ਨਵੀਂ ਦਿੱਲੀ: ਆਸਕਰ ਈਵੈਂਟ ‘ਚ ਸੁਪਰਸਟਾਰ ਵਿਲ ਸਮਿਥ ਨੇ ਕ੍ਰਿਸ ਰਾਕ ਨੂੰ ਜੋ ਥੱਪੜ ਮਾਰਿਆ ਸੀ, ਉਸ ਦੀ ਗੂੰਜ ਪੂਰੀ ਦੁਨੀਆ ‘ਚ ਗੂੰਜ ਰਹੀ ਹੈ। ਹੁਣ ਇਸ ਮੁੱਦੇ ‘ਤੇ ਅਦਾਕਾਰਾ ਕੰਗਨਾ ਰਣੌਤ ਨੇ ਕਾਫੀ ਦਿਲਚਸਪ ਪ੍ਰਤੀਕਿਰਿਆ ਦਿੱਤੀ ਹੈ। ਕੰਗਨਾ ਰਣੌਤ ਸਮਾਜਿਕ ਮੁੱਦਿਆਂ ‘ਤੇ ਆਪਣੀ ਸਪੱਸ਼ਟ ਰਾਏ ਲਈ ਜਾਣੀ ਜਾਂਦੀ ਹੈ। ਹੁਣ ਇਸ ਮਾਮਲੇ ਦੇ ਬਾਲੀਵੁੱਡ ਦੀ ਪੰਗਾ ਕੁਇਨ ਕੰਗਨਾ ਰਣੌਤ ਨੇ ਵੀ ਆਪਣਾ ਰਿਐਕਸ਼ਨ ਦਿੰਦੇ ਹੋਏ ਵਿਲ ਸਮਿਥ ਨੂੰ ਖ਼ੁਦ ਵਾਂਗ ਬਿਗੜਿਆ ਹੋਇਆ ਤੇ ਜ਼ਿਦੀ ਦੱਸਿਆ ਹੈ। ਇਸ ਵਿਵਾਦ ‘ਚ ਕੰਗਨਾ ਰਣੌਤ ਨੇ ਪਹਿਲਾਂ ਹੀ ਵਿਲ ਸਮਿਥ ਦਾ ਸਮਰਥਨ ਕੀਤਾ ਸੀ।
ਇਸ ਦੇ ਨਾਲ ਹੀ ਕੰਗਨਾ ਰਣੌਤ ਨੇ ਆਪਣੀ ਇੰਸਟਾਗ੍ਰਾਮ ਸਟੋਰੀ ਉੱਤੇ ਇੱਕ ਮਜ਼ਾਕੀਆ ਪੋਸਟ ਅਪਲੋਡ ਕੀਤੀ ਹੈ। ਇਸ ਵਿੱਚ ਉਸ ਨੇ ਵਿਲ ਸਮਿਥ ਨੂੰ ‘ਸਾਂਘੀ’ ਕਿਹਾ ਹੈ। ਕੰਗਨਾ ਰਣੌਤ ਨੇ ਆਪਣੀ ਸਟੋਰੀ ‘ਤੇ ਇਕ ਪੋਸਟ ਵਿੱਚ ਵਿਲ ਸਮਿਥ ਨੂੰ ‘ਸਾਂਘੀ’ ਕਿਹਾ ਹੈ। ਆਪਣੀ ਪੋਸਟ ਵਿੱਚ, ਕੰਗਨਾ ਨੇ ਵਿਲ ਸਮਿਥ ਅਤੇ ਕ੍ਰਿਸ ਰੌਕ ਬਾਰੇ ਇੱਕ ਮੀਮ ਸ਼ਾਮਲ ਕੀਤਾ ਹੈ। ਕੰਗਨਾ ਰਣੌਤ ਨੇ ਇਸ ਫੋਟੋ ਦੇ ਨਾਲ ਮਜ਼ਾਕੀਆ ਕੈਪਸ਼ਨ ਵਿੱਚ ਆਪਣੀ ਤੁਲਨਾ ਵਿਲ ਸਮਿਥ ਨਾਲ ਕੀਤੀ ਹੈ। ਅਦਾਕਾਰਾ ਨੇ ਲਿਖਿਆ, ‘ਸਾਬਤ ਕਰੋ ਕਿ ਵਿਲ ਵੀ ‘ਸਾਂਘੀ’ ਹੈ। ਮੇਰੇ ਵਾਂਗ ਉਹ ਵੀ ਵਿਗੜ ਗਿਆ ਹੈ। ਕੰਗਨਾ ਦੇ ਇੰਸਟਾਗ੍ਰਾਮ ਪੋਸਟ ਨੂੰ ਲੈ ਕੇ ਫੈਨਜ਼ ਬੇਹੱਦ ਖੁਸ਼ ਹਨ। ਇਸ ਤੋਂ ਪਹਿਲਾਂ ਵੀ ਕੰਗਨਾ ਨੇ ਇੱਕ ਇੰਸਟਾਗ੍ਰਾਮ ਸਟੋਰੀ ਪੋਸਟ ਕੀਤੀ ਸੀ ਜਿਸ ਵਿੱਚ ਉਸਨੇ ਵਿਲ ਸਮਿਥ ਲਈ ਆਪਣਾ ਸਮਰਥਨ ਜ਼ਾਹਰ ਕੀਤਾ ਸੀ।
