ਬਾਲੀਵੁੱਡ ਅਤੇ ਪੰਜਾਬੀ ਗਾਇਕ ਮੀਕਾ ਸਿੰਘ ਸੋਸ਼ਲ ਮੀਡੀਆ ‘ਤੇ ਕਾਫੀ ਐਕਟਿਵ ਰਹਿੰਦੇ ਹਨ। ਹਾਲ ਹੀ ‘ਚ ਉਨ੍ਹਾਂ ਨੇ ਇਕ ਵੀਡੀਓ ਸ਼ੇਅਰ ਕੀਤੀ ਹੈ, ਜਿਸ ਕਾਰਨ ਇਹ ਗਾਇਕ ਸੁਰਖੀਆਂ ‘ਚ ਹੈ। ਇਸ ਵੀਡੀਓ ‘ਚ ਗਾਇਕ ਮੀਕਾ ਪੀ.ਐਮ ਮੋਦੀ ਨੂੰ ਸਲਾਮ ਕਰਦੇ ਨਜ਼ਰ ਆ ਰਹੇ ਹਨ।
ਦਰਅਸਲ, ਮੀਕਾ ਸਿੰਘ ਨੇ ਆਪਣੇ ਟਵਿਟਰ ‘ਤੇ ਇਕ ਵੀਡੀਓ ਸ਼ੇਅਰ ਕੀਤੀ ਹੈ। ਇਸ ਵੀਡੀਓ ‘ਚ ਉਹ ਪੀਐੱਮ ਮੋਦੀ ਦੀ ਸ਼ਲਾਘਾ ਕਰਦੇ ਨਜ਼ਰ ਆ ਰਹੇ ਹਨ। ਵੀਡੀਓ ‘ਚ ਮੀਕਾ ਸਿੰਘ ਕਹਿੰਦੇ ਹਨ, ‘ਹੈਲੋ ਇੰਡੀਆ, ਮੈਂ ਮੀਕਾ ਸਿੰਘ, ਇਹ ਮਾਣ ਵਾਲੀ ਗੱਲ ਹੈ ਕਿ ਮੈਂ ਕਤਰ ਦੇ ਦੋਹਾ ਏਅਰਪੋਰਟ ‘ਤੇ ਹਾਂ, ਇੱਥੇ ਤੁਸੀਂ ਭਾਰਤੀ ਕਰੰਸੀ ਨਾਲ ਖਰੀਦਦਾਰੀ ਕਰ ਸਕਦੇ ਹੋ, ਤੁਸੀਂ ਜੋ ਵੀ ਸ਼ਾਪਿੰਗ ਕਰਨਾ ਚਾਹੁੰਦੇ ਹੋ, ਤੁਸੀਂ ਉਸ ਲਈ ਭਾਰਤੀ ਕਰੰਸੀ ਦੇ ਸਕਦੇ ਹੋ, ਧੰਨਵਾਦ ਮੋਦੀ ਜੀ, ਮੈਂ ਤੁਹਾਨੂੰ ਸਲਾਮ ਕਰਦਾ ਹਾਂ, ਹੁਣ ਭਾਰਤੀ ਪੈਸਾ ਵੀ ਪੂਰੀ ਦੁਨੀਆ ‘ਚ ਡਾਲਰਾਂ ਵਾਂਗ ਕੰਮ ਕਰੇਗਾ, ਇਹ ਕਤਰ ‘ਚ ਕੰਮ ਕਰ ਰਿਹਾ ਹੈ।’
ਇਸ ਵੀਡੀਓ ਨੂੰ ਸ਼ੇਅਰ ਕਰਦੇ ਹੋਏ ਮੀਕਾ ਨੇ ਕੈਪਸ਼ਨ ‘ਚ ਲਿਖਿਆ, ‘ਗੁਡ ਮਾਰਨਿੰਗ… ਦੋਹਾ ਏਅਰਪੋਰਟ ‘ਤੇ LV ਸਟੋਰ ‘ਚ ਭਾਰਤੀ ਕਰੰਸੀ ਦੀ ਵਰਤੋਂ ਕਰਕੇ ਖਰੀਦਦਾਰੀ ਕਰਦੇ ਹੋਏ ਮੈਨੂੰ ਬਹੁਤ ਮਾਣ ਮਹਿਸੂਸ ਹੋ ਰਿਹਾ ਹੈ… ਤੁਸੀਂ ਕਿਸੇ ਵੀ ਰੈਸਟੋਰੈਂਟ ‘ਚ ਭਾਰਤੀ ਰੁਪਏ ਦੀ ਵਰਤੋਂ ਕਰ ਸਕਦੇ ਹੋ…’ ਹੈ ਨਾ ਇਹ ਕਮਾਲ ਦੀ ਗੱਲ? ਸਾਨੂੰ ਆਪਣੀ ਕਰੰਸੀ ਡਾਲਰ ਦੀ ਤਰ੍ਹਾਂ ਵਰਤਣ ਦੇ ਯੋਗ ਬਣਾਉਣ ਲਈ ਨਰਿੰਦਰ ਮੋਦੀ ਸਾਹਿਬ ਨੂੰ ਸਲਾਮ।”