ਪ੍ਰਿਅੰਕਾ ਚੋਪੜਾ ਨੇ ਪਹਿਲੀ ਵਾਰ ਆਪਣੀ ਧੀ ਮਾਲਤੀ ਮੈਰੀ ਚੋਪੜਾ ਜੋਨਸ ਦੀ ਝਲਕ ਸਾਂਝੀ ਕੀਤੀ ਹੈ। ਹਾਲਾਂਕਿ ਫੋਟੋ ‘ਚ ਪ੍ਰਿਯੰਕਾ ਨੇ ਮਾਲਤੀ ਦੇ ਚਿਹਰੇ ਦਾ ਅੱਧਾ ਹਿੱਸਾ ਹੀ ਦਿਖਾਇਆ ਹੈ। ਸੌਂਦੇ ਸਮੇਂ ਮਾਲਤੀ ਦੇ ਗੁਲਾਬੀ ਬੁੱਲ ਅਤੇ ਗੱਲ੍ਹ ਬਹੁਤ ਪਿਆਰੇ ਲੱਗ ਰਹੇ ਸਨ। ਪ੍ਰਿਅੰਕਾ ਦੀ ਬੇਟੀ ਦੀ ਇਹ ਫੋਟੋ ਸੋਸ਼ਲ ਮੀਡੀਆ ‘ਤੇ ਕਾਫੀ ਚਰਚਾ ‘ਚ ਹੈ, ਕੁਝ ਲੋਕ ਕਹਿ ਰਹੇ ਹਨ ਕਿ ਉਹ ਪਾਪਾ ਨਿਕ ਜੋਨਸ ਵਰਗੀ ਲੱਗ ਰਹੀ ਹੈ, ਉਥੇ ਹੀ ਕਈ ਲੋਕ ਕਹਿ ਰਹੇ ਹਨ ਕਿ ਮਾਲਤੀ ਪ੍ਰਿਅੰਕਾ ਵਰਗੀ ਹੈ। ਇਹ ਪਹਿਲੀ ਵਾਰ ਹੈ ਜਦੋਂ ਪ੍ਰਿਅੰਕਾ ਨੇ ਆਪਣੀ ਬੇਟੀ ਦਾ ਮਾਮੂਲੀ ਜਿਹਾ ਚਿਹਰਾ ਦਿਖਾਇਆ ਹੈ।
ਫੋਟੋ ‘ਚ ਮੈਰੀ ਮਾਲਤੀ ਗਰਮ ਕੱਪੜਿਆਂ ‘ਚ ਨਜ਼ਰ ਆ ਰਹੀ ਹੈ। ਬੇਬੀ ਸਟ੍ਰੋਲਰ ਵਿੱਚ ਸੌਂ ਰਹੀ ਮਾਲਤੀ ਨੇ ਗਰਮ ਟੋਪੀ ਪਾਈ ਹੋਈ ਹੈ, ਤਾਂ ਜੋ ਉਸ ਦੀਆਂ ਅੱਖਾਂ ਦਿਖਾਈ ਨਾ ਦੇਣ। ਪ੍ਰਿਯੰਕਾ ਨੇ ਆਪਣੀ ਬੇਟੀ ‘ਤੇ ਪਿਆਰ ਲੁੱਟਾਉਂਦੇ ਹੋਏ ਕੈਪਸ਼ਨ ‘ਚ ਲਿਖਿਆ- ‘ਆਈ ਮੀਨ’। ਫੋਟੋ ‘ਚ ਚਿਹਰੇ ਤੋਂ ਇਲਾਵਾ ਮਾਲਤੀ ਦੇ ਛੋਟੇ-ਛੋਟੇ ਹੱਥ ਦੇਖੇ ਜਾ ਸਕਦੇ ਹਨ, ਜੋ ਕਿ ਬਹੁਤ ਹੀ ਪਿਆਰੇ ਲੱਗ ਰਹੇ ਹਨ।
