‘ਗਲੀ ਬੁਆਏ’ ਫੇਮ ਰੈਪਰ ਧਰਮੇਸ਼ ਪਰਮਾਰ ਜਿਸ ਨੂੰ ਐੱਮ. ਸੀ. ਤੋੜ ਫੋੜ ਦੇ ਨਾਮ ਨਾਲ ਜਾਣਿਆ ਜਾਂਦਾ ਸੀ, ਦਾ ਦਿਹਾਂਤ ਹੋ ਗਿਆ ਹੈ। ਰੈਪਰ ਧਰਮੇਸ਼ ਦੀ ਉਮਰ 24 ਸਾਲ ਸੀ ਅਤੇ ਉਸ ਦੀ ਮੌਤ ਦੇ ਕਾਰਨਾਂ ਦਾ ਖੁਲਾਸਾ ਨਹੀਂ ਹੋਇਆ ਹੈ। ਉਹ ਮੁੰਬਈ ਸਥਿਤ ਹਿੱਪ-ਹੋਪ ਬੈਂਡ ‘ਸਵਦੇਸ਼ੀ ਮੂਵਮੈਂਟ’ ਨਾਲ ਜੁੜਿਆ ਹੋਇਆ ਸੀ। ਧਰਮੇਸ਼ ਦੀ ਮੌਤ ਦੀ ਜਾਣਕਾਰੀ ਉਨ੍ਹਾਂ ਦੇ ਬੈਂਡ ‘ਸਵਦੇਸ਼ੀ ਮੂਵਮੈਂਟ’ ਨੇ ਹੀ ਸੋਸ਼ਲ ਮੀਡੀਆ ’ਰਾਹੀ ਦਿੱਤੀ ਹੈ।
ਧਰਮੇਸ਼ ਦੀ ਮੌਤ ਦੀ ਖਬਰ ਨਾਲ ਫਿਲਮ ਜਗਤ ਵਿਚ ਸੋਗ ਦੀ ਲਹਿਰ ਦੌੜ ਗਈ ਕਈ ਦਿੱਗਜ ਅਦਾਕਾਰ ਅਤੇ ਧਰਮੇਸ਼ ਦੇ ਪ੍ਰਸ਼ੰਸ਼ਕ ਸੋਸ਼ਲ ਮੀਡੀਆ ਰਾਹੀ ਪੋਸਟਾਂ ਸਾਂਝੀਆਂ ਕਰ ਕੇ ਦੁੱਖ ਜਾਹਰ ਕਰ ਰਹੇ ਹਨ ਬਾਲੀਵੁੱਡ ਸਟਾਰ ਰਣਵੀਰ ਸਿੰਘ ਨੇ ਆਪਣੀ ਇੰਸਟਾਗ੍ਰਾਮ ਸਟੋਰੀ ‘ਤੇ ਐਮਸੀ ਟੌਡ ਫੋਡ ਦੀ ਇੱਕ ਤਸਵੀਰ ਸਾਂਝੀ ਕੀਤੀ ਅਤੇ ਇੱਕ ਟੁੱਟੇ ਹੋਏ ਦਿਲ ਦਾ ਇਮੋਟਿਕੋਨ ਸਾਂਝਾ ਕੀਤਾ ਹੈ।
ਦਸ ਦਈਏ ਕਿ ਧਰਮੇਸ਼ ਮਸ਼ਹੂਰ ਸਟ੍ਰੀਟ ਰੈਪਰ ਸੀ, ਜਿਸ ਨੂੰ ਉਸ ਦੇ ਗੁਜਰਾਤੀ ਬੋਲਾਂ ਕਰਕੇ ਜਾਣਿਆ ਜਾਂਦਾ ਸੀ। ਉਹ ਐੱਮ. ਸੀ. ਤੋੜ ਫੋੜ ਦੇ ਨਾਂ ਨਾਲ ਮਸ਼ਹੂਰ ਸੀ। ਉਸ ਨੇ ਰਣਵੀਰ ਸਿੰਘ, ਸਿਧਾਂਤ ਚਤੁਰਵੇਦੀ ਤੇ ਆਲੀਆ ਭੱਟ ਸਟਾਰਰ ਫ਼ਿਲਮ ‘ਗਲੀ ਬੁਆਏ’ ’ਚ ਆਪਣੇ ਇਕ ਸਾਊਂਡ ਟਰੈਕ ਇੰਡੀਆ 91 ਨਾਲ ਬਾਲੀਵੁੱਡ ’ਚ ਵੀ ਜਗ੍ਹਾ ਬਣਾਈ ਸੀ।