ਬਾਲੀਵੁੱਡ ਦੀ ਕੰਗਨਾ ਰਣੌਤ ਲਗਾਤਾਰ ਆਪਣੀਆਂ ਫਿਲਮਾਂ ਨੂੰ ਲੈ ਕੇ ਸੁਰਖੀਆਂ ‘ਚ ਬਣੀ ਰਹਿੰਦੀ ਹੈ। ਕੰਗਨਾ ਸੋਸ਼ਲ ਮੀਡੀਆ ‘ਤੇ ਆਪਣੇ ਬੇਬਾਕ ਬਿਆਨਾਂ ਕਾਰਨ ਵੀ ਚਰਚਾ ‘ਚ ਰਹਿੰਦੀ ਹੈ। ਆਪਣੇ ਕਰੀਅਰ ਦੇ ਸ਼ੁਰੂਆਤੀ ਦਿਨਾਂ ‘ਚ ਕੰਗਨਾ ਨੇ ਉਹ ਦਿਨ ਵੀ ਦੇਖੇ ਹਨ ਜਦੋਂ ਉਹ ਸ਼ੂਟਿੰਗ ਦੌਰਾਨ ਚੱਟਾਨ ਦੇ ਪਿੱਛੇ ਜਾ ਕੇ ਕੱਪੜੇ ਬਦਲਦੀ ਸੀ ਪਰ ਆਪਣੀ ਕਾਮਯਾਬੀ ਨਾਲ ਕੰਗਨਾ ਨੇ ਅੱਜ ਸਾਰਿਆਂ ਦਾ ਮੂੰਹ ਬੰਦ ਕਰ ਦਿੱਤਾ ਹੈ। ਅਦਾਕਾਰਾ ਕੋਲ ਅੱਜ ਆਪਣੀ ਵੈਨਿਟੀ ਵੈਨ ਹੈ। ਜਿਸ ਨੂੰ ਉਸ ਨੇ ਕਸਟਮਾਈਜ਼ ਕਰਵਾਇਆ ਹੈ।
ਕੇਤਨ ਰਾਵਲ ਨੇ ਕੰਗਨਾ ਦੀ ਵੈਨਿਟੀ ਵੈਨ ਬਾਰੇ ਜਾਣਕਾਰੀ ਦਿੱਤੀ ਹੈ। ਕੇਤਨ ਰਾਵਲ ਨੇ ਕਈ ਬਾਲੀਵੁੱਡ ਹਸਤੀਆਂ ਲਈ ਵੈਨਿਟੀ ਵੈਨ ਡਿਜ਼ਾਈਨ ਕੀਤੀ ਹੈ। ਕੰਗਨਾ ਦੀ ਵੈਨਿਟੀ ਵੈਨ ਬਾਰੇ ਗੱਲ ਕਰਦੇ ਹੋਏ ਕੇਤਨ ਰਾਵਲ ਨੇ ਕਿਹਾ, ‘ਕੰਗਨਾ ਆਪਣੀ ਵੈਨਿਟੀ ਵੈਨ ਲਈ ਬਹੁਤ ਹੀ ਰਵਾਇਤੀ ਲੁੱਕ ਚਾਹੁੰਦੀ ਸੀ। ਉਹ ਵੈਨਿਟੀ ਵੈਨ ਵਿੱਚ ਘਰ ਮਹਿਸੂਸ ਕਰਨਾ ਚਾਹੁੰਦੀ ਸੀ। ਇਸ ਲਈ ਉਹ ਆਪਣੀ ਵੈਨਿਟੀ ਵੈਨ ਨੂੰ ਆਪਣੇ ਘਰ ਦੀ ਦਿੱਖ ਵਾਂਗ ਕਸਟਮਾਈਜ਼ ਕਰਵਾਉਣਾ ਚਾਹੁੰਦੀ ਸੀ। ਉਸ ਨੇ ਇਹ ਵੀ ਦੱਸਿਆ ਕਿ ਸੋਫੇ ‘ਤੇ ਨੱਕਾਸ਼ੀ ਕੀਤੀ ਗਈ ਹੈ ਅਤੇ ਕੁਰਸੀਆਂ ਵੀ ਅਸਲੀ ਲੱਕੜ ਦੀਆਂ ਬਣਾਈਆਂ ਗਈਆਂ ਸਨ। ਕੰਗਨਾ ਦੀ ਵੈਨਿਟੀ ਵੈਨ 65 ਲੱਖ ਰੁਪਏ ਵਿੱਚ ਬਣੀ ਹੈ।