ਬਾਲੀਵੁੱਡ ਦੀ ਦੇਸੀ ਗਰਲ ਅਤੇ ਹਾਲੀਵੁੱਡ ਸਟਾਰ ਪ੍ਰਿਯੰਕਾ ਚੋਪੜਾ ਇਨ੍ਹੀਂ ਦਿਨੀਂ ਆਪਣੀ ਬੇਟੀ ਮਾਲਤੀ ਨਾਲ ਭਾਰਤ ‘ਚ ਹੈ। ਫਿਲਹਾਲ ਦੇਸੀ ਗਰਲ ਆਪਣੇ ਪੂਰਵ-ਯੋਜਨਾਬੱਧ ਪ੍ਰੋਗਰਾਮ ‘ਚ ਆਪਣੀ ਹਾਜ਼ਰੀ ਲਗਵਾ ਰਹੀ ਹੈ। ਇਸ ਦੌਰਾਨ ਪ੍ਰਿਅੰਕਾ ਦੇ ਪਤੀ ਅਤੇ ਹਾਲੀਵੁੱਡ ਸਟਾਰ ਨਿਕ ਜੋਨਸ ਸੋਮਵਾਰ ਸਵੇਰੇ ਆਪਣੀ ਪਤਨੀ ਅਤੇ ਬੇਟੀ ਨਾਲ ਸਮਾਂ ਬਿਤਾਉਣ ਲਈ ਮੁੰਬਈ ਪਹੁੰਚੇ। ਇਹ ਵੀ ਚਰਚਾ ਹੈ ਕਿ ਨਿਕ ਹੋਲੀ ਪਾਰਟੀ ਲਈ ਮੁੰਬਈ ਆਏ ਹਨ।
ਜ਼ਿਕਰਯੋਗ ਹੈ ਕਿ ਕੁਝ ਦਿਨ ਪਹਿਲਾਂ ਹੀ ਜੋਨਸ ਬ੍ਰਦਰਜ਼ ਆਪਣੇ ਬੈਂਡ ਨਾਲ ਪਰਫਾਰਮ ਕਰਨ ਲਈ ਮੁੰਬਈ ਆਏ ਸਨ। ਵਰਤਮਾਨ ਵਿੱਚ ਨਿਕ ਆਪਣੇ ਬੈਂਡ ਦੇ ਨਾਲ ਟੂਰ ‘ਤੇ ਹਨ, ਜਿੱਥੇ ਨਿਕ ਟੈਕਸਾਸ ਵਿੱਚ ਇੱਕ ਪ੍ਰਫਾਰਮੇਂਸ ਦੇਣ ਤੋਂ ਬਾਅਦ ਮੁੰਬਈ ਵਾਪਸ ਆਏ ਹਨ। ਨਿਕ ਨੂੰ ਏਅਰਪੋਰਟ ‘ਤੇ ਆਲ ਵ੍ਹਾਈਟ ਡੈਨਿਮ ਲੁੱਕ ‘ਚ ਦੇਖਿਆ ਗਿਆ, ਜਿੱਥੇ ਉਨ੍ਹਾਂ ਨੇ ਪ੍ਰਸ਼ੰਸਕਾਂ ਦਾ ਧੰਨਵਾਦ ਵੀ ਕੀਤਾ। ਭਾਰਤ ਆਉਣ ਤੋਂ ਪਹਿਲਾਂ ਪ੍ਰਿਯੰਕਾ ਆਪਣੇ ਪਤੀ ਨਿਕ ਜੋਨਸ ਅਤੇ ਬੇਟੀ ਮਾਲਤੀ ਨਾਲ ਦੁਬਈ ‘ਚ ਛੁੱਟੀਆਂ ਬਿਤਾਉਂਦੇ ਨਜ਼ਰ ਆਈ ਸੀ।