‘ਬਿੱਗ ਬੌਸ 16’ ਇਨ੍ਹੀਂ ਦਿਨੀਂ ਕਾਫੀ ਚਰਚਾ ‘ਚ ਹੈ। ਇਸ ਹਫਤੇ ਘਰ ‘ਚੋਂ ਬੇਘਰ ਕੀਤੇ ਜਾਣ ਵਾਲੇ ਨਾਮਜ਼ਦ ਸੂਚੀ ‘ਚ 8 ਮੈਂਬਰਾਂ ਦੇ ਨਾਂ ਸ਼ਾਮਲ ਸਨ। ਇਸੇ ਫੈਮਿਲੀ ਸਪੈਸ਼ਲ ਐਪੀਸੋਡ ‘ਚ ‘ਬਿੱਗ ਬੌਸ’ ਦੇ ਘਰ ‘ਚ ਸਾਰਿਆਂ ਦੇ ਪਰਿਵਾਰਕ ਮੈਂਬਰ ਆ ਚੁੱਕੇ ਹਨ। ਇਸ ਦੌਰਾਨ ਪਰਿਵਾਰ ਦੇ ਸਾਰੇ ਮੈਂਬਰ ਅਤੇ ਉਨ੍ਹਾਂ ਦੇ ਪਰਿਵਾਰ ਵਾਲੇ ਬਹੁਤ ਭਾਵੁਕ ਹੋ ਗਏ। ਸਾਜਿਦ ਖਾਨ ਦੀ ਭੈਣ ਫਰਾਹ ਖਾਨ ਇਸ ਐਪੀਸੋਡ ‘ਚ ਆਪਣੇ ਭਰਾ ਨਾਲ ਜਨਮਦਿਨ ਮਨਾਉਂਦੀ ਨਜ਼ਰ ਆਈ। ਹਾਲ ਹੀ ਵਿੱਚ ਸ਼ੋਅ ਦਾ ਇੱਕ ਨਵਾਂ ਪ੍ਰੋਮੋ ਸਾਹਮਣੇ ਆਇਆ ਹੈ। ਇਸ ਪ੍ਰੋਮੋ ਵੀਡੀਓ ‘ਚ ਫਰਾਹ ਖਾਨ ਘਰ ‘ਚ ਐਂਟਰੀ ਕਰਦੀ ਨਜ਼ਰ ਆ ਰਹੀ ਹੈ। ਫਰਾਹ ‘ਬਿੱਗ ਬੌਸ’ ਦੇ ਘਰ ‘ਚ ਐਂਟਰੀ ਕਰਦੀ ਹੈ ਅਤੇ ਆਪਣੇ ਭਰਾ ਸਾਜਿਦ ਖਾਨ ਨੂੰ ਗਲੇ ਲਗਾ ਕੇ ਰੋਣ ਲੱਗ ਜਾਂਦੀ ਹੈ।
ਫਰਾਹ ਨੇ ਸਾਜਿਦ ਨੂੰ ਦੱਸਿਆ ਕਿ ਉਸ ਦੀ ਮਾਂ ਨੂੰ ਉਸ ‘ਤੇ ਬਹੁਤ ਮਾਣ ਹੈ। ਇਸ ਤੋਂ ਬਾਅਦ ਫਰਾਹ ਅਬਦੁ ਰੋਜਿਕ, ਸ਼ਿਵ ਠਾਕਰੇ ਅਤੇ ਐਮਸੀ ਸਟੈਨ ਨੂੰ ਮਿਲਦੀ ਹੈ ਅਤੇ ਕਹਿੰਦੀ ਹੈ ਕਿ 1 ਭਰਾ ਛੱਡ ਗਿਆ ਸੀ ਪਰ ਤਿੰਨ ਭਰਾ ਮਿਲ ਗਏ ਹਨ। ਫਰਾਹ ਇਹ ਵੀ ਦੱਸਦੀ ਹੈ ਕਿ ਜਿਸ ਤਰ੍ਹਾਂ ਸਾਜਿਦ ਉਸ ਨੂੰ ਪਰੇਸ਼ਾਨ ਕਰਦਾ ਹੈ, ਉਹ ਆਪਣੀਆਂ ਭੈਣਾਂ ਨਾਲ ਵੀ ਅਜਿਹਾ ਹੀ ਕਰਦਾ ਹੈ ਅਤੇ ਉਹ ਉਸ ਨੂੰ ਆਪਣੀ ਭੈਣ ਸਮਝਦਾ ਹੈ। ਫਰਾਹ ਮੁਕਾਬਲੇਬਾਜ਼ਾਂ ਲਈ ਬਹੁਤ ਸਾਰਾ ਭੋਜਨ ਲੈ ਕੇ ਘਰ ਦੇ ਅੰਦਰ ਗਈ, ਜਿਸ ਵਿੱਚ ਵੇਜ ਪੁਲਾਵ, ਖੱਟਾ ਆਲੂ, ਯਖਨੀ ਪੁਲਾਵ ਸਮੇਤ ਕਈ ਪਕਵਾਨ ਸ਼ਾਮਲ ਸਨ। ਖਬਰਾਂ ਮੁਤਾਬਕ ਫਰਾਹ ਅਬਦੁਲ ਲਈ ਬਰਗਰ ਵੀ ਲਿਆਏਗੀ। ਉਨ੍ਹਾਂ ਨੇ ਸਾਰੇ ਪ੍ਰਤੀਯੋਗੀਆਂ ਦੀ ਤਾਰੀਫ ਕਰਦੇ ਹੋਏ ਕਿਹਾ ਕਿ ਪ੍ਰਿਅੰਕਾ ਚਾਹਰ ਚੌਧਰੀ ‘ਬਿੱਗ ਬੌਸ 16’ ਦੇ ਘਰ ਦੀ ਦੀਪਿਕਾ ਪਾਦੂਕੋਣ ਹੈ।
