ਅਨੁਪਮ ਖੇਰ ਨੇ ਬਾਲੀਵੁੱਡ ਵਿੱਚ ਵੱਖ-ਵੱਖ ਭੂਮਿਕਾਵਾਂ ਨਿਭਾ ਕੇ ਆਪਣੀ ਅਦਾਕਾਰੀ ਦਾ ਸਬੂਤ ਦਿੱਤਾ ਹੈ। ਬਾਲੀਵੁੱਡ ਤੋਂ ਇਲਾਵਾ ਅਭਿਨੇਤਾ ਨੇ ਜਾਪਾਨੀ ਫਿਲਮਾਂ ‘ਚ ਵੀ ਕੰਮ ਕੀਤਾ ਹੈ। 25 ਸਾਲ ਪਹਿਲਾਂ ਅਨੁਪਮ ਖੇਰ ਨੇ ਇੱਕ ਜਾਪਾਨੀ ਫ਼ਿਲਮ ਵਿੱਚ ਸੁਭਾਸ਼ ਚੰਦਰ ਬੋਸ ਦੀ ਭੂਮਿਕਾ ਨਿਭਾਈ ਸੀ। ਹਾਲ ਹੀ ‘ਚ ਉਨ੍ਹਾਂ ਨੇ ਸੋਸ਼ਲ ਮੀਡੀਆ ‘ਤੇ ਉਸ ਫਿਲਮ ਦੀ ਆਪਣੀ ਇਕ ਵੀਡੀਓ ਸ਼ੇਅਰ ਕੀਤੀ ਹੈ।
ਅਨੁਪਮ ਖੇਰ ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਅਕਾਊਂਟ ਤੋਂ ਇੱਕ ਵੀਡੀਓ ਸ਼ੇਅਰ ਕੀਤੀ ਹੈ। ਇਸ ਵਿੱਚ ਉਹ ਸੁਭਾਸ਼ ਚੰਦਰ ਬੋਸ ਦੇ ਕਿਰਦਾਰ ਵਿੱਚ ਨਜ਼ਰ ਆ ਰਹੇ ਹਨ। ਵੀਡੀਓ ਕਲਿੱਪ ਸ਼ੇਅਰ ਕਰਦੇ ਹੋਏ ਉਨ੍ਹਾਂ ਨੇ ਲਿਖਿਆ, ‘ਬਹੁਤ ਸਾਰੇ ਲੋਕ ਨਹੀਂ ਜਾਣਦੇ ਕਿ ਮੈਂ 1998 ਦੀ ਜਾਪਾਨੀ ਫਿਲਮ ‘ਪ੍ਰਾਈਡ’ ‘ਚ ਸੁਭਾਸ਼ ਚੰਦਰ ਬੋਸ ਦੀ ਭੂਮਿਕਾ ਨਿਭਾਈ ਸੀ। ਮਹਾਂਪੁਰਖ ਦੁਆਰਾ ਕਹੀਆਂ ਗਈਆਂ ਉਨ੍ਹਾਂ ਸਤਰਾਂ ਨੂੰ ਦੁਹਰਾਉਣਾ ਮੇਰੇ ਲਈ ਮਾਣ ਵਾਲੀ ਗੱਲ ਸੀ।’
ਇਸ ਵੀਡੀਓ ‘ਚ ਸੁਭਾਸ਼ ਚੰਦਰ ਬੋਸ ਦੇ ਕਿਰਦਾਰ ‘ਚ ਅਨੁਪਮ ਖੇਰ ਇਹ ਕਹਿੰਦੇ ਹੋਏ ਨਜ਼ਰ ਆ ਰਹੇ ਹਨ ਕਿ ‘ਮੈਂ ਸੁਭਾਸ਼ ਚੰਦਰ ਬੋਸ, ਭਗਵਾਨ ਦੀ ਸੌਂਹ ਖਾਂਦਾ ਹਾਂ ਕਿ ਮੈਂ ਭਾਰਤ ਅਤੇ ਆਪਣੇ 38 ਕਰੋੜ ਲੋਕਾਂ ਨੂੰ ਆਜ਼ਾਦ ਕਰਾਵਾਂਗਾ।’ 23 ਮਈ, 1998 ਨੂੰ ਰਿਲੀਜ਼ ਹੋਈ, ‘ਪ੍ਰਾਈਡ’ ਦਾ ਨਿਰਦੇਸ਼ਨ ਉੱਘੇ ਜਾਪਾਨੀ ਫਿਲਮ ਨਿਰਮਾਤਾ ਸ਼ੂਨਿਆ ਆਇਟੋ ਦੁਆਰਾ ਕੀਤਾ ਗਿਆ ਸੀ।