ਕਰੀਨਾ ਕਪੂਰ ਖਾਨ ਦਾ ਵੱਡਾ ਬੇਟਾ ਤੈਮੂਰ ਅਲੀ ਖਾਨ ਬਚਪਨ ਤੋਂ ਹੀ ਸੋਸ਼ਲ ਮੀਡੀਆ ‘ਤੇ ਛਾਇਆ ਹੋਇਆ ਹੈ। 20 ਦਸੰਬਰ 2016 ਨੂੰ ਜਨਮੇ ਤੈਮੂਰ ਅਕਸਰ ਆਪਣੀ ਕਿਊਟਨੈੱਸ ਨਾਲ ਸਾਰਿਆਂ ਦਾ ਦਿਲ ਜਿੱਤ ਲੈਂਦੇ ਹਨ। ਤੈਮੂਰ ਹੁਣ ਸਾਢੇ ਪੰਜ ਸਾਲ ਦਾ ਹੈ। ਕਰੀਨਾ ਕਪੂਰ ਨੇ ਹਾਲ ਹੀ ‘ਚ ‘ਲਾਲ ਸਿੰਘ ਚੱਢਾ’ ਦੇ ਪ੍ਰਮੋਸ਼ਨ ਦੌਰਾਨ ਆਪਣੇ ਪਰਿਵਾਰ ਅਤੇ ਦੋਹਾਂ ਪੁੱਤਰਾਂ ਤੈਮੂਰ ਅਤੇ ਜੇਹ ਅਲੀ ਖਾਨ ਬਾਰੇ ਕਾਫੀ ਗੱਲਾਂ ਕੀਤੀਆਂ। ਕਰੀਨਾ ਨੇ ਹਾਲ ਹੀ ‘ਚ ਆਪਣੇ ਇਕ ਇੰਟਰਵਿਊ ‘ਚ ਦੱਸਿਆ ਸੀ ਕਿ ਪੰਜ ਸਾਲ ਦੇ ਤੈਮੂਰ ਨੇ ਪਹਿਲੀ ਵਾਰ ਕਿਸੇ ਬਾਲੀਵੁੱਡ ‘ਚ ਦੇਖਿਆ ਹੈ। ਉਹ ਵੀ ਕਰੀਨਾ ਕਪੂਰ ਅਤੇ ਸੈਫ ਅਲੀ ਖਾਨ ਦਾ ਨਹੀਂ, ਸਗੋਂ ਕਾਰਤਿਕ ਆਰੀਅਨ ਦਾ।
ਕਰੀਨਾ ਕਪੂਰ ਨੇ ਇਕ ਇੰਟਰਵਿਊ ਦੌਰਾਨ ਦੱਸਿਆ ਕਿ ਹਾਲ ਹੀ ‘ਚ ਤੈਮੂਰ ਪਿਤਾ ਸੈਫ ਅਲੀ ਖਾਨ ਨਾਲ ਆਪਣੀ ਪਹਿਲੀ ਹਿੰਦੀ ਫਿਲਮ ਦੇਖਣ ਲਈ ਥੀਏਟਰ ਗਿਆ ਸੀ ਅਤੇ ਉਸ ਨੇ ਕਾਰਤਿਕ ਆਰੀਅਨ ਅਤੇ ਕਿਆਰਾ ਅਡਵਾਨੀ ਸਟਾਰਰ ਫਿਲਮ ‘ਭੂਲ ਭੁਲਾਇਆ 2’ ਦੇਖੀ ਸੀ। ਕਰੀਨਾ ਨੇ ਅੱਗੇ ਦੱਸਿਆ ਕਿ ਤੈਮੂਰ ਅਲੀ ਖਾਨ ਨੂੰ ਉਹ ਫਿਲਮ ਬਹੁਤ ਪਸੰਦ ਆਈ ਸੀ। ਇਸ ਦੇ ਨਾਲ ਹੀ ਬੇਬੋ ਨੇ ਇਹ ਵੀ ਖੁਲਾਸਾ ਕੀਤਾ ਕਿ ਛੋਟੇ ਤੈਮੂਰ ਨੂੰ ਡਰਾਉਣੀਆਂ ਫਿਲਮਾਂ ਦੇਖਣਾ ਪਸੰਦ ਹੈ। ਬੇਬੋ ਨੇ ਇਹ ਵੀ ਦੱਸਿਆ ਕਿ ਤੈਮੂਰ ਵਾਰ-ਵਾਰ ਉਸ ਕੋਲ ਆਉਂਦਾ ਹੈ ਅਤੇ ਉਸ ਨੂੰ ਕਹਾਣੀਆਂ ਸੁਣਾਉਣ ਲਈ ਕਹਿੰਦਾ ਹੈ।
ਮੀਡੀਆ ਰਿਪੋਰਟਾਂ ਮੁਤਾਬਕ ਕਾਰਤਿਕ ਆਰੀਅਨ ਦੀ ਫਿਲਮ ‘ਭੂਲ ਭੁਲੱਈਆ 2’ ਦੀ ਸਫਲਤਾ ਤੋਂ ਬਾਅਦ ਹੁਣ ਮੇਕਰਸ ‘ਭੂਲ ਭੁਲਈਆ 3’ ਲਿਆਉਣ ਦੀ ਤਿਆਰੀ ਕਰ ਰਹੇ ਹਨ। ਕਾਰਤਿਕ ਆਰੀਅਨ ਅਤੇ ਕਿਆਰਾ ਅਡਵਾਨੀ ਦੀ ਇਸ ਫਿਲਮ ਨੇ ਬਾਕਸ ਆਫਿਸ ‘ਤੇ ਲਗਭਗ 266 ਕਰੋੜ ਦੀ ਕਮਾਈ ਕੀਤੀ ਸੀ। ਹੁਣ ਜੇਕਰ ਖਬਰਾਂ ਦੀ ਮੰਨੀਏ ਤਾਂ ‘ਭੂਲ ਭੁਲਈਆ 2’ ਤੋਂ ਬਾਅਦ ਮੇਕਰਸ ‘ਭੂਲ ਭੁਲਈਆ 3’ ਨੂੰ ਵੱਡੇ ਬਜਟ ‘ਚ ਲਿਆਉਣਾ ਚਾਹੁੰਦੇ ਹਨ, ਇਸ ਤੋਂ ਇਲਾਵਾ ਖਬਰਾਂ ਇਹ ਵੀ ਆ ਰਹੀਆਂ ਹਨ ਕਿ ਫਿਲਮ ‘ਚ ਕਿਆਰਾ ਅਡਵਾਨੀ ਨੂੰ ਨਹੀਂ ਸਗੋਂ ਦੀਪਿਕਾ ਪਾਦੂਕੋਣ ਨੂੰ ਕਾਸਟ ਕਰਨ ਦੀ ਤਿਆਰੀ ਕੀਤੀ ਜਾ ਰਹੀ ਹੈ।
