ਕੈਟਰੀਨਾ ਕੈਫ, ਸਿਧਾਂਤ ਚਤੁਰਵੇਦੀ ਅਤੇ ਈਸ਼ਾਨ ਖੱਟਰ ਸਟਾਰਰ ਹਾਰਰ ਕਾਮੇਡੀ ਫਿਲਮ ‘ਫੋਨ ਭੂਤ’ ਦੀ ਰਿਲੀਜ਼ ਨੂੰ ਇਕ ਹਫਤਾ ਹੋਣ ਵਾਲਾ ਹੈ। ਫਿਲਮ 4 ਨਵੰਬਰ ਨੂੰ ਸਿਨੇਮਾਘਰਾਂ ਵਿੱਚ ਆਈ ਅਤੇ ਡਬਲ ਐਕਸਐਲ ਨਾਲ ਟਕਰਾ ਗਈ। ਹਾਲਾਂਕਿ ਕੈਟਰੀਨਾ ਕੈਫ ਦੀ ‘ਫੋਨ ਭੂਤ’ ਬਾਕਸ ਆਫਿਸ ‘ਤੇ ਜਾਹਨਵੀ ਕਪੂਰ ਦੀ ‘ਮਿਲੀ’ ਅਤੇ ਸੋਨਾਕਸ਼ੀ ਸਿਨਹਾ ਅਤੇ ਹੁਮਾ ਕੁਰੈਸ਼ੀ ਦੀ ‘ਡਬਲ ਐਕਸਐੱਲ’ ਨਾਲੋਂ ਜ਼ਿਆਦਾ ਕਮਾਈ ਕਰ ਰਹੀ ਹੈ। ਪਰ ਇਸ ਦੇ ਬਾਵਜੂਦ ਇਹ ਡਰਾਉਣੀ ਕਾਮੇਡੀ ਫਿਲਮ ਦਰਸ਼ਕਾਂ ਦੀਆਂ ਉਮੀਦਾਂ ਮੁਤਾਬਕ ਕਮਾਈ ਨਹੀਂ ਕਰ ਸਕੀ ਅਤੇ ਫਿਲਮ ਬਾਕਸ ਆਫਿਸ ‘ਤੇ ਕਾਫੀ ਹੌਲੀ ਰਫਤਾਰ ਨਾਲ ਅੱਗੇ ਵਧ ਰਹੀ ਹੈ। ਕੈਟਰੀਨਾ ਕੈਫ ਦੀ ਫਿਲਮ ਪੰਜਵੇਂ ਦਿਨ ਭਾਵ ਮੰਗਲਵਾਰ ਨੂੰ ਛੁੱਟੀ ਹੋਣ ਦੇ ਬਾਵਜੂਦ ਦਰਸ਼ਕਾਂ ਨੂੰ ਥੀਏਟਰ ਵੱਲ ਖਿੱਚਣ ਵਿੱਚ ਅਸਫਲ ਰਹੀ।
ਫਿਲਮ ਨੇ ਜਿੱਥੇ ਪਹਿਲੇ ਦਿਨ 2.05 ਕਰੋੜ ਦੀ ਕਮਾਈ ਕੀਤੀ, ਉੱਥੇ ਹੀ ਦੂਜੇ ਦਿਨ ਫਿਲਮ ਨੇ 2.75 ਕਰੋੜ ਦੀ ਕਮਾਈ ਕੀਤੀ। ਵੀਕੈਂਡ ਤੱਕ ਇਸ ਫਿਲਮ ਦਾ ਕਲੈਕਸ਼ਨ ਕਾਫੀ ਚੰਗਾ ਰਿਹਾ ਕਿਉਂਕਿ ਫਿਲਮ ਨੇ ਤੀਜੇ ਦਿਨ 3 ਕਰੋੜ ਦਾ ਕਾਰੋਬਾਰ ਕੀਤਾ ਸੀ। ਪਰ ਚੌਥੇ ਦਿਨ ਯਾਨੀ ਸੋਮਵਾਰ ਨੂੰ ਕੈਟਰੀਨਾ ਕੈਫ ਦੀ ‘ਫੋਨ ਭੂਤ’ ਬਾਕਸ ਆਫਿਸ ‘ਤੇ ਡਿੱਗ ਗਈ ਅਤੇ ਫਿਲਮ ਨੇ 1.34 ਕਰੋੜ ਦਾ ਕਾਰੋਬਾਰ ਕੀਤਾ। ਪੰਜਵੇਂ ਦਿਨ ਵੀ, ਫਿਲਮ ਬਾਕਸ ਆਫਿਸ ‘ਤੇ ਸਿਰਫ 1.52 ਕਰੋੜ ਦਾ ਕਾਰੋਬਾਰ ਕਰ ਸਕੀ ਅਤੇ ਫਿਲਮ ਨੇ ਹੁਣ ਤੱਕ ਭਾਰਤੀ ਬਾਕਸ ਆਫਿਸ ‘ਤੇ ਕੁੱਲ 10.71 ਕਰੋੜ ਦੀ ਕਮਾਈ ਕੀਤੀ ਹੈ।ਕੈਟਰੀਨਾ ਕੈਫ ਨੇ ਮਹਾਮਾਰੀ ਤੋਂ ਬਾਅਦ ਆਪਣੀ ਪਹਿਲੀ ਫਿਲਮ ‘ਫੋਨ ਭੂਤ’ ਦੇ ਪ੍ਰਮੋਸ਼ਨ ‘ਚ ਕੋਈ ਕਸਰ ਨਹੀਂ ਛੱਡੀ ਪਰ ਇਸ ਦੇ ਬਾਵਜੂਦ ਗੁਰਮੀਤ ਸਿੰਘ ਨਿਰਦੇਸ਼ਤ ਇਹ ਫਿਲਮ ਦਰਸ਼ਕਾਂ ਨੂੰ ਪ੍ਰਭਾਵਿਤ ਕਰਨ ‘ਚ ਅਸਫਲ ਰਹੀ।
