ਮਸ਼ਹੂਰ ਟੀ ਵੀ ਅਦਾਕਾਰਾ ਅਕਿੰਤਾ ਲੋਖੰਡੇ ਨੇ ਹਾਲ ਹੀ ‘ਚ ਆਪਣੇ ਪ੍ਰੇਮੀ ਵਿੱਕੀ ਜੈਨ ਨਾਲ ਸੱਤ ਫੇਰੇ ਲੈ ਕੇ ਵਿਆਹ ਦੇ ਬੰਧਨ ਵਿੱਚ ਬੱਝ ਗਈ ਹੈ। ਹਾਲ ਹੀ ਵਿੱਚ ਅੰਕਿਤਾ ਦਾ ਪਹਿਲਾਂ ਜਨਮ ਦਿਨ ਸੀ ਜਿਸ ਨੂੰ ਉਨ੍ਹਾਂ ਦੇ ਪਤੀ ਨੇ ਬਹੁਤ ਹੀ ਖ਼ਾਸ ਅੰਦਾਜ਼ ਦੇ ਨਾਲ ਸੈਲੀਬ੍ਰੇਟ ਕੀਤਾ ਸੀ ।
ਉਧਰ ਹੁਣ ਅੰਕਿਤਾ ਨੇ ਆਪਣੇ ਨਵੇਂ ਘਰ ਤੋਂ ਕੁਝ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ। ਤਸਵੀਰਾਂ ‘ਚ ਉਹ ਵਿੱਕੀ ਜੈਨ ਨਾਲ ਰੋਮਾਂਟਿਕ ਅੰਦਾਜ਼ ‘ਚ ਦਿੱਖ ਰਹੀ ਹੈ।ਇਸ ਫੋਟੋਸ਼ੂਟ ‘ਚ ਅੰਕਿਤਾ ਦੀ ਰਵਾਇਤੀ ਲੁੱਕ ਦੇਖਣ ਨੂੰ ਮਿਲ ਰਹੀ ਹੈ। ਲੁੱਕ ਦੀ ਗੱਲ ਕਰੀਏ ਤਾਂ ਅੰਕਿਤਾ ਨੇ ਮਲਟੀ ਰੰਗ ਦੀ ਸਾੜੀ ਪਾਈ ਹੈ ਜਿਸ ‘ਤੇ ਫੁੱਲ ਅਤੇ ਪੱਤੀਆਂ ਦੇ ਕਾਫ਼ੀ ਸੁੰਦਰ ਡਿਜ਼ਾਈਨ ਬਣੇ ਹੋਏ ਹਨ।
ਅੰਕਿਤਾ ਨੇ ਸਾੜੀ ਦੇ ਨਾਲ ਬੈਲਟ ਕਮਰ ‘ਤੇ ਲਗਾਈ ਸੀ। ਹੱਥਾਂ ‘ਤੇ ਲੱਗੀ ਮਹਿੰਦੀ, ਚੂੜੀਆਂ, ਏਅਰਰਿੰਗ , ਮੰਗਲਸੂਤਰ ਅਤੇ ਮਾਂਗ ‘ਚ ਸਿੰਦੂਰ ਨਵੀਂ ਲਾੜੀ ਦੀ ਲੁੱਕ ਨੂੰ ਚਾਰ ਚੰਦ ਲਗਾ ਰਿਹਾ ਹੈ।ਉਧਰ ਵਿੱਕੀ ਆਲ ਬਲੈਕ ਲੁੱਕ ‘ਚ ਦਿਖ ਰਹੇ ਹਨ।
ਕੁਝ ਤਸਵੀਰਾਂ ‘ਚ ਅੰਕਿਤਾ ਵਿੱਕੀ ਦੀਆਂ ਬਾਹਾਂ ‘ਚ ਲਿਪਟੀ ਨਜ਼ਰ ਆ ਰਹੀ ਹੈ ਤਾਂ ਕੁਝ ‘ਚ ਉਹ ਪਤੀ ਦੀ ਛਾਤੀ ‘ਤੇ ਸਿਰ ਰੱਖੇ ਨਜ਼ਰ ਆ ਰਹੀ ਹੈ।ਡਿਜ਼ਾਈਨਰ JJ Valaya ਦੀ ਵੈੱਬਸਾਈਟ ‘ਤੇ ਅੰਕਿਤਾ ਦੀ ਇਸ ਸਾੜੀ ਦੀ ਕੀਮਤ 79,500 ਰੁਪਏ ਹੈ। ਇਸ ਤੋਂ ਇਲਾਵਾ ਤੁਹਾਨੂੰ ਦੱਸ ਦਈਏ ਕਿ ਵਿਆਹ ਤੋਂ ਕੁੱਝ ਸਮੇਂ ਬਾਅਦ ਛੱਤੀਸਗੜ੍ਹ ਦੇ ਰਾਏਪੁਰ ਵਿੱਚ ਰਿਸੈਪਸ਼ਨ ਪਾਰਟੀ ਰੱਖੀ ਗਈ ਸੀ, ਪਰ ਮੁੜ ਕੋਰੋਨਾ ਵਾਇਰਸ ਦੇ ਵੱਧ ਰਹੇ ਕੇਸਾਂ ਨੂੰ ਵੇਖਦੇ ਹੋਏ ਅੰਕਿਤਾ ਤੇ ਵਿੱਕੀ ਸੁਰੱਖਿਆ ਦੇ ਮੱਦੇਨਜ਼ਰ ਇਹ ਪਾਰਟੀ ਰੱਦ ਕਰ ਦਿੱਤੀ ਗਈ ਹੈ।
