾਰ ਪੁਣੇ ਵਿੱਚ ਰਹਿੰਦਾ ਹੈ, ਜਿੱਥੇ ਉਸਦੀ ਮਾਂ ਇੱਕ ਡਾਂਸ ਟੀਚਰ ਸੀ। ਨੂਪੁਰ ਪਿਛਲੇ ਕਈ ਸਾਲਾਂ ਤੋਂ ਮੁੰਬਈ ‘ਚ ਰਹਿ ਰਿਹਾ ਹੈ। ਕੁਝ ਸਾਲ ਪਹਿਲਾਂ ਨੂਪੁਰ ਆਇਰਾ ਦੀ ਫਿਟਨੈੱਸ ਟ੍ਰੇਨਰ ਸੀ। ਇਕੱਠੇ ਸਮਾਂ ਬਿਤਾਉਂਦੇ ਹੋਏ, ਦੋਵਾਂ ਨੂੰ ਪਿਆਰ ਹੋ ਗਿਆ ਸੀ, ਜਿਸ ਤੋਂ ਬਾਅਦ ਨਵੰਬਰ 2022 ਵਿੱਚ ਨੂਪੁਰ ਨੇ ਇੱਕ ਇਵੈਂਟ ਦੌਰਾਨ ਆਇਰਾ ਨੂੰ ਵਿਆਹ ਲਈ ਪ੍ਰਪੋਜ਼ ਕੀਤਾ ਅਤੇ ਉਸ ਨੂੰ ਅੰਗੂਠੀ ਪਾ ਦਿੱਤੀ। ਇਸ ਤੋਂ ਬਾਅਦ ਹੀ ਆਇਰਾ ਨੇ ਸੋਸ਼ਲ ਮੀਡੀਆ ਰਾਹੀਂ ਆਪਣੀ ਮੰਗਣੀ ਦਾ ਐਲਾਨ ਕੀਤਾ ਸੀ।
